لا تنسون التصويت والتعليق بين الفقرات نياتي
معاكم انا الكاتبة "حنين العيسى"
بقصة"الحُب الازلي"
.......................................................................
"حنين"
مر الوقت ببطئ وانه انتضر سَـيف يجي حسيت او شكيت بالشيء اللي يريد يكوله بس چذبت عقلي وماصدكت مُمكن يصير هالشيء بهل سُرعة
بقيت كاعدة انتضر إلى ساعة بـ 11 تقريباً اجه
سَـيف:موجود حنينه.
حنين:اي موجودة.
سَـيف:اسف تأخرت عليچ بس چنت اساعد خالي بشُغل الحديقة.
حنين:لا عادي يمعود شسالفه.
سَـيف:باعي حنين راح اكُلچ هالشيء وثقة بالله نيتي صافية وياچ وماعندي لعب جهال.
عصرني گلبي
حنين:ايي كول اسمعك؟
سَـيف:حنين انه احَبچ ماعرف شلون وشوكت بس انه حبيتچ والعباس حبيت حنيتچ خوفچ سوالفچ زعلچ نكدچ حبيت كُلشي بيچ كُلشي بيچ جذبني صدكيني نيتي وياچ صافية والله يشهد بس اكمل وضعي واستقر اجي أتقدم الچ وراح اعوضچ عن كُلشي شفتي اصيرلچ كُلهم يابعد كُلهم.
راح اتحمل زعلچ ونكدچ راح اواسيچ باصعب اواقاتچ راح اصيرلچ ظهر وعون تنتچين عليه وقت التعب نيتي وياچ زواج صدكيني حُبي الچ نهايته تتوجه حلقة تزين ايدچ الحلوة بس صُبرلي ارتب حياتي ووضعي واجي أتقدم الچ...
فرحت بكلامة هواية شگد حلو من تحبين شخص بكُل نية صافية ويجي هوَ يعترفلچ بس سُرعان ماخابت فرحتي وخيم الحزن على روحـي من تذكرت هوَ چان مُرتبط بصديقتي!!
بقيت هوايةةةة اقرأ بكلامة و دموعي تنزل بهدوء صعبة كُلش صعبة عليه اتقبله وهوَ چان يحب صديقتي شكلها حبيبچ يحبني؟
حتلو هيَ شافت حياتها وارتبطت بس مُستحيل اكدر اتقبله
مر هوايةةةة وقت وانا صافنة ودموعي تنزل فززني صوت الاشعار شفته كاتب
سَـيف:اتمنى مانفهمت غلط؟
بقيت بحالة سكون لا اعرف شجاوبه ولا اعرف شنو احچي رديت بعد فترة طويلة
حنين:احترم مشاعرك اللي تكُنها اللي بس مااكدر اتقبلها نهائياً لأن انتَ صاحب علاقات سابقة وحبيبتك السابقة چانت صاحبتي!
شلون اقبلها ع نفسي احبك وانتَ چنت عـلـى علاقة وياها!
كُلش اعتذر منك بس انه مااكدر اتقبلك ولا اتقبل مشاعرك...
بقى يكتب هوايةةةة ورد بعد فترة
سَيــف:انا تايهه لكيني اريدچ تنتشليني من اللي انه بيه ان چنت ابو بنات علميني وان چنت صاحب علاقات توبيني واذا ع علاقتي ويا كوبرا فـا هيَ مُجرد علاقة وانتهت وهسه كلمن شاف حياته ليش ادمرين حياتنا من وره شيء انتهى وصار بالماضي!
ليش تحرميني منچ من وره شيء راح وانتهى وهسه هيَ عايشة حياتها اذا هيَ عاشت حياتها انه لازم مااعيشها؟
أنت تقرأ
الحُب الازلي
ChickLitهوَ رجُلاً عنيدً مُكابر يمُكث في احدى ارجاء الناصرية صاحب عيون حادة ونضرات شرسة غيورً جداً يتمتع بمُنطر جميل يجذب النظر وفياً صادق وهيَ؟ وهيَ صاحبة ملامحة هادئة ونضرات طفولية حنونة وفية تحب المرح والضحك كثيراً تمتلك عيون تجذب كل من نضر إليها قلبان ي...
