قمر.. للجزء الثاني
يزن... عادي حتى لو مخلصه سادس ابتدائي اني اعلمج ع طريقه العمل
قمر.. بس يعني
مديحة... هاي هي خاله يزن اعتبرها يمك دوام
سمر.. اي ترى قمر شاطرة وداعتك تعرف كل شي وبسرعه تتعلم يم سعاد تاتو تعلمت كل شي
يزن.. هههههه اي مدام هيج تعالي باجر ع مكتب
قمر.. إن شاء الله
وصلنا ع بيت لكينا امي جايه من شغل خطيه تعبانه
قمر... مديحه عيني لا تحجين شي لأمي خطيه تنقهر
مديحة.. لا داداه شحجي أمج تروح بيها
هسه موضوعنا باجر روحي ع شغل استاذ يزن ترى حباب
سمر.. اي. بدلي روحي اني عدي فستان ضامته راح اطي الج وحذاء
مديحه.. واني عدي جنطه
قمر... بس اني كل شي ماكو لا أعرف ولا شي اخاف اروح نوب يطردني لان يشوفني دجه دبل
سمر... اووووو ادخل جوا احسن
مديحه... قمر شوفي هاي فرصه اجتج باوعي ع حال اهلج وامج خطيه حاولي تتحملين كل شي َلزكي بل شغل لزك
قمر. اي والله امي خطيه تعبانه
مديحه.. يالله مثل ما كتلج اروح اني
قمر. مشكورة مديحة تعبناج ويانا
مديحه. يا داداه لل تحجين هيج إحنا اهل
دخلت البيت لكيت امي خطيه جايبه اكل وياها من ناس لي تشتغل عدهم َ
ام قمر.. هاي اليوم وين طالعات وعايفات البيت
سمر.. هاااااا مو جنا
قمر.. اي يمه اني اخذت سمر وياي تعاوني بصالون ماكدرت وحدي تعبت
ام قمر.. هذا غدا جبته وياي جن كلبي يعلم مراح الكاج مسويه غدا
قمر... يما اني راح اشتغل
ام قمر... وين تشتغلين
قمر.. مكتب محامي تعرفهم مديحه
ام قمر.. اذا تعرفهم مديحه خوش
سمر... اي راح يطونج راتب زين
قمر.. اي ان شاء الله يارب
يزن... رجعت ع بيت واني افكر بقمر
قمر لي جنها كمر مراية
كلبي أخذته مني ياربي شبيه
شبيك شويه استجن اثكل
شثكل شيجيب باجر اَواصبر شلون...
هلو هلو كمت اغني من بدايتها تاليتها شلون يا يزن
ابو صعب
صعب صعب
صعب... ها بابا كول
ابو صعب.. ابني أريدك تروح ع هاي لي ساكنين بمنطقه كلهم اخر انذار الكم وخلي يخلون منازلهم
صعب.. بس بابا هذول فقرة خطيه
ابو صعب.. انت كاعد تعاندني لو شنو
ابو صعب.. هذا مشروع جبير واني دفعت فلوسي بي لازم يتنفذ وينظف المكان من هاي حشرات
صعب أن شاء الله بابا راح اروح أمري لله
صعب... اني ماريد اروح ورجلية تأخذني بس عقلي وكلبي يكلي لا بس شسوي الوالد ما يقبل لازم اروح
صعب.. وصلت للمنطقه تعبانه ناس فقرة خطيه تعبانين
صعب... انتم لازم تشيلون خوش هذا العناد مو بصالحكم ابد ومراح يغير شي من النتيجه
قمر.. احنا كاعدين ونسمع حجي بل منطقه نفس كل مرة اني ما تحملت ولله روحي طلعت كلت خل احجي ويصير خلي يصير
قمر... طلعت برا شفت شخص ثاني غير هذا رجال جبير
قمر... هيييييي انت شكو صيح بعدين وهذا شايب يومية يجي دزك انت ظاهر خاف من رزالتي اله
صعب... شفت بنية حلوة حيل طيح طير البسما بس لسانها طويل واني ماحب احد يقلل احترامي
صعب... شنو هاي لسانج فعلا ما متربية
قمر.... واووو عيني يريد تربية لا دااده هنا بس إدارة واقتصاد ههههههههههههه
صعب ظحكت عليه ناس خليت وصعدت بسيارة وضايج ومقهور دخلت للبيت اول مرة واحد هيج يهيني
يزن... هاا صعب شلونك
صعب.. عوفني مالي خلك
صعدت غرفتي واني مقهور الغلط بينا لو بيها هي
