لهيب الحقد

26

قصه //لهيب الحقد

بقلمي انا نبأ الموالي

قصه حقيقه 100٪✓✓

         لا تنسون تصويت وتعليق حلو مثلكم
      
                علقو بين الفقرات
             
               رأيكم بالبارت كلش يهمني

          

_________________

وصلنه البيتهم دخلت بيتكم كلش جبير وحلو اول مادخلت شفت كومه نسوان مادري منو شافتني ام حُـر اجتلي باستني :- اللهم صلى ؏ محمد وال محمد شهلجمال عيني بارده عليج حبيبه
مُـهره - فدوه الكلبج خاله
جنه - تعاي يمه تعاي فوتي مـَاڪو غريب

كعدت واجن نسوان يمي وحده منهن كلش بشوشه شابه يجي عمرها 17 سنه هيج شي ام حُـر كالت هاي بنت اختي اسمها غدير واجت وحده ثانيا تباوعلي صفح خزرتني وخزرتها غمتني وغميتها شفت حُـر واكف بلباب ميت ضحك دار وجهه وراح اجت يمي غدير جرتني وكمت وياها للمطبخ كالت :- تعاي اراويج غرفه حُـر
هزيت راسي اي وصعدنه فتحت الباب ريحه عطره طبت بأمعائي كدما طيب الغرفه جبيره وحلوه بيها ممر صغير يروح للحمام جاي اشوف الغرفه ويا غدير اندك الباب
غدير :- منوووو
رؤيا :- اني

باوعتلي غدير وعوجت وجها كالت :- اجه المغثه

طبت البنيه الي قبل شويه جانت خازرتني باوعتلي وحجت
رؤيا :- تعاي انتي شون تغميني
باوعت للغرفه افتر وحجيت :- عاشت ايدي
رؤيا :- باعي لجج لاعبالج مرة حُـر ومادري شنو ماخاف اني هسه احطج واكتلج
مُـهره - حتى حُـر يسويج وصلتين
غدير :- بووووم
رؤيا :- هاا شبساع صارت صديقتج
باوعتلي غدير وابتسمت :- زوجة الغالي هاي فدوه ترحيلها
رؤيا :- الله ياخذجن بسيطه
غدير - دمشي لج

نزلت رؤيا وغدير تضحك :- معليج بيها هاي محروگه
مُـهره - ليش ضايجه هيج
غدير - احم شسمه مو تحب حُـر من صغرها
مُـهره - اويي عفيه مضل وحده محبه عاد من شكله
غدير - ههههههه لاا حُـر خوش حُـر
مُـهره - اي كلش
ركضت غدير للشباك تباوعت وعيونها مليان دموع رحت يمها شفت حُـر ووسام كاعدين يسولفون ويضحكون درت وجهي ؏ غدير وحجيت :- شبيج ولج ليش تبجين
غدير - مـَاڪو شي حبيبتي مادري شنو طب بعيني
مُـهره - اممم هيه عليه دحجي شبيج
غدير - اني احب وسام من زمان بس ميعرف ولاملمحتله ابد وكلما يجي يمنه كلبي يرف ماعرف شيصير بيه ومن سمعت بي حاب وحده اسمها صابرين دخلت للمستشفى من وجع ڪلبي ماتحمل اشوفه ويا وحده
ثانيه بس بعدين عرفت انفصل عنها فرحت بس شنو الفايده ماحاس بيه احبه واصلا يصيحلي خيتي من يكلي هيج اريد الطمه ؏ حلكه بس شسوي
مُـهره - يااااا عينييي زين شنو رأيج احاجي حُـر
غدير - يمه بسم الله لاا ديربالج ماريد احد يعرف

ضحكت وبقينه نباوع عليهم يسولفون نسمعهم حُـر كال:

:: حضر روحك تره الاحد عدنه مهمه صعبه لو بلهدف لو بلنجف
:: يله هيه ضلت ؏ هاي خلنشتشهد شحلاها الشهاده