🕸🕸🕸🕸🕸🕸🕸🕸🕸🕸🕸🕸🕸
احـس رجليه انشلت اريـد بس اوصل الزم ليـو ماگدرت صرخت بعلو صوتي "لــيوو" وماشوف غـير الكل ركض عليه وخاله مخليته بحضنها واصرخ حـسن ماكو وهـيه اصيـح يمه حسن بس حسن ماكو لا حس ولا نفس ماندري وين اختفى اتشجعت وركضت سويت الطارمه خطوتين جريته من زنده من حضن خاله وابچي وهوَ يبچي شلته ورحت ع مطبخ خليته فـوگ الكاونتر واغسل بوجهاا بماي بارد كلما يطيح الدم يرجع يصب تخبلت ماضل عقل بيه والشخوط الي بوجها فضيعه مشخط اشخط مادري وين واگع وشصاير بي اغسل بي وصرخت ع غـسق
ـ ولجج غسق صايتيي خاله مايقبل ينگطع الدم البسي عباتج ناخذه للمستوصف
ـ اييي ايي جايه دهررر صابك يحسن ولك وين وليت يمه ابني راح يمه
نزلته بلـگاع وهوَ بس يناشق وانا ابچي ع بواچيه جابت غسق الصايه لبستها شلون ماكان وذبيت الشال ع راسي وحضنته ومنتضره خاله تجي راحت تلبس العبايه شـوي واجت لبست النعال "تكرمون" وطلعنه نمشي رايحين للمستوصف قريب علينه عبور الشارع طلعنه وخاله بس ادگ ؏ وجهاا واريد اسكتها ماكو ولـيو خاف بلزايد من شافها تحچي وادگ ؏ وجها ردنه نعبر الشارع صادفونه ثنين ولد شباب بگدي تقريبًا لفـيت الشال ع وجهي وطلعت بس عيوني وعبرنه وصلنه المستوصف وانا عيوني تصب من اسمع لـيو يبچي من الوجع البي دخلنه ودخلونه الوحده من الغرف اجه ولد شاب ذبيت الشال امسح بدموعي باوعلي وگال
ـ خلي ع سديه شبـي
خـليته ع سديه وخاله يمي والولد يباوعلي يريد ياكلني بعيونه وانا منتضره خاله تريد عليه مااعرف شگله
ـ حباب سوي ايشي واگطع الدم حيموت مااعرف شبي اجانه من الشارع هيج
ـ يلا مابي شي خدش بسيط بخده يلا اسكت انتَ بطل تعاي كضي ايدي خلي اعقم الجرح واشده وانتِ خاله تگدرين ترحين اجيبيلنه شاش علما اعقمه
ـ ايي يمه اي وين اروح وين الگا
ـ ولد لابس مناضر بلغرفه الي بلاخير گليله اريد شاش وهوَ يتصرف
ـ اي يمه رايحه
راحت خاله وبقيت اني لازمه ايدين لـيو وابچي ع بواچيه وامسح بدموعي شوي وگال الولد
ـ انتم بيت منو هنا
ـ معليك حباب بس وكف الدم راح يموت من البواچي
ـ مو هوَ الراح يموت من البواچي انتِ ههه
مسحت خشمي بلشيله واتعوذت الشيطان بقيت لازمه ايدين لـيو بقوه وهوَ يرافس برجلي بقـوه المعقم يلبگه
ـ ماگلتي بيت منو انتم قبلا تجي امچ
ـ اكلك انتَ ماتلصم وتشتغل وتسكت اني بيا حال هسه وشعليك بيت منو
أنت تقرأ
ثار الروح
Historische Romaneفتاة عراقيه تعشق والدهاا حتى الجِنون، قبيله اخرى تقوم بقتل والدهاا لكي تاخذ الثار من عمهاا وتنهزم الفتاة لكي تاخذ بثار والدهاا ـ ماحرگهاا عليكم شوفوها _ حقيقه حدثت عام، 2017ع الارض العراقيه في احد المحافضات" جريئه"
