أدمنت عشقك

البارت التاسع"رواية أدمنت عشقك"♡

الحلقة التاسعة من رواية'أدمنت عشقك' ندى برعي❤️:
معلش البارت صغير المرادى علشان الدارسة بدأت وكدا  بس المرة الجاية ان شاء الله هيبقي بارت كبير وحاجات كتير هتحصل.

أفاق عمار من الغيبوبة التي كان بها ووجد منار الحية بجانبه مربطة بالحبال وتبكي بتمثيل'جتك القرف في دموع التماسيح دي😒'
عمار: أنتي كويسة يا منار؟ مين دول د؟ وخطفوكي ليه؟.
منار: دا أكيد فارس أبن عمك مفيش غيره يعمل كدا علشان يشغلك عن ندى وهو يبقي جمبها وعلشان ينتقم منى لأني قولتلك على مكانهم وانه كان عاملها مفاجأة في المكان اللى كانوا فيه.
عمار وقد اسودت عيناه من الغضب: أنا لازم أخرج من هنا وأوصل لندى في أسرع وقت.
منار: أنا هساعدك ومعاك علشان تاخد بتارك.
عمار بإستغراب: إزاى؟
منار بخبث الأفاعي: نتجوز وأعيش معاك وتجبها تعذبها وتخليها تحس أنه قليلة ومتتحبش وتخدمنا.
عمار بزعل وضيق لكلامها على ندى بهذه الطريقة: مااااااااشي مااااااااشي نتجوز وماله، فكر في نفسه انه قد يصل لقلب ندى ويجعلها تشعر بالغيرة وتحبه، هذا ما فكر فيه.
وبالفعل قاما بفك الحبال وذهبا عن هذا المكان وذلك بسهولة لأن منار أمرت حراسها بالأنصراف.
~~~~

في المستشفي عند ندى وفارس:
كان جالس بجانبها ينظر لعينيها العسلية ووجهها البرئ هذا وقلبه يكاد أن ينفطر من جمالها فهو معجب بها من أول لقاء بينهما'يخربيت أنت قلبك ميكروباص كام راكب يبني😂'
أفاقت ندى بحزن: بابا! بابا فين؟ أنا عايزة بابا!.
فارس بتألم وخوف عليها فهو يعلم بخبر وفاة والداها: بباكي كويس متخافيش، أنتي عاملة أي، حاسة بأي، أوعي تفكري في أي زعل علشان متتعبييش.
ندي بعدم إهتمام وهي تريد الخروج ونزعت الأبر التي كانت بيدها والكالونة: أنا همشي من هنا.
فارس وقد لاحظ أنها ستفقد الوعى: لا لا لا أنا هوصلك أهدي بس، أنتي الفترة دي لازم تكوني بعيدة عن عماار خالص علشان تكوني بخير لأن الشخص دا مريض نفسي.
ندى بخوف وقلة حيلة فليس أمامها غيره: هروح فين يعني؟
فارس: ثواني هعمل مكالمة وهرجع.
ألو يا زوبة!
زينب وقد دق قلبها لمنادته لها بهذا اللقب ومن حبيبها بالذات فقد تاهت ونست أنه على الهاتف.
فارس بإستغراب لصمتها: يا بنتي! يا زينب!
أنتبهت زينب: هاا، معاك أهو أتفضل يا فارس باشا.
فارس: عايز منك خدمة، ممكن؟
زينب: أنت تؤمر يباشا.
فارس: عايزك تاخدي ندي مرات ابن عمي تقعد معاكي كام يوم كدا بعيد عنه علشان ممكن يأذيها.
زينب بغيرة وغضب: اه طبعا عنيا ليك وليها، تعالوا دلوقتي أنا في البيت دلوقتي.
شكرها فارس وأغلق معها الخط ورحل هو وندى بعدما أحضر لها بعض الأدوية والملابس وبعد مدة وصلوا بيت زينب في الأنفوشي وجد فارس زينب أعدت لهم الطعام،
فارس: متخافيش يا ندى زينب أمان وقمر وثقة وأنا هبقي أجي أتطمن عليكي تانى.
زينب بخجل من كلامه وتضجر أنه سيذهب: علطلاق بالتلاته لتقعد تاكل معانا وأنا قولت كلمتي، ضحك فارس وندى عليها وجلسوا لتناول الطعام ومن ثم ذهب فارس للعمل.
~~~~~
كان جالساً يفكر فيما سيفعل في ملاك وغباءها وكيف تذهب للعمل مع أولاد الحسيني ألد وأسوء أعدائه، تكلم وهو ينفخ الدخان من فمه وأنفه: والله لأوريكي يا ملاكي، علشان مش أنا عز الدسوقي اللى يتلوي دراعي بسهولة ومن واحدة زيك،
ثم دق هاتفه: خلصلي بسرعة وهاتلى عاليها واطيها عايز حقيقتها تنكسف قدام فارس باشااا'قالها بسخرية' وتنطرد من هناك بكل الذل اللى في الدنيا والزفتة منار الأخرس دى هاتها ليا على المخزن علشان حسابها معايا كبيررر أوى، أما أشوف شوية ستات هيلعبوا معايا أنا إزاى'يخربيتك وأنت شبه أدم الكيلاني كدا😂❤️، بطل رواية عشقت مجنونة أكيد تعرفوها😌❤️نحيي أية يونس'سيدة القلم'صاحبة الرواية القمر دى ومثلي الأعلى'.
من نحية مين مين الشخص دا مش، هقول سورى يعني علشان دى مفاجأة جامدة هاااااندي😂😇.
~~~~~~~~~
بعدما خرج عمار هو ومنار ذهبوا للعمارة التي يمتلكها عمار والتي منار كانت منبهرة بها كثيراً، قام عمار بتغيير ملابسه وذهبوا سويا للمأذون وكانت أولى خطوات الحية منار، كتبوا الكتاب ومضي عمار بالخطأ على عقد إحتكار في التصرف في كل أملاكه وشركته إذا طلقها'دا أنتى عديتي هيفاء وهبي في مسلسل الحرباية😡'
بعدما انتهوا من كتب الكتاب أحتضنته منار لكنه لم يبادلها الحضن وتركها وذهب للبحث عن ندى، وكان أول طريق هو الذهاب لإبن عمه شركته.
اقتحم عمار مكتب أبن عمه وقام بضربه ضربة اوقعته أرضاً ثم أمسكه من لياقته وهو في أشد حالات غضبه: مرااااتي فييييين يااااا فااااارس؟
فارس ببرود وهو يبعد يده عنه ويعدل ملابسه:  معرفش، هي مشت وقالت انها مش عايزة تشوفك ولا تشوفني تاني فسبتها على راحتها.

عمااار بغضب أشبه بالجحيم: أنا هعرف أجيبها كويس بس أعرف لو أنا عرفت انك مخبيها هقتلك وميهمنيش انك ابن عمي حتي.
رحل عمار تاركاً فارس في قمة غضبه وقد أعلن أبن عمه الحرب فحان الوقت ليأخذ بتاره وينهي على أسم عماار الحسيني للأبد.

~~
لم يكن هذا الوجع بمثابة ندوب أو كسور بل كان هذا أشبه بسكين يقسم قلبى لنصفين.
لِ| ندى برعى'ظلام'.

~~~
إلى اللقاء في الحلقة القادمة اللى فيها مفاجأت كتير هتنبهروا صدقوني😂😌
بقلمي/ندى برعي'غرام'.
#يتبع