اللهم صل وسلم على نبينا محمد وعلى آله وصحبه وسلم 🌴🌴🌴🌴🌴🌴🌴🌴
___________________
"حبيبتي جميله بطلتها بدموع عينها بضحكتها ببسمه شفاه ولمعتها وعيونها الجمال اسرتني ومن نبض قلبي خطفتني وبدمع عين سحرتني وحب عمر وأديتني بسحر عينكي دواتيني فأنتي القلب ووتيني َََََ
معذبتي في صمت الكلام سحرتني بحزن العيون اسرتني"بقلمي َََََ(s&s)
_________________
محمود :طب هاتوا ياعمو
مجدي :مش هيرضي يروح معاك يامحمود
جميله: نهله ياسمين اتجوزت امتي
نهله: بعدين ياجميله مش وقته قومي بالسلامه ونتكلم
محمد:جميله عامله ايه دلوقتي حبيبتي
جميله:الحمد لله بخير
جميله:نهله انا عايزه اعرف بس ايه الاحصل
نهله: بعد مامشينا بشهرين اتقدملها شاب وطلب يتجوز علي طول و اتجوزت بس مفضلتش كتير بعد اسبوعين بس اطلقت وهي حامل ومحدش عرف عنه حاجه مشفش ابنه وخلاص احنا اعتبرناه ابننا وبس كده
محمود : عمو مجدي يمكن المفروض الكلام ده ميتقلش هناوفي الظروف ده بس بصراحه انا مش هقدر استني اكتر من كده ولا هتكون اللمه كبيره زي كده انا طالب محمود وامه علي سنه الله ورسوله وبصراحه التأخير مبقاش في صالحنا انا عايز ياسمين واربي محمودبينا
محمد: طب استني لما نطلع من هنا ونتكلم يابني
محمود: بابا هنضيع ليه الوقت والحمدلله الكل بخير وخير البر عاجله انا بصراحه مش عايز ااجل اكتر من كده وحابب اطمن
مجدي:بص يابني والله انا مليش كلام في الموضوع ده صاحبه الشأن موجوده وهي الاليها رأيها انا حرمت اتدخل وخصوصا بعد الاحصل قبل كده ليصدموا
مساءالخير قالها حازم بابتسامه سمجه ده احنا عندنا فرح بقي
اسر:انت ايه الاجابك هنا ياحيوان
حازم :عيب يااسور تقول لجوز اختك كده ولا علشان علمت عليا تقل أدبك ولا ايه ياحبيبتي
محمود :اطلع بره ياحازم مش عايزين مشاكل هنا
حازم :ليه كده ياعريس، وانا الاكنت بقول انك هتفهمني وتقدر مشاعري وتقنع اختك انها ترجع لبيتها وجوزها
روح :ياراجل قول كلام غير ده جوزها انت صدقت التمثيليه ولا ايه طب مبلاش كلام وانت مش قده
احمد :سبيه ياروح خليه
روح: انت فاكر اني خايفه منه لا والله انا اقوي منه
حازم: بابتسامه ده انتي بقيتي جريئه اوي كل ده بسبب المحامي الهمام بصراحه شابوه ليه بجد
روح: لا وانت الصادق انت متقدرش عليا مش علشان حد لانك إنسان ضعيف معدوم الشخصيه
محمد: اتفضل اطلع بره وبلاش غلط كتير
حازم :ليه كده ياحمايا ده انا عابز افتح صفحه جديده معاكم علي العموم ماشي ياروح بس هنتقابل تاني قريب
اسر: حد يسيبني عليه والله هريحكم منه
جميله: بس يااسر بطل جنان شويه خليه يمشي ويريحنا ليخرج حازم للخارج لتنظر جميله بإتجاه ياسمين
جميله: ياسمين محمود طلب ايديكي يابنتي انا عارفه اني السبب في كل الاحصل وعلشان كده مش عايزاكي تاخدي محمود بذنبي انا عارفه ادايه هو مرتبط بيكي وانتي الوحيده الاهتسعديه
ياسمين: مع احترامي ياطنط لحضرتك بس انا مش هقدر انا خلاص قررت متجوزش تاني واعيش اربي ابني وهو دلوقتي كل حياتي وكمان انا تعبت اني اكون مرحله في حياه الاشخاص وعلشان كده قرار هو لا ياطنط مش علشان حاجه بس ابني هو الاهم عندي
محمود: يعني ايه ياياسمين
ياسمين :يعني انا مش هقدر اشيل حد حمل ابني انا كفيله بيه ومش محتاجه أحسان من حد
محمود؛ ياسمين انتي بتقولي كده ليه ابنك هو ابني لو مكنش الاحصل زمان كان هو ابني انا
ياسمين: معلش يامحمود مفيش بينا نصيب ربنا يبعتلك بنت الحلال الاتسعد وتكون اول فرحتها عن اذنكم
محمود :ياسمين
احمد: سيبها يامحمود خليها تهدي وتفكر كويس
محمود: بس انا بحب محمود ومش بعتبره غير ابني هي بتفكر ازاي
مجدي :خليها تروق يامحمود هي محتاجه تفكر صح المشكله ان ياسمين حساسه من ناحيه ابنها وبتخاف انه تهمل فيه
الدكتور مساء الخير
الجميع مساء النور يادكتور
الدكتور: شايفك افضل يامدام جميله بس استاذنكم نطمئن عليها
محمد: اه طبعا يادكتور اتفضل
الدكتور: الحمدلله بقينا احسن بس دلوقتي يامدام لازم بقي نتكلم جد شويه
حضرتك ده مش اول مره تتعرضي للجلطه
محمد: لايادكتورحضرتك قولت كده برضو بس ده فعلا ده اول مره
جميله:لا يامحمد كلام الدكتور صح ايوه تاني مره يادكتور
الدكتور: طب يامدام اظن حضرتك عارفه خطوره الوضع فلازم تنتبهي علي نفسك اكيد وبلاش ضغوط وتوتر لان المره الجايه مش عارفين هتوصلنا لايه احنا عايزين تكوني كويسه جميله: ان شاء الله يادكتور بس رجلي انا مش حاسه بيها
الدكتور: متقلقيش يامدام احنا هنواظب علي العلاج وتقعدي معانا كام يوم لحد لما حالتك تستقر تماما وبعدين هنمشي علي كورس علاج وهنعمل جلسات علاج طبيعي وهيرجع الوضع احسن ان شاء الله
روح: ان شاء الله شكرا يادكتور
محمد: جميله انتي امتي تعبتي ومحدش يعرف
جميله :لما كنت عند مازن وملك قبل فرح روح
أنت تقرأ
لحين اللقاء
Romanceصدفه جمعت بين قلوب نبضت بالحب ولكن فرقتها الايام فهل يجمعهم القدر هي روح قلب نقي مليان بالحب والحنان رغم اوجاعها دايما شعله نشاط ومحبه للكل هو فهد صاحب القلب الطيب ترك عمله ليكمل مسيره ابوه مكسور من قصه حب فاشله فهل يفتح القلب من جديد؟ بقلمي" (...
