ما وراء اللعنة

بتمني تغيير

كنت إنسان عادي و فاكر إني هفضل عايش مع روتين الحياة الممل ده لغاية ما اكتشفت سر كبير جدي كان مخبيه و كان وراه مغامرة كبيرة و حكاية طويلة مكنتش متوقع انها تحصل

اهلا انا حمزة شاب عندي 23 سنة خريج حاسبات و معلومات اللي هي كانت كلية أحلامي من صغري يعني و كنت فاكر بقا إن أنا هبقي زي ما كنت راسم في خيالي و أبقي شغال في شركة Google أو هيبقي عندي شركة كبيرة زي ما كنت فاكر بس طلع ان الأحلام ببلاش و الواقع بيدمر أحلامي كلها

بس انا اجتهدت جامد في دراستي ليه محصلش اللي انا متخيله ليه اللي كنت راسمه اتمسح ليه طيب يعني أنا من حقي احلم و الواقع يهدمها و يقف يضحك عليا كده ليه طيب بس دايما اللي بكتشفه ان ربنا ليه حكمة دايما في كل حاجة و مش بيسبب ليك حاجة إلا إذا كانت فيها مصلحتك و ان مفيش حاجة هتحصل إلا لو كان ليك الخير فيها فخليك متفائل بقا و متحطش في دماغك كلام( زي اشمعنا انا ما فلان اهو و عنده و عنده اشمعنا حصل ليا انا) كل حاجة ليك مكتوبة و في حاجة اسمها قدرك و نصيبك.

طبعا اللي بينقذني من الخنقة دي صاحبي و اعز صحابي و حبيبي و أقرب حد ليا و هو جدي أحمد عنده مكتبة كده فيها شوية كنوز حرفيا رحت و عرفت انها كتب أغلي من الياقوت بجد

رحت لجدي بقا و حكيت ليه اللي كان جوايا و زعلي ده و هو رد عليا بقا و قالي :- (الله الذي لم يعجز عن خلق سبع سموات و سبع أراضي و اللي جميع الأكوان تسبح بحمده ايعجز عن جبر قلبك و خاطرك مثلا، ده ربنا اللي بيقول للشئ كن فيكون مش هيعرف يجبر خاطرك مثلا، دي كلها ابتلائات علشان ربنا يشوفك هتصبر ولا لاء بس شكلك مش هتبقي قادر تصبر و تبقي قد الضغوطات اللي عليك دي)

- لحظة بس هو مين ده اللي مش هيبقي قد الضغوطات اللي عليه

_ انت يا حمزة

- لاء مين قالك كده دانت مش عارفني بقا

_ طب وريني هتبقي قدها ولا لاء و ده هيبقي تحدي بيني و بينك بقا

-تمام يا جدو انت عايز تتحداني صح!!

_ايوة و هنشوف مين فينا هيبقي قد التحدي ده

بعد حوار طويل بيني و بين جدي بقا هو ختم الحوار بجملة بتخليني شبه العيل الصغير بقا و قالي (تعالي احكيلك قصة)

و انا ما بصدق بقا و بصتله و قولتله

-يلا احكي بسرعة

جدي بدأ القصة بقا بالكلام ده

-(ربنا قادر يغير حالك ده و كل حاجة بتحصلك هي بتبقي مكتوبة ليك و هي من نصيبك و مُقَدْرَة ليك)

_تعرف قصة سلمان الفارسي

-بصيت باستغراب و قلت لاء نسيتها

_طيب خلاص هيبقي هحكي قصة سلمان الفارسي