بسمالله الرحمن الرحيم
حاول علي يسكت يزوي بس ماقدر
بدت يزوي تصيح و تصارخ بصوت عالي
خاف علي ان حد يدش عليهم فقرر يطلع بدون ما يقولها شي
الوحيدة الي سمعت الصوت هي حصة لأن حجرتها عند حجرة يزوي
و سارت الحجرة ركض
حصة: يزوي شو فيج
ماعرفت يزوي لو تروم تخبر حصة ولا لا بس ما قدرت تستحمل و خبرتها كل شي
حصة: اصلن انا من البداية ما احب هالولد
اليازية: عادي تدقين فمهوي و تقولينلها تبات عندنا
حصة: تم
طلعت حصة من الحجرة و دقت فمهوي و قالت لها كالشي و يت مهوي على طول
دشت مهوي الحجرة
مها : هاي يزوي
اليازية: هلا
مها : شحالج
اليازية: بخير
مها : مب لازم تقولين شي حصة شرحتلي كالشي
بدت يزوي تصيح
اليازية: ماعرف شو اسوي فحياتي انا خلاص تعبت
مها : احس لازم تخبرين خليفة
اليازية: بس انتي تعرفين كيف خليفة عصبي بياكل اصل الولد
مها : صراحتا يستاهل
اليازية: ماعرف بجوف و بخبرج شو بسوي
مها : اوكي المهم الحين ارتاحي و لو احتجتي شي انا موجودة
اليازية: اوكي ثانكيو
يلست يزوي تفكر طول اليل ليما يتها فكرة
" طبعا من جمال يزوي ايون الكثير من الشباب عشان يخطبونها بس هي دايما ترفض لأن تحس انها مب مستعدة "
و تذكرت كلام امها يوم قالت انه في واحد يا يخطبها من كمن يوم ف قررت توافق لأن تبا تسوي اي شي بس عشان تشرد من علي
عند علي الي رد الميلس ولا جنه استوا شي
خليفة: طولت
علي : هيه دقت علي الوالدة تسأل عني و جي
خليفة: اها
اليوم الثاني بعد ما نشت يزوي من رقادها المتقطع و قررت تخبر امها ان تبا تتزوج
قامت يزوي و تعدلت و سارت عند امها
اليازية: مامااا
ام خليفة: هلا حبيبتي دشي الحجرة
دشت يزوي و سارت باست راس امها
ام خليفة: هلا ب بنتي الحلوة بغيتي شي ماما؟
