Gongfourz [ ONE SHOT COLLECTION ]

The Fish owner and his cat but not real cat 😾

၇နှစ်​လေးအီဟန်ဟာ ငါးက​လေး​တွေကိုသ​ဘောကျတယ် ။အစက​တော့ ​မေ​မေနဲ့​ဖေ​ဖေနဲ့က သူ​ပျော်​အောင် ငါးကန်က​လေးလုပ်ပြီး စ​မွေးကြတာဖြစ်တယ် ။ တဖြည်းဖြည်းနဲ့ သူဟာ ငါးက​လေး​တွေကို ကြည့်လာရတာသ​ဘောကျတယ် ။ အခုဆို ဧည့်ခန်းထဲမှာ ထားထားတဲ့ငါးကန်က​လေးအပြင် ​ သူ့အခန်းထဲမှာပါ ငါးကန်အသစ်​လေး ထပ်လိုချင်တယ်ဆိုလို့ ​ဖေ​ဖေနဲ့သူ အတူ အခန်းထဲမှာပြင်​နေကြတာဖြစ်တယ် ။

" ​အိမ်ပြန်​ရောက်ပါပြီ သားငယ်​ရေ "

ငါးကန်​လေးပြင်​နေတုန်း ​စျေးကပြန်လာတဲ့​​မေ​မေ့အသံကြားတဲ့အခါ ​မေ​မေရှိရာ အိမ်​အောက်ကို ချက်ချင်း​ပြေးဆင်းသွားခဲ့တယ် ​ဖေ​ဖေက​လည်း သူ့​နောက်က​နေလိုက်လာတယ်

"အာအီဂူးးး ​မေ​မေ့သား​လေး​ပျော်​မြူးနေပါ​ရောလား
ငါးကန်အသစ်ကိုအဲ့​လောက်​တောင်သ​ဘောကျလား"

"ဟုတ်!"

​မေ​မေကသူ့ဆံပင်​လေး​တွေကိုသပ်ပြီး​မေးလာတဲ့အခါ အီဟန်​လေးဟာလည်းမျက်လုံး​လေး​တွေမှိတ်သွားတဲ့ထိအားရပါးရယ်ပြကာ​ဖြေ​လေသည် ။

"သားငယ်က သူငယ်ချင်းအသစ်ပါရ​တော့မှာ။ ​ဘေးအိမ်ကို​ပြောင်းလာတဲ့မိသားစုထဲသားနဲ့ရွယ်တူသူငယ်ချင်း​လေးပါပါလာတယ် "

"​ဘေးအိမ်​ကိုပြောင်းလာ​နေကြပြီလား မိန်းမ ။ ​မင်းနဲ့​တွေ့ခဲ့တာလား"

"ဟုတ်ပါ့ရှင့် အခုအိမ်ထဲဝင်အလာမှတင်နှုတ်ဆက်ခံခဲ့ရတာ။ ​ကျွန်မတို့လိုပဲမိသားစု၃​ယောက်ထဲ သူတို့လည်းသား​လေးနဲ့။ သ​ဘော​ကောင်းမဲ့မိသားစု​လေးပဲမို့လို့ ည​နေအိမ်ကိုထမင်းစားဖိတ်ခဲ့လိုက်တယ် အဆင်​ပြေတယ်မလား ​ယောက်ျား "

"​ပြေတာ​ပေါ့ဗျာ ဘာမ​ပြေစရာရှိလို့လဲ ။ သားငယ်​လေးလည်းအ​ဖော်ရမဲ့ဟာကို"

အီဟန်ဟာ သူငယ်ချင်းအသစ်လာမယ်ဆိုတာသိတာနဲ့ သူ့ရဲ့ငါးကန်​တွေကိုကြွားရန် ပိုပြီးလှ​အောင်သာ ပြင်​တော့သည် ။ ​၃နာရီ​လောက်ကြ​တော့ သူ့အခန်းထဲကငါးကန်က​လေးဟာ ​ဖေ​ဖေနဲ့သူအတူ ပြင်ဆင်တာပြီသွားသည် ။ အသစ်က​လေးပဲရှိ​သေးတာမို့ အခုထိငါးက သုံး၊​လေး​ကောင်ကလွဲရင် မရှိ​သေးပါ ။