ابن عمي​​​​​​​​​​​​​​​​​​​​

بارت 38

حسيت الصبح جهازي يدك

خليت ايدي ع الميز واتلمس بكسل هذا وينه

راسي جان كلش ياذيني ودايخه لان مشبعانه نوم تقربت ع الميز اكثر جان اوكع من الجربايه

زهراء....  اخخ يمهه تفلشت

شفت هاي ساره

زهراء...  هلاوو  يروحي شلوونج

ساره....  والعباس ماكدر مااكدر هسه تجين مشتاقتلج كووومه

زهراء...  يمه بسم الله مادري اشوف خطيه مو هاي امج وحدها

ساره...  يي هسه قبل شويه جنت دااخابرها اليوم راح يجون بيت خالي وخالتي وبعد هاهيه ميجي احد تعااي مو طكت روحي عليج

زهراء....  تمام عمري اشووف

ساره...  اوكك   بااي

زهراء... باي

كمت وايدي ع راسي وضهري

اباوع ع روحي بالمرايه يمه هااي منو شصاير بييه جني زومبي

نزلت تشيرتي وشفت هذا السرسغلي شلون بايسني منا ومسوي اثر وشلون قريبه كلش ع صدري هاي شلون متقرب هيج ع صدري اني وين جنت شصار بيه البارحه الله اليعلم لايكون مسويلي سحر وخليني مااكدر. اتحرك كسلانه  بسس الحمدالله مامبينه صايره جوه التشيرت

رحت  سبحت وسويت شعري ضفيره ونزلت

زهراء...  صباح الخير

الكل...  صباح النور

زهراء....  عمهه عفيه ماعندج  براسيتول

عمه...  دكولي يالله  تريكي كبل  براسيتول ع المعده مو زين

زهراء....  لا عمه راسي كلش ياذيني منايمه

مريم....  ليش ويه منو سهرانه البارحه

عفتها طنشتها محاجيتها ورحت اخذت براسيتول

وماتريكت مااشتهي وره شويه صدك معدتي كامت تاذيني

عمه....  يمه زهراء  دتعال اكلي شي مو راح تموتين

رحت اكلت

عمه...  شوفي روحي جيبيلج حبايه مال معده يم مصطفى  تلكيها بالاستقبال

زهراء...  تمام

رحت  فتحت الباب وايدي ع معدتي نوب الاستقبال متروسه دخان  ضليت بس اكح ختنكت

زهراء....  انته ماتختنك وينك وين الجكاير

مصطفى..... تعاي هاي شبيها معدتج

زهراء....  لا هيج بس لان اخذت براسيتول ومماكله شي من الصبح

رحت يمه حته اخذ الحبايه من العلاكه مال ادويه الي يمه

ضربني بايده خفيف ع راسي

مصطفى....  شبيج انتي ثوله تاخذين دوه وكلشي مماكله