مريم ردت البيت خذت غفوهه لانها كانت وايد تعبانه,نشيتت على صلاه المغرب دشت الحمام وتوضت عسبت تصلي
خلصت صلاه ونزلت تحت عند اهلها:
مريم:هلاا شحالكم
الكل:بخير
مريم:دومم
الكل:وياج
بو منصور(سلطان):ها حبيبتي شو سويتي فالمول
مريم:ماشي باباتي بس اشتريت اغراض وجي وتمينا نلف فالمول وعقب ردينا
و تمت تفكر لو تقول لابوها السالفه ولا لا بس سكتت
بو منصور(سلطان):زين اهم شي استانستي
مريم:هي الحمدالله
ام منصور(سلمى):مريومم تعالي كلي تراج مب ماكله شي مب زين عليج
مريم:مب مشتهيه الصراحه شي
ام منصور(سلمى):لا قومي مايخصني بتتعبين عقب!!
مريم:خلاص من عيوني الحين بقوم
ام منصور(سلمى):شاطره برمس لانا تحط لج اكل
مريم:لا مايحتاي ارتاحي انا بروح لها
ام منصور(سلمى):يلا تمام
سارت مريومم للمطبخ :
مريم:لانااا
لانا(البشكاره):نعم مدام
مريم:شو مسوين غدا كنتو؟
لانا:انا ماما يقول حق انا يسوي بشاميل
مريم:الله يالبيه عيلل حطي لي شوي وعطيني ياه فالحجره
لانا:اوكيه
مريم:ماما انا بسير حجرتي بذاكر شوي وجيي
ام منصور(سلمى):زين حياتي الله يوفقج ويسهل عليجج
مريم:امين ياربب
سارتت مريوم فوق لحجرتها عسبت تذاكرر وبعد عشر دقايق دقتت لانا عليها الباب عشان تعطيها الاكل:
لانا:مريم افتحي الباب
مريم:اوه يلا زين يايه
قامت مريوم وشلت الاكل وردت جافت مسلسل وهي تاكل وعقب كملت دراسه
بعد نص ساعه ياها اتصال من رقم غريب تجاهلته لكن تم يدق اكثر عن خمس مرات استغربت وياها فضول وردت:
مريم:الو منو وياي؟
المتصل:الو هلا
مريم:هلا اهلين
المتصل:شحالج مريوم
استغربت انه الشخص يعرف اسمها
مريم:منو انت وكيف عرفت اسمي؟
