မသန်စွမ်းစေ့စပ်ထားသူနဲ့လက်ထပ်ရန်ပြန်လည်မွေးဖွားခြင်း(မြန်မာဘာသာပြန်)

Chapter:1

( Unicode )

*******

မုရှင်းယု မျက်လုံးများ ဖွင့်လိုက်သောအခါ သန့်ရှင်းသပ်ရပ်သည့် အခန်းတစ်ခန်းကို တွေ့လိုက်ရသည်။ သူအနည်းငယ် ရှုပ်ထွေးနေခဲ့တယ်။ သူ ဘယ်ဘက်လက်ကို မြှောက်ပြီး ကြည့်လိုက်တော့ သူ၏ လက်ကောက်ဝတ်မှာ ထိတ်လန့်စရာ ဘာတစ်ခုမှမရှိဘဲ ဖြူဖွေးပြီးချောမွတ်နေသည်။

ဘာဖြစ်သွားတာလဲ???

သူအကူညီမဲ့စွာနဲ့ စတင်ပြီးအံ့အားသင့်နေမိတယ်။ သူက သူ့လက်ကောက်ဝတ်ကိုဖြတ်ပြီး ကိုယ့်ကိုကိုယ် သတ်သေခဲ့တာ ထင်ရှားတယ်။ သူ့သွေးတွေဟာ မြေပြင်ပေါ်မှာ စွန်းထင်းနေခဲ့တယ်။ ဘာကြောင့် ... သူဘာကြောင့် ပြန်ပြီနိုးထလာခဲ့တာလဲ? ဒါပေမယ့် သူ့လက်ကောက်ဝတ်မှာ ဘာအနာဆာမှ မရှိနေဘူး။

စကားမစပ်, ဒီအခန်းကို ကြည့်ရတာသူတွေ့ဖူးတဲ့ တစ်နေရာရာနဲ့ ဆင်တူနေသလိုဘဲ။

မုရှင်းယု၏ ရှုပ်ထွေးနေသော ဦးနှောက်ထဲတွင် အလင်းရောင် တစ်ချက် တောက်ပသွားတယ်။ ၎င်းသည် သူပထမဆုံး တီဗီဇာတ်လမ်းတွဲတွင် ပါ၀င်သည့်အခါက တည်းခိုခဲ့သည့် ဟိုတယ်ဖြစ်သည်ကို သူသတိရသွားခဲ့တယ်။

သူသည် အံ့အားသင့်စွာဖြင့် ထလိုက်တယ်။ ဒါပေမယ့် သူ့ခြေထောက် ဒဏ်ရာကို ထိခိုက်မိပြီး သူအိပ်ရာပေါ်ကို ပြန်၍လဲကျသွားတယ်။

သူသည် အိပ်ရာဦးခေါင်းကို အလျင်အမြန် ဖမ်းကိုင်လိုက် သော်လည်း မီးအိမ်ကတော့ အိပ်ရာဘေးကို ကျယ်လောင်စွာ ပြုတ်ကျသွာတယ်။

" ရှင်းယုကော ဘာဖြစ်သွားတာလဲ? "
တစ်ယောက်ယောက်က တံခါးကို ဖွင့်လိုက်ပြီး သူ့၏ လက်ထဲရှိ အစားအစာကိုချကာ ချက်ချင်း အိပ်ယာဆီကိုလာပြီး စိုးရိမ်စွာဖြင့် မေးလာတယ်။

" ရှင်းယုကော ကော လဲကျသွားတာလား? ကော ဘာလိုချင်လို့လဲပြောလေ ကျွန်တော ကောအတွက် သွားယူပေးမယ် "

" ရှောင်ဝမ်း? "

မူရှင်းယုက ရှောင်ဝမ်းကို မြင်သောအခါ အံ့အားသင့်သွားခဲ့တယ်။

ရှောင်ဝမ်းသည် သူ့အတွက် ကုမ္ပဏီမှ စီစဉ်ပေးထားသော လက်ထောက်ဖြစ်သည်။ သူ့ နာမည်အပြည့်အစုံမှာ ဖန်ရှောင်ဝမ်းဖြစ်ပြီး သူနှင့်အသက်ရွယ်တူ ဖြစ်သည့်အပြင် တက်ကြွရွှင်လန်းသော လူငယ်လေးလဲဖြစ်သည်။