ما حاولت تلتفت ؟
تفتقد حنيتي
موجنت كلشي الك
لميتك من الهوى وضميتك بريتي
وذالك النطيته الك مو وقتي عافيتي!
انه لگبالك قوي ومكتمله شخصيتي
من راح خوفك كلت راحت اهميتي
جا هاي تاليتي؟............
درت وجهي عنه
خله ايده بجيوبه وظل يفتر بصاله رايح جاي
_تفهمين شنو يعني مشكل عندج سكر
لا مابيه شي
طلع تلفونه مدري على منو يتصل
_يعني انتي جايه بالطريق
يلا لعد مراح اطلع
انتظرج
دخل للغرفه مالته وسده الباب ورا حيل
تنرفزت هذا شنو قصده بهالحركه قابل راح ادخل ورا للغرفه
شويه وطلع مبدل هم رسمي
هسه غير لو اعرف شنو يشتغل نوب القوط اليلبسهن مبينات كولهن غاليات كاشخ على اخر حبه ...واكف كدامي يلبس بساعته ويحجي بهدوء
_اجت لالي بالطريق
هو كال هالحجايه وندك باب المطبخ
من شفتها احس رجعت عافيتي ورجع حيلي
هو مجرد سلم عليها وطلع
مابيه اكوم هي اجتي عليه حاضنتني وتبجي
شبييييج لالي شنو متت واني ما ادري
يااااا كافي بجي
_بعد ولا احجي وياج انتي متحسين شلون گلبي نار عليج من يكولولي مريضه ومتأكل
واريد بس احجي وياج واسمع صوتج وانتي متقبلين تردين عليه خليتيني بين نارين
لا اكدر اعوف امتحاناتي ولا اكدر اجي ....وخرت سعرها من عيونها المليانه دموع
اهوووو هسه مو تعرفين اضوج اشوف احد يبجي
_هاي شصاير بيج مومياء من ضعف
مادري لالي شوفيلي حل صوت طفله دمرني لا شكلها دايروح من بالي ولا صوتها
كرصتني حيل
_صوووتج لا جفصين يمعوده لا يسمعج
ترا بس يعرف يودينا ورا شمس ......بسرعه باوعت عليها متفاجاه
ليش منو هو قابل
_سكتي لخاطر الله شوفي راح يدخل غيري الموضوع بسرعه
مفهمتني اي شي ولا وضحت الي قصدها
دخل وكعد على تخم مقابيلنا
_شلونج لالي ويه صيدله
الحمدلله بس مخليتني انسى حتى نفسي
_اني تفاجأت من عرفت بيج داخله صيدله ما توقعتج
_حتى انت ما شاء الله قاضي
أنت تقرأ
الكارمــا
Mystery / Thrillerوَدُون أن أَدرِي ، كُنْت أَهوَى بِـ كلمَتي لِنَفس اَلموْضِع اَلذِي هوى إِلَيه إِبْليس حِين رأى أَنَّـه خَيْر مِن آدم . لا احـلل اخذ الروايـه ونشرهـا وغيـر مبـري الذمـه ...