صفوان واحفاده ال١٢

بارت ١٠

بقلمي :زهرة الحسن

○○○○○○○○○○○○○○○○○○○○○○
لاتنسون تعلقون +تضغطون ع نجمه اول متبدون بالقرائة
^^^^^^^^^^^^^^^^^^^^^^^^^^^^^^^^^^
ورثني جكاره بجفك المتعوب،
ورثني ع كيفك ساعه الخنكه
○○○○○○○○○○○○○○○○○○○○○○

صفوان:شفت هيام طالعه وتكمز اجت يمي كرصت خدودي وكالتلي

هيام:هذا الحلو شبي زعلان ابو الصاكين كوم كوم اوكلك شي وجهك اصفر يالصاك الجبير

صفوان:بست اديناتها الجانن ع وجناتي وكوتله حبيبت كلبي انتي ماكدر اروح لمن اشوف شرار فتح عيونه يلا اكدر اكل او اشرب انتم روحي انتم نقطه ضعفي يحيلي انتي

هيام:دكوم لعد تهي بهي يكول شرار يفتح عيونه ميدري بشرار يحشش عليه صارله ساعه حتى وهوه مريض يحشش

صفوان:بقيت صافن بيه معقوله حفيدتي اتخبلت ع اخوه لو شنو الصار بضبط كمت باوعتله من الشباك لكيته كاعد وكاعد بصفه محمد حفيدي رجليه كامت متشيلني من الفرحه ركض فتحت الباب وجفلت ع شرار وشبكته وكوتله ليش تخوفني عليك العار

شرار:افا جدو افا اني عار لك اني شرار جدو قصدك بتار عار مو

صفوان:والله كلكم ماعداك يوليدي وشبكته

محمد:هوه المصموطين حتى اهله يطلع عار وهذا النايم المرتاح ويتعاير عليكم طلع مو عار ياكاع انكشي وبلعيني 🙂جدو اني عار

صفوان:انت الروح والريه اكثر واحد مؤدب بيهم هذول السرسريه

شرار :اني سرسري جدي

صفوان:ياطلابه الماتخلص صحت بيهم اششش كافي مزاعطه خوما مزاعطه الي اسمعله نفس اخلي بالسديه سنتين

محمد:شني حكم

هيام:يلا صفصف تعال ناكل اني جوعانه وانت وجهك اصفر ميصير العيون الزرك والشعر المخلوط ابيض بالشكار يصير وجه اصفر

محمد:"هلا باع الميانه لك شرار ها اختك اكبر حياله ذاك اليوم تبيع مثاليات براسي واني ماكلت صفصف يا ام صفصف امشي منا وكولي جدو صفوان ع كولتج وبعدين تعالي ام بطن مو توني معشيج

هيام":الله وكبر يالعشه ذليتني ذليتني خره بيك لك جدو ونبي اكلهم جان مطيبوهسه جوعانه

محمد:اي هم صح مادري منو اكل اكلي واكله واني الضليت جوعان مو انتي حتى ردت اطلبلي فد شي حتى لو لفه فلافل وهيه خبصتي بس تتبكبك

صفوان:اش كافي جدال اني طالع الحكيني

هيام:كولت لمحمد اطيني سويك اول شي عاند بعدين اطانيا رحنه اكلنه اني وجدي وبطريقي رجعت للبيت جانت نيتي اخذ كم شغله محتاجتها واشوف امي وابوي ورجع بس بابا لاكاني يشاقي بيه ويكركشني ويكرص بخدودي ورفض انو ارجع للمستشفى ودز السياره بأيد واحد من الحمايه