جمره وماريا صديقات كولش من هنا وصغار حتى صورهن من هنا وصغار سوه.... وهيا بنت خالها ❤🌹
وروني.... هو صديق جمره ومثل اخوها وهو ابن خالها
وتماره.. تصير بنت خالتها الجمره
بس مجانت مقربه الجمره مو مثل ماريا
...........
تكول...
جمره: اني بنيه كولش شاطره من اني وصغيره 🥰كل المراحل اطلع الاولى على صفي♥
وامي كولش فخوره بيه وباخواتي واخواني
ماما ♥🥰تعبت علينا هواي وربتنه واشتغلت علمودنا هواي فهي كولش تعبت علينا ♥🌹
........ جمره: جنت صف اول ابتدائي جان عندي صديقات هواي بس ولا وحده جانت مقربه الي.... اني جنت محبوبه بين مدرساتي كولهن يحبني.. وجانت مدرسه اسمها ست نرجس مدرسه اسلاميه جانت تموت عليه.... جانن البنات يصادقني لان اني الوحيده عندي جرأه احجي ويا المدرسات وهم المدرسات يحبوني المهم.... طلعت الاولى ورحت مراحل الباقيه وجنت بكل مرحله اطلع الاولى وجانن المدرسات والمديره هواي يحبوني وصار عندي صديقات هواي هواي.. 💕
اكو هواي مدرسات حبوني هواي ... هنا هواي مااكدر اذكر اسماءهم خاف ميرضون..
المهم جان عندي صديقه ةسمها زهراء
جانت زهراء ونبأ ورقيه صديقات من احنه وصغار نلعب بالشارع ونتونس هواي هواي
زهراء صارت وياي بنفس الصف وصارت عندها صديقات بس حبتهم الهم اكثر مني.... مدري ليش محد جان يحبني هواي حتى جانت صديقتى سجى متحبني هواي هم عندها صديقه مفضله 💔المختصر مجان عندي صديقه تفضلني على احد 💔
صعدنا للمتوسطه واحنه نفس الشله بس البنات الي وياي اني احبهم هواي بس محد اعتبرتني صديقه مقربه ودائما يفضلون غير بنات عليه
عادي كولش
صار عندي بالمتوسطه هم مدرسات يحبوني كولش هواي
......
من ناحيه الصداقه بالمدرسه جنت وحدي وكولش وحيده
...........
بس اذا اني وحيده مو معناها محد عندي
عندي رب العالمين احسن سند بالدنيا النا 🥺♥
جنا نروح البيت جدي هناك نلعب ويا الجهال ونتونس جان عندي خاله متحبني ابدا تكرهني بدون سببب وجنت دائما اساعدها بس هيا متحبني🥺
جانت بيبي تحبني هواي بس اكو اشخاص جانت الغيره خانكتهم فبدوا يحرضون بيني وبين بيبي
بيبي جانت تحبني... لان جنت اصلي وكولش حبابه
بس هما يكرهوني
كامو يطلعون عليه حجي هواي هواي.... لحد ماكرهتني🥺
.......
كامت اطلعهم الهم وتعاملهم الهم معامله حلوه واني لا💔🥺
.....
جانت متحبني 🥺💔
جانت تماره وروني هما يرحون يحجون عليه يم بيبي 💔
روني جان يروح البيبي يكول
روني: بيبي جمره خبيثه وتتباهه بنجاحها وتكول اني شاطره وهيا حقيره
......
جان يحجي عليه هواي
تماره: بيبي جمره تتباهه بنجاحها وعبالك بس هيا شاطره ومتريدنا
...
جانو يحرضون بيبي بكلام تافهه وجذب كولش...
جانت بيبي تسافر وتجيب هدايه هواي للكل واني ما تجيبلي 🥺
جانت تجيب شغله وحده الي عكس الباقين تجيبلهم هواي....
اني جنت انقهر هواي هواي🥺🥺💔
......
جانوا يكرهوني بدون سببب
جنت منبوذه بالعائله بسبب غيرتهم مني....
....
تعبت اني هواي بسبب اكاذبيهم الهواي وحجيهم عليه.
......
اخر سفره لببيتي قبل وفاتها 💔
.. جنا نشتغل اني وياها جان تكولي...
بيبي: جمره اسمعي ترى الدنيا وحوش انتبهي على نفسج منهم💔🥺
جانت اخر كلمه من بيبي الي....
وراها احنه رجعنا البيتنه....
بس اني مرضيت اروح اودع بيبتي..
لان كتلهم بيبي راح ترجع ماكو داعي اودعها🥺
...
جانت هاي ندمتي لان ما ودعتها🥺💔😭
....
راحت بيبي سافرت..... بس رجعت جنازه 😭
.... جنت نايمه راجعه من امتحان... واخويه فات البيت كلهم بيبي ماتت.... سمعت اصياح اختي وكمت البست وطلعت ويا خواتي مدري انكلبت الدنيا😭💔
رحنا البيت جدي. الدنيا سوده هناك.... طفت شمعة البيت...
راحت ضحكه البيت..... مجان اكو احد يستقبلنا مثلها
.... فتنا البيت اظلم عبالك راح نور البيت كوله💔
... راحت امي وخالي سافروا يجيبوها.....
بيوم الفاتت الجنازه على البيت 💔
صيحت بصوت عالي بدون وعي....
بيببببببيييييي بيبييييييييي بيبيييييي كوووومي وووووين رايحه
...
ضليت اصيح بس البيت كوله اصياح جان... منين مدير وجهي صياح.....
......
ودو بيبي للحسينيه رحنه يمها نودعها.. بوكتها بدلوا التابوت مالتها...
فحضناها كولنه.....
حضنت بيبي وضليت ابجي ولحد هسه ريحه الجفن مالتها اذكرها ريحتها الطيبه البيها....
بست رجلها وراسها💔😭
توسلت كتلها بيبي رجعي بس رجعي 😭💔
بس بدون نفع
الراح مايرجع بعد💔😭
توفت بيبي... صار البيت محلو ابدا..
راح يوم اجه يوم....
روني.... جان متعلق ببيبي
من توفت محد لزمه وره بيبي...
اعتزل بغرفه وحده...
كام ينام هواي....
جنا ننجمع بغرفه اني وياه وماريا وتمارا
......
رجعنا نكعد سوه... بس حسيت بحركاته غريبه كولش.. يكعد بعيد عنننا ويشعل الشمعه....
......
جان يجيب ورق ويرسم رسوم غريبه وشيطانيه....
......
وره متوفت بيبي جنا نروح للنجف كل شهرين كل سنه...
.... فهو جان يعوفنا بالمقابر ويتمشى وحده
...
روحه من الروحات.. جان ابن خالتي طفل صغير... روني جان شايله ويمشي بالمقبره..
الطفل جان يصيح ويكول
الطفل: جنييي جني ماما هذا جني ويأشر بالمقابر.
مجان اكو احد بس هو ديكول هيج.....
رجعنه للبيت.....
وصار شي كولش مخيف ويانا 😱🥶
انتضروني في الجزء الثاني .... ❤احبكم
أنت تقرأ
جمـرهہ🔥
Horrorالسلام عليكم ورحمة الله وبركاته.... القصه حقيقيه واقعيه كولش ورعب... وراح اكتبها باللغه عراقيه... اعتقد اغلبكم يحب يقره باللغه عراقيه. ... تبدأ القصه عن اربعة اصدقاء.. هما اصدقاء من هما واطفال جانوا اولاد اقارب مرت طفولتهم زينه الى ان وصلو لليوم الي...
