كما انت

البداية

نعرف الشخصية على السريع

انتي جامعية ثاني سنة لك وقتها كان اجازة صيفية

كنتي نايمة تدخل عليك امك الغرفة

امك: قومي

انتي: ....

امك: الساعة صارت ١٠ وانتي لسا راقدة

انتي: همم ايش في

امك: الطيارة بتروح علينا وانتي لسا في سبات

انتي: الساعة كم

امك: ١٠

انتي: طيب اصلا الرحلة الساعة ١ الظهر

تفتحين جوالك تلاقين الوقت ٨:١٥

انتي: الساعة ما جت حتى ٨:٣٠ مصحيتني قبل الرحلة بخمس ساعات

امك: انتي حتى عفشك ما رتبتيه

انتي: امي ترا بنروح هناك نقعد يومين او بالكثير ٣ ايام مو شهر

امك: حتى ولو الاحتياط واجب

انتي: بشيل بجامتي وفستاني بس

امك: بس؟

انتي: اي يعني تبيني اشيل كل دولابي

امك: ما راح تخرجين بس بتقعدين بالفندق

انتي: تمام، ولبس للخرجة

امك: طيب قومي جهزي

انتي: حاضر اي شي ثاني؟

امك: لا

تخرج امك من الغرفة

انتي: ضروري اروح ياخي ما ابغى

تقومين تجهزين عفشك

انتي: يلا اغراضي وجهزتها باقي بس

تدخل اختك لمياء

لمياء: كم نسبة حماسك من ١٠؟

انتي: صفر

لمياء: شدعوه يبوي

انتي: على وش متحمسة

لمياء: بسافر بركب طيارة

انتي: محسستني بتروحين اوروبا تراكي رايحة الرياض

لمياء: وش فيها الرياض عاصمة المملكة

انتي: ما فيها شي بس لما اركب طيارة بروح ايطاليا اكل سباغيتي اممم ماما ميا او سويسرا اذوق اغلى شوكولاتة بالعالم او اليابان اتصور في جبل فوجي

لمياء: ما بحطم احلامك لكن ما ردك اخر شي تروحين الديرة وتحلبين معزة عمتي مزنة

انتي: على الاقل احلب ما اسوي مساج لرجل وظهر عمتي حصة

لمياء: لا تذكريني

انتي: يلا اقل شي بنروح الرياض مو الديرة

تناديكم امكم عشان تفطرون

تنزلون تفطرون

الساعة ١١:٣٠

تبدون تجهزون عفشكم تركبون سيارتكم وتروحون المطار

تسريع للاحداث

تركبون الطيارة وتوصلون بعدها تروح الفندق وترقدون

سلام كيفكم يا حلوين طبعا ذي رواية جديد معليش لو كانت قصيرة، تقدرون تقولون انها مقدمة

(الرواية خيالية ولا تمد الواقع بصلة)