-HOW TO DATE WITH SINGLE FATHER-

Episode 6 ✓

Unicode ✅

-HOW TO DATE WITH SINGLE FATHER-

သားတော်မောင်က အမေလုပ်သူဆီ ရောက်နေတာဆိုတော့ သူ့အတွက်က လွတ်လပ်ရေးရလိုက်သလိုပင်။ ယူကိုလေးရှိရင် မလွတ်လပ်တာမျိုး မဟုတ်သော်လည်း တချို့နေရာတွေက ကလေးကိုခေါ်သွားဖို့ အဆင်မပြေတာကြောင့် ဒီနေ့တော့ တနေကုန်အပြင်မှာ လျှောက်သွားဖို့ သူအစီစဉ်ဆွဲထားလေသည်။

ယူကိုလေးလည်း သူ့အဖွားဆီမှာ အချိန်ကုန်နေမှာဆိုတော့ သူတော့ ဒီနေ့ ပြင်သစ်က သူငယ်ချင်းတွေနဲ့ ချိန်းထားပြီး တနေကုန်အပြတ်ကဲဖို့ တွေးထားလေ၏။

ထို့နောက် ပြင်ဆင်စရာရှိတာ ပြင်ဆင်ကာ ‌စီးနေကြ ဆိုင်ကယ်လေးကို ထုတ်လိုက်သည်။ ဘယ်လောက်ပဲ ယူကိုလေးမရှိရင် လွတ်လပ်ပါတယ်ပြောပြော ဆိုင်ကယ်ကိုကြည့်ပြီး ယူကိုလေးထိုင်နေကြ နေရာလေးကို ကြည့်မိပြန်တော့ သူ့စိတ်ထဲတစ်မျိုးပင်။

ဒါဟာလည်း သားသမီးနှင့် မိဘကြားက မေတ္တာတရားသာ ဖြစ်လိမ့်မည်။

“လူဆိုးလေး ဒီနေ့တစ်ရက်တော့ ခဏခွဲကြတာပေါ့ နောက်ရက်တွေတော့ မင်းကိုဘယ်သူ့ဆီမှ မလွတ်တော့ဘူး ဒီကောင်ကြီးဆီမှာပဲ ဆိုးဖို့ပြင်ထား”

ကိုးလ်ကထိုသို့ ခပ်နောက်နောက်ဆိုရင် ဆိုင်ကယ်ပေါ်ကိုတက်လိုက်တာ သူငယ်ချင်းတွေနှင့် ချိန်းထားသည့်နေရာသို့ သွားဖို့ပြင်တော့သည်။

ဆိုင်ကယ်မောင်းနေရင်း ကိုးလ်အတွေးထဲရောက်လာသည်မှာ ဖင်လ်အကြောင်းပင်။

ကိုးလ်မနက်ကတည်းက ဖင်လ်ဆီကို ဖုန်းဆက်ကြည့်ပေမဲ့ ဖင်လ်ကဖုန်းမကိုင်ခဲ့ချေ။ အလုပ်များနေမယ် အထင်နဲ့ Message တွေ ပို့ကြည့်ပြန်တော့လည်း စာမပြန်တာကြောင့် ဖင်လ်တစ်ခုခုဖြစ်နေသလား ကိုးလ်တွေးတောနေမိလေ၏။

သို့သော် ဖင်လ် အလုပ်ကိစ္စကြောင့်သာ သူ့အား ပြန်မဆက်သွယ်မှန်း ကိုးလ်ယုံကြည်ထားတာကြောင့် ကိုးလ် ဖင်လ်ဆီ ထပ်ပြီး စာမပို့ဖြစ်တော့ပေ။

“Hey ကိုးလ် ရောက်လာပြီလား”

“Sorry Nick နည်းနည်းနောက်ကျသွားတယ်”