هو الخائن

البارت السادس

#هو #الخائن
البارت السادس

هديل بأستغراب : انتو واقفين كده ليه في اي يا امير لينظر لها الاخر بهدوء وهو يبتعد : مفيش يا هديل ليان بس كانت بتتفرج علي المكتب وانا كنت بوريها حجات

لتومئ الاخري بأقتناع وهي تسحب ليان سريعا لتقول بغمزه : شكل الصناره غمزت يا عم ومش هتجوز لوحدي ولا اي

لتنظر ليان لأمير بتوتر وهي تقول : قصدك اي يا هديل بلاش الكلام ده مفيش حاجه زي اللي فدماغك

لتبتعد هديل وهي تقول بسخريه : نعم يختي مفيش زي اللي فبالي الولا شويه وعينه كانت هتطلع عليكي حتي لما رحت اديله الحلويات مبطلش يسأل عنك وتقولي مش اللي فدماغي والله انتي هبله

ليقول الاخر بغضب : هديل خلاص بعدين احنا فمكان شغل خلصتي ووزعتي حلويات يلا عشان اوصلكوا لسه عندي شغل كتير

لتنظر له هديل بضيق وهي تمسك بحقيبتها وتخرج لتلحق بها ليان سريعا تحت نظرات الاخر المحتقنه
______________________
يجلس الاخر وهو يضع قدمه اعلي المكتب ويغني بأندماج وهو يغمض عينيه بتأثر : كان لك معايااا اجمل حكااايه في العمر كله اااه ياني

ليمسح تلك الدمعه الوهميه وهو يستقيم ليرقص سريعا : كان كان كان لك ايوه بقي كان كان كان لك معايا يلا الله يجحمه يا ست كلهم يجيبوا الفقر

ليستمع لصوت الباب وهو يفتح بشده ليقع علي الكرسي بذعر وهو يمسك ناحيه قلبه : اااه يخربيتك انتي هتفضلي تنطيلي زي فرقع لوز كده

لتنظر له الاخري ببرود وهي تقول: والله محد عارف مين بيشتغل عند مين مبقتش اشوف حضرتك قلت اجي واقولك تشتغل لو ده مش هيزعج سيادتك

لينظر لها ياسين بضيق وهو يقول : لا يختي ازعجتي سيادتي وطلعتيني من المود اللي كنت فيه وبعدين مين بيشتغل عند مين ازاي تقولي كده انتي عارفه انك جرحتي مشاعري

لتقترب روجدا منه وهي تتفحصه لينظر الاخر لها بأستغراب : بتعملي اي لتقول الاخري بكل هدوء وجديه : بدور علي الجرح بتاع مشاعرك هو فين مش شيفاه

لينظر الاخر لها لدقائق دون استيعاب ليقول سريعا : ااااه لا ده انتي طلعتي شكلك غبيه وهتتعبيني دي حاجه معنويه مش حقيقيه والله شكلك ضاربه الشهاده اللي معلقاها جوه دي وبتضحكي علينا وهتطلعي تعليم مجاني اصلا

لتضرب الاخري علي المكتب سريعا وهي تقول بصراخ : انت هتستعبط يلا الملفات اللي قلتلك عليهم فين هو انا كل يوم اجي اعمل الشغل ده عشان تخلص ورقه حتي فين المواعيد اللي اتظبطت ولا اي هبل

ليبتلع الاخر ريقه بتوتر وهو يقول : هو في ملفات المفروض أعملهم الاااه طب محدش قالي ليه وبعدين مواعيد اي انتي بتعملي حاجه غير بتشربي شاي وقهوه ونازله تخليص فمخزون الشركه الا مشوفتك حضرتي اجتماع واحد من يوم ما جيت