ويبقى وشمكِ في قلبي

(البارت الاول)

- في كل مرة أشاهد فيها جمال عينيكي؛ أبحر في أعماق سحرهما، وفي كل مرة أتمرد فيها على قلبي؛ أتسائل ما سر هذا الحب الذي جعل شخص مثلي لا يؤمن بالحب أن يعشق بكل جوارحه؟

• الساعة الثانية عشر مساءً

بص كمال على كل اللي موجودين وقال:

- كله جاهز كده عشان التدريب؟

اتنهد ايمن وقال:

- اعتقد ان كلهم مكتملين يا قبطان، استنى اما انده على الاسامي عشان نتأكد

رفع معتز حاجبه وقال بزهق:

- وليه كل ده؟ حتى لو في حد ناقص مش من حقه يطلع التدريب معانا عشان اتأخر على ميعاده

بصوله صحابه بذهول وزياد قال بصوت واطي:

- ده من امتى الانضباط ده!

معتز بسخرية: انضباط ايه يا عم! انا بقول كده عشان الشمس اكلت دماغي

علي: ما قولتلك بلاش نطلع التدريب ده، متقوليش انك طلعته عشان هندخل على سنة اولى بَحرية والمفروض نعرف النظام ماشي ازاى، انت جيت هنا عشان تضيع وقتك وبس مش اكتر  صح؟

كان لسة معتز هيرد عليه بس عيونه لاحظت ظهور بنت وهي جاية من بعيد وبتمشي بسرعة، وصلت البنت اخيرا وقالت وهي بتحاول تظبط انفاسها:

- انا اسفة على التأخير

كمال: مفيش مشكلة، طالما اول مرة هعديها انما بعد كده لو صادف تدريب تاني ليكم معايا انا مش هعديها لاي حد، مفهوم؟

كلهم: مفهوم

كمال: يلا اطلعوا على السفينة انا مش هستنى اكتر من كده

لاحظ عماد نظر معتز المتعلق على البنت فقال:

- يا عم ارحم شوية بقى

بصله معتز بغيظ وقال:

- لو تبطل تركز معايا الدنيا هتبقى حلوة والله

ضحكوا عليه ومعتز تخطاهم وهو بيقول:

- يلا عشان انا متحمس اوي للتدريب ده

طلع معتز السفينة ولما البنت استعدت عشان تطلع مدلها معتز ايده وقال بابتسامة:

- اخاف على بنت رقيقة زيك تحاول تطلع وتقع، هاتي ايدك عشان اضمن ان مفيش حاجة زي دي تحصل

بصتله البنت بسخرية وطلعت من غير ما تمدله ايدها واتخطته وهي متجاهلاه تماما، بص معتز عليها بصدمة شديدة وكان لسة  واقف في مكانه بصدمة بس انتبه لما لقى علي بيقول وهو بيتريق عليه:

- طب ما تمدلي انا ايدك يا ميزو بدل ما اقع، ولا انا مش قد المقام

عض معتز على شفايفه من كتر الغيظ وقال:

- ما تقع ولا تتفلق وانا مالي

زياد بضحك: اصل انت يا علوش مش مؤنث، انت عارف لو كنت انثى كان هيساعدك على طول من غير ما تطلب ده، هو معتز دايما كده اي انثى فيها الروح بيتحول للچنتل مان اللي مفيش زيه