انيليا : بعد ما فوته بمي بارد و كام ايهلوس و يكول اششه بارده و طلعيني و طلعيني و صارت نص ساعه و هوه جوه المي البارد و طلعته و لفيت المنشفه عليه لان اهدومه امبلله و كتله صكر بدل و صيحني
صكر : تمام و بدلت و لبستانيليا رحت بدلت لان اني اتبللت اشوي و لبست
ورحت الغرفتهه دكيت الباب
صكر : فوتي انيليا
انيليا : فتت ها اشون صرت
صكر : احسن انيليا
انيليا : نعم
صكر : اشكرج على هاي الوكفه
انيليا : رحت كعدت يمه و كلت صكر بله شو خل اشوف الحراره مالتك
صكر : طخت أبالي فكره جهنميه
انيليا : و شنوهيه
صكر : انتابع فلم
انيليا : انته صدك تحجي الساعه ٣ بليل
صكر : معليه اريد اتفرج فلم وياج
انيليا : يلا لعد
صكر : ممم يلا تعاي و اتغطينه ثيناتنه و على نص الفلم هيه نامت وهيه بحضني و اني حضنتهه و نمت و بستهه من راسهه و حضنتهه و نمت و والله كعدت الصبح سبحت و نزلت صباح الخير
الجده صباح النور يا نور البيت
الكل : صباح الخير
الجده : يمه صكر شفت انيليا وين لان سها راحت الغرفتهه و مالكتهه
صكر : اي لان البارحه ارتفعت حرارتي و دكيت على البنات : و ماردو لان جانو نايمين و دكيت على انيليا و ردت و كلتله عادي اسويلي كمادات و فعلا هيه ما قصرت شافتني نار حضرت الحمام و دخلتني بمي بارد اني و هدومي و اني كمت اعيط عليهه طلعيني و طلعيني و وره نص ساعه طلعتني و خلتني ابدل و هيه راحت الغرفتهه بدلت لان اتبللت اشوي
و اجت الغرفتي و ضلت سهرانا علمود يمكن ٦ نامت خطيه
الجده : اي عفيه عليهه يمه صكر امورك كله اعتمده على انيليا لان يوم هيه مريتك
صكر : ان شاء الله
انيليا : كعدت و ريحت صكر بخشمي و عزلت الغرفه و الفراش و فرشت فرشه جديده لا مو زين اذا اتمرض و اتشافه ويرجع ايمان عليهه و غسلت الفرشه و أخذته و نزلت و صحت سمر سمر
سمر : ها حياتي
انيليا : حبيبتي بس شري هاي بس بين ما اسبح و اجي
سمر من عيوني شريته و نزلت والله صكر هنيلك على أنيليا اتخاف عليك و غسلت الفرشه و اتكول مو زين اذا اتمرض و اتشافه و رجع نام بيهه
الجده : ربي يحفظهم البعض
الجد و الكل : امين
الجد يابه صكر ايمته تعقد على انيليا
صكر : جدي مو هسه أريده اتحبيني و بعدين ان شاء والله
الجد انشاء الله
انيليا : رحت سبحت و بدلت و لبستو نزلت على السريع و اني كاعد انهت
سها حبابه كلاس كهوه
جدتي : زيت تعالي اتريكي
انيليا لا جديتي اتأخرت لعد الولد وين
امي : راحو
انيليا : صكر انته اني اليوم اخذتلك اجازه
صكر : ليش
انيليا : لأنك مصخن
سها : اتفضلي حبيبتي
انيليا : زاد فضلج حبي و شربته على السريع
سها : ولج هاي مال شيوخ مررره اشون شربتيهه
انيليا : لا بالعكس اصلا اني احب الكهوه بكل انواعهه يلا مع السلامه
صكر : الله وياج و غمزلهه
انيليا : خجلت و رحت السيارتي
او صلت المستشفى و ياريتني ما وصلت العمليات اهواي لان صاير انفجار و الي مات و الي جرحه و الي عمليات
و اني قفلت التلفون و رحت لبست المريول ركض و طلعت و لكيت الممرض حسن
الممرض حسن دكتوره لحكي اكو عمليه خطره و الدكاتره ولا واحد كاعد ياخذهه لان احتمال ايموت و كتله اني استلمهه و قريت الملف و قبل ما اوصل للغرفه مال العمليات لكيت كلهم زلم معكله و شايب حالته حاله و اكو رجال با ٥٠ حالته لا تسر لاعدو ولا حبيب و اتلكوني
الجد غياث : ها بنيتي منو الي راح ياخذ العمليه
انيليا : اني
ابو غيث : يابه ارجاج طلعي سالم
انيليا: ولا ايهمك : بس شنو اسم المريض
غيث : اسمه علي
انيليا : تم و فتت لغرفه و بعد ٥ ساعات متواصله من العمليه لان نص صدره و خاصتاً الجهه مال كلبه متأذيه و الحمد الله الكلب مو امأثر عليه شي.
و خلصت العمليه و رفعت ايدي بانتصار
و الممرضين كامو ايصفكون
غيث : ٥ ساعات متواصله و احنه على نار و اجه مدير المستشفى و كال للممرضه منو مستلم العمليه
الممرضه : استاذ هاي الدكتوره البريطانيه مدري امريكيه
غيث : لما عرفت هيه دارسه برا ارتاحيت اشوي لا دراستهم أصعب بهواي عن الدول العربية و خاصتا البريطانيا
انيليا : طلعت و كلت الحمدلله نجحت العمليه
و تلكتني مريه جبيره بالعمر و امريه ابكد امي
الجده نور : ها يمه بشري
انيليا : الحمد لله نجحت العمليه
الام حنين : روحي ربي يوفقج
انيليا امين ادعيلي ايكولون دعوه الام مستجابه
الحجيه نور : روحي ربي ايطمن بالج و و ايريحج و وتاخذين ابن الحلال الي يسعدج و يصونج
انيليا تسلمين حجيه
الحجيه نور : يمه انتي بعدج ما مزوجه اشو ما شاء الله امبينه انتي مو من العراق
انيليا : ههه اي صح اني مو من العراق اني انولدت بامريكيه و بعدين رجعت للعراق و بعدين سافرنا و رجعنه الامريكيه
و كملت الابتدائية بامريكيه و كملت الثانويه بفرنسا
و اتخرجت من بريطانيا و اما اذا اني متزوجه أو لا ف اني ابن عمي ناهي عليه من جان عمري ٣ سنوات
غيث : ثواني ثواني بس لا انتي نهوه الشيخ صكر من العشيره........
انيليا : اي نعم اني
غيث : صكر جان دائما يحجيلي عنج لحد أولت البارحه
انيليا : اني لازم اروح لان ورايه عمليات و اتشرفت بيكم مع السلامه
َ وخلصت عمليات و رجت للبيت
يتتبع
شنو راح ايصير يا ترى