الدنيا مو امي وتحبني
الدنيا تشبه مرت ابوي 😭💔
#مامصيـرڪ ياميلان
#زهـࢪه الشمري
ــــــــــــــــــــــــــــــــــــــــــ
جنت نايمه وجان اگعد ؏ ماي بارد رجني رج من مڪاني
ريحانه: ڪعدي الوصخه شنو ناويه تضلين للعصر گومي نضفي حته تسوين الغده
ميلان: ولج عمه ساعه سته ياعصر صدك تحجين شنو يوميه هيج تگعديني تره والله ح اموت اذا اضل هيج
ريحانه: عرج مايضربج يالله گومي لا اگلب الدنيا ؏ راسج
ميلان: گايمه وامري لـ الله
مرحبا اني ميلان عمري 16 من بصره بدت قصتي من جان عمري 5 سنين من ماتت امي بسرطان اسم الله عليگم ووره سنه ابوي تزوج ريحانه الي مابيها من ريحه المحنه شي رغم جانت صديقه امي المقربه الي جنه نعتقد هيج بس هيه تگره امي گرهة العمه بسبب مانعرفه شنو ولي راح نعرفه وي الايام الجايه اني كملت سادس ابتدائي وبطلتني الملعونه ريحانه بسبب انو البنت مكانها البيت وزوجهها راغم انو هيه مگمله دراسه وجانت تشتغل قبل لا تتزوج بابا
ــــــــــــــــــــــــــــــــــــــــــ
رحت نضفت البيت گله والبيت جبير احس ضهري صار نصين وي ماجاي انضف گسرت صحن بل غلط واجت مرت ابوي ريحانه گمشتني من شعري وجرتني جر وتريد تحبسني بل مخزن گل عاده اذا سويت غلط نترت ايدها اريد افهم ليش هيج تسوي وياي
ــــــــــــــــــــــــــــــــــــــــــ
ميلان: زين اني شمسويه غير تفهميني حته هيج تصرفين وياي ماذيتج فد يوم من ماتت امي لليوم جنت شايلتج بل صلاوات ليش هيج تصرفين وياي
ريحانه: اكرهج ماتفهمين شنو اكرهج ولو مابوج معارض اوديج للميتم من زمان بس ابوج متعلق بيج لان بس انتي عنده
ميلان: مامسويه شي حته تكرهيني بابا يحبني لان من ريحه امي وليش حته توديني للميتم شنو مسويتلج اني بشنو غلطت وياج
ريحانه: غلطج انو انتي بنت سيهام الي اكرهة كره علمود هيج اتزوجت ابوج حته اعذبج واله اشوفج المر بس مو هسه صبري شوي
ميلان: شنو ناويه تسوين بيه يا ست ريحانه؟ اكثر من الي سويتي؟ واجت علي وضربتني راجدي خله شفتي تصب دم
ريحانه: ولج كحـ** شلون هيج تحجين وياي اله اخليج تتمنين الموت اليوم.... اخذتني من شعري سحل شمرتني بل مخزن وقفلت علي الباب واني اعيط واضرب ع الباب بس اريد تفتح الباب لان اخاف من ضلمه
ريحانه: اني الج يابنت سيهام....
ــــــــــــــــــــــــــــــــــــــــــ
فجاه اجه احمد ابو ميلان وسال عني فا گالت ريحانه مرت ابوي انو اني نايمه جان المخزن بعيد من غرفه بابا يعني مايسمعني فـ ضليت ابجي واصيح محد يسمعني لان هاي الغرفه محد يوصل الها وضلمه واصوات الحشرات حيل خفت وكتها وضليت بس اريد احد يسمعني وجنه جو شتاه وبارده
ريحانه: اكلك احمد ليش مانودي ميلان لبيت خالتها سهاا لان احسها مامرتاحه هنا وانت اكثر شخص تدري شكد تهمني راحه ميلان لان احسبها بنتي لان رب العالمين مارزقني بـ طفل
احمد ابو ميلان: لازم نستشريها خاف ماتقبل بس ماريدها تبعد عني اعزنها واحبهاا لان من ريحه سيهام الله يرحمها
ريحانه بداخلها: الله ياخذها واخلص منها نوب يكول كدامي من ريحه سيهام الملعونه جعل تنحرك بنار جهنم هيه وبنتها
احمد: شبيج شو صفتني ريحانتي؟
ريحانه: هها هها لا ماكو شي بس تذكرت سيهام وصگت سنونها وكالت الله يرحمها شلون جانت ايامنه حلوه سووة
احمد: ايي ربي ياخذ بس الطيبين 😭💔
ريحانه: ايي والله بس بداخلها تگرهة امي بس ماتريد تبين هل شي الابويه
احمد: راح ارتاح شوي من اكعد اسال ميلان عزيزه گلبي
ريحانه: تمام حبيبي روح رتاح شوي
ــــــــــــــــــــــــــــــــــــــــــ
يم ميلان
ميلان جنت گاعده يم الباب مال المخزن وجان يفتح الباب وتدخل علي الملعونه وتگلي
ريحانه: يالله گومي ابوج سال عنج وديربالج تحجين ايشي لان تعرفين شراح يصير بيج
ميلان: اني بستهزاء و احجي اني يايوم حجيت گل هذا العذاب وساگته
ريحانه: اي عفيه خليج حبابه
ميلان: هنا اني طلعت وعفتها لان مايفيد شما احجي وياها الملعونه رغم هيه تدري انو الرسول وصه بل يتيم والأئمه گلهم وصو بل يتيم بس هيه حقيره ومگروها
گعد بابا وصاحني راد يحجي وياي واني رحت
احمد:
ــــــــــــــــــــــــــــــــــــــــــ
#زهـࢪه الشمري
#مامصيـرڪ ياميلان
دورت غيرك واحبه ومالكيت ، انتَ وين وهمه وين ؟ انتَ بيك من الله هيل . وهمه ، ماي الله السبيل 🥺💕
