سلااام دبدوباتي
كيراكم غايا ، انا حمدلله
كاش حمان ولا 😂🙂
اعطوني رايكم في الاحداث________________________
✨ يوم جديد ✨(ثلاثاء)
عند لينا --11:30--
ناظت لقات عينيها منفخين و حمورا من بارح و راسها يووجع ناظت غسلت وجهها و قعدت تكونيكتي و بعثت ميساج لادم "سمحلي على البارح كانو عندي ظروف ان شاء الله نخلفوها"✨ عيطت لهناء ✨--14:00--
لينا : الو
هناء : وي عمري تباني عيانة وشبيك
و لينا تطرطق بالبكا
هناء : لينا حبي وشبييك لينا
لينا : تقدري تجي لدار
هناء : اكك عمري ذك نجي
_____________________✨ عند هناء ✨
هناء : ماماا مااما
زينب : خير وشبي جدك تعيطي
هناء : اني رايحا عند لينا
زينب : في هاذي ڨايلة شدي سابعك
هناء : ماما بركاي متقولي هكا كي تفهمي ساهل اني رايحا
زينب : كي يحكمك ايمن يوريلك طلوڨ هذا
و يدخل ايمن و يسمع غير طلوڨ
ايمن : خير يالالا وين بيها
هناء : بففف ياربي عيتوني
ايمن : اني نهدر مع قسامك وين رايحا (يعيط)
هناء : اني رايحا عند لينا وشبيك تعيط هكذا
ايمن : ايا نوصلك مالا
هناء : دير مزيا
___________________طب طب طب
فريال : في ڨايلة ثان ياربي
هناء : i m sorry
فريال : معندكمش داركم
هناء قاستها هذيك كلمة ، بصح دارتها تمسخير في خاطر لينا
هناء : متخافيش منيش نحوس عليك وينها لينا
فريال : باين في شمبرتها_______________________
طب طب طب
لينا : ادخل
هناء : اعمري على عمري صايي متبكيش وشبيكي
لينا ( قعدت تبكي في حجر هناء مقدرتش تحكي)
هناء (شدتلها وجهها بين يديها و قاعدا تمسح لها في دموعها)
هناء : ايا حبوبتي خلاص احكيلي
لينا : بارح بابا و ماما جاو ، و ماما قالتلي بلي باباك رح يخسر صفقة في شركة ، امبعد بابا عيطلي و قالي نحتاجك (حكات لها وش قالها باباها بالتفصيل)
هناء : اعمرييي خلاص مديريش في روحك هكا اني معاك
لينا : بصح شكون هاذا سهيل شكون وليدو اني خايفا يكون عماد
هناء : بصح وقتاش خطبة
لينا : هذي جمعة
هناء : ااااه ياربي علاه يديرولك هكا ، صحا خلينا منهم يقودو ، وش راح تلبسي
لينا : معلاباليش حبيت نلبس روبا و خلاص
هناء : اها البسي قفطان حاجا تقليدية احسن تجي زلة
لينا : اكك ونتي وش تلبسي
هناء : انا نلبس غوب صواري سامبل
لينا : اكك___________________
✨ عند ادم ✨
دانية : وليدي رح نخطبوا و نقراو فاتحة و نتوما اتفاهمو على عرس
ادم : علاه وش قالولك يما وقيل رح نخطب بنت سلطان تتهارد وش ندير
دانية : يا وليدي ماتبهدلناش قدامهم راهم ناس و بقيمتهم
ادم : انا هذيك طفلة مراح تشوف من عندي غير شر
دانية : الله يهديك يا وليدي طفلة وش ذنبها
ادم : الله يسهل عليها تتهارد انا قلت لي عندي
أنت تقرأ
إختلطوا ليشكلوا أجمل كوكتيل ❥✧
Short Storyاول خطرا نكتب كرونيك ان شاء الله تعجبكم قصة حماسية و مشوقة اضغط على نجمة صغيرة في نهاية حلقة 👇⭐ متنساوش شجعوني و دعموني بش نكمل 🙈💗