" part 1 "
" تمر الايام و تمر الحياة كالعاده ولكن مو كلشي يمر مثل ما كان العمر يمشي وتفوت الاحداث ولا يبقى الا الحظه الجميلة . "
" ويمر الاوان وتفوت الاحداث ولكن يبقى الحدث نفسه . "
•
•
-
قامت بطلتنا نادين من النوم وتروشت بحمامها الخاص « اكرم القارئ 💓 »
و كانت توها صاحيه وشافت ان الكل راقد ، وبحكم ان نادين تعيش في بيت جدها تعرف من يجي ومن يروح
وبعدها نادين نزلت وقعدت تسوي الفطور وزينت السفره
وراحت تدق الباب على عمها محمد
فتح الباب العم محمد
العم محمد : صباح الخير يابنتي ، وش بغيتي ؟
نادين : صباح النور يا عم ، الفطور جاهز
العم محمد : يلا الحين نجي
ورجعت وهي تصحي جدها وجدتها والباقيين
- بعد الفطور -
سوت نادين شاهي للتحلية وحطت معه فصفص يسولفون
بعدها خلصوا وهم يتجمعون وكل واحد قعد يقرأ سوره الكهف
وتجمعو الاهل بما انه جمعه
ومعروف بأن هذا اليوم ، جمعة العائلة
-
ساره ورغد و وعد كانو يسولفون عادي بالحوش ، داهمتهم نادين بـ هجوم
ونطقت : بنااات
ساره : وجع ، شفيه ؟
نادين : وش ذا الطفش قوموا نروح نسوي اي شي !
ساره : اي نسيت اقولكم ، اخوي و تركي بيروحون الملاهي وقالو لي اني اقولكم عشان نتجهز بدري
نادين : اذا صديق اخوك فيه ما بروح
ساره : يحماره ذا ولد عمنا تركي
نادين : اهااا تذكرتته المهم متى بيروحون؟
ساره : روحي شوفي وقولي لي
نادين : طيب
راحت تركض لـ غيث وصقعت بواحد جسمه صلب
نطق تركي بوجع : اح...
نادين نزلت راسها : اسفه..
تركي وهو مسوي انه عادي : عادي ، مين تبين ؟
نادين بخجل : ابي غيث
تركي وهو يطالع وجهها : برا، ليه؟
نادين : بنروح معكم
تركي : تجهزو واذا ماخلصتو بنروح ونسحب عليكم
نادين وهي تركض بحماس بأتجاه البنات : شكرررا
ضحك على ركضتها وهابلتها
-
عند البنات
استانسوا البنات يوم قالت لهم نادين انهم رح يروحون معهم
وعد : بس بنات من فين لنا فلوس؟
رغد: العيال يدفعون لنا
نادين: اي صح هم يدفعون ، يلا مشينا
تجهزو البنات ، وهم يطلعون برا ويركبون السياره ، وقعدو يلعبون « حكم صراحة » وجاء السؤال على نادين
وعد : يلا جاوبي على السوال ، مين احلا واحد في العيال ذول ؟
نادين بخجل : ااااامممم صراحه تركي
تركي فاهي وما سمعها
وعد : اففف تركي حبتك اكثر وحده حلوه فينا !
غيث : مو من زينها انا اشوف اختي احلا !
تركي بعد ما سمع كلام غيث وقال بعناد : وانا اشوفها احلى منكم كلكم
نادين استحت : انا بس قلت الصراحه
وصلوا للملاهي ونزلوا من السيارة
