بتول:هلا سلام اليوم كان آخر يوم متوسط وكان يوم الخميس قعدت الصبح وتجهزت للمدرسة وقعدت أبوي وقعدت خالتي إلا هي مرة أبوي عشان أختي جمانة بتروح ويانا المدرسة وأجهزت جمانه كانت نايمةوبعدها رحنا المدرسة ولما قربنا نوصل للمدرسة قعدت جمانة من النوم وصلنا المدرسة ولما نزلت حسيت أنه البنات مستغربين وكل الأنظار علينا أحس يقولوا في نفسهم ليش جايبن طفلة المدرسة المهم مأهتمينا ورحنا المصلى
طبعا كانت وياي أختي سارة وحطينا أغراضنه في المصلى ورحنا إلى معلمة عديلة في غرفت المعلمات وشفت معلمة أمل معلمة أختي سارة معلمة أنجلزي
بتول أبتسمت وقلت إلى المعلمة:هاذي أختي جمانةالصغيرة قعدنا مع المعلمة عديلة اشوي و بعدين لما طلعنا من غرفة المعلمات قلت لسارة خلينا انروح إلى المصلي يمكن انشوف صديقاتي جو و لا لاء وللأسف ماجوا وبعدين ركبنا فوق غرفة المعلمات عشان معلمة سحر و كوثر يشوفوا أختي جمانة ركبنا و لما دخلنا ما شفت معلمةكوثر ولا سحر و شفنا معلمة اختي سارة و معلمة أخذت جمانة و قعدنا ويها اشوي و فجأة جت معلمة ندى ف أني قلت إلى معلمة سارة
بتول:معلمة أنه أني باروح أودي اختي جمانة إلى ابوي عشان لانتأخر عليه قالت
المعلمة:تمام
بتول:نزلنا تحت وقلت لسارة خلينا انروح المصلي يمكن جو صديقاتي و رحناو شفنا مريم ورحت لها وسلمت عليها و خليتها تشوف أختي جمانة وتحمالها
بتول: هلا مريم وش حالش
مريم: الحمد لله وأنتين وش حالش ياعمري جمانة وقرصت خذوذها
بتول:الحمد لله
جمانةتصيح:إي أهي😭😭
بتول:يمكن عشان توها قاعدة من النوم عشان جذي تصيح
مريم:أوك خلينا أروح إلى المعلمات نرويهم جمانة
بتول:لا أحنا تونا رايحين إلى المعلمات شافوها بس خسارة معلمة كوثر وسحر ماشفوها يلا مريم خلينا نودي أختي إلى أبوي بره لايعصب تأخرنا عليه وقمنا ودينا أختي إلا أبويي وأحنا داخلين المدرسة قابلنا أبو فاضل حارس المدرسة قال
الحارس:من يجيب جاهلة المدرسة
سارة أخت بتول: أحنا نجيب أحنا
بتول ودخلنا المدرسة وقلت ل مريم سالفة حارس المدرسة
مريم وبتول:ههههههههه
مريم وهي فاطسه ضحك :حلفي سارة قلتي له جذي
بتول:بعدين دخلنا المدرسة ورحنا المصلى وفصخت عباتي وقلت ل مريم خسارة دانة ماشفت جمانة ما اني امصدقة أن لا دانة و لا معلمة سحر ولا معلمة كوثر شافو اختي جمانة ف زعلت اشوي
مريم وأني ملاحظة على بتول أنها زعلانة :إي والله خسارة
بتول: إلا فجأة توها دانة جت و قلت لها ها هلا دانة تونا بس تونا ودينا أختي إلا أبوي تونا
مريم:إي تونا ودينها لو جيتي أشوي جان لحقتي عليها
دانة:تأخر علي السواق عشان جذي ماجيت بدري
بتول: إلا أشوي قعدنا نراجع دين لأن علينا اختبار نهائي و احنى ساكتين و كل اشوي نتمنظر في بعض ما نعرف وشو انقول لو وشو انسوي مو مستوعبين ان هاذ آخر يوم في حياتنا من متوسط و بعدين بدأنا نتكلم عن الاختبار دين و قلت ليهم أن اني ما ذاكرت عدل و لكن اعرف الأسئلة و الأجوبة لكن ما حفظت عدل وقالت دانة
دانة:عادي اساسة احنى كل مرة ما نطلع بدري كم مرة نطلع بعد ما يرن الجرس ونتأخر
بتول:إي صحيح وبعد ٥ دقائق تقريبا من المذاكرة و المناظرة الي كأن آخر مرة انشوف بعض 😢 و كملنا مراجعة و بعدين فجأة رن الجرس
وطلعنا في بعض و كملنا مراجعة و إلا و اشوي و جوا المعلمات يقولوا
المعلمات😡:يلا قومو إلى اللجنات
بتول:أحنا نطالع في بعض و انكمل مراجعة و إلا فجأة مرة ثانية اجي المديرة و قالت
المديرة😡:المجموعة الي هنا يلا قومو إلى لجناتكم مو انتو سمعتو الجرس المفروض اتقومو
