ال شيخ أسد واحفادُه

Bart ' 10 '

( هلو هلوو عيني 🌚 ♥️)

قررت بين يوم ويوم انزل بارت بس شنو طويل
حبيباتي صوتن ومُتابعة للحساب...

ويلا نبـدي بـسم الله....

〖 قراءه مُمتعه عينـي 🌚🌿〗

---------------------------------------------------

                                 - - -   رُسل  - - -
.
.

الـ ماضي ...

فزيت على ايد صغيره تلعب بـ وجهي..
شفت ماريا (بنت اخوي محمد)

جريتها اعضعض بيها وهيه ميته ضحك..
شوية وكمت غسلت ونزلت اكلت..

ورجعت للغرفة..

فتحت تليفوني كُبل اجى ببالي سجاد..

نزلت الـ فيس سويت حساب..
بحثت على اسمه ماكو
دورت دورت
مالكيت
سديت الـ تليفون اضحك على نفسي...

رجعت نمت.
كعدت الصبح شابعه نوم..
غسلت ونزلت..

شفت اُمي كعده تقرا قُرآن..
البيت يلمع من النضافة
والبروددهه عالم ثاني
ريحة الـ طبخ الـ يشهي

اجيت حطيت راسي بحضنها...
مسحت على راسي..

شوية وصدقت..

:- سُرى: شبيـج يُمه اشوفج تتصفنين هواي هلـ ايام !

صافنه سألتها بـ عفوية....
:- رُسل:  ماما شنو رايج بلـ بنيه الي تحب !!

ضحكت وهيه تجاوب...
:- سُرى: هههه يياا ولج بس لا عاشقه!!

استوعبت شـحجيت...
:- رُسل:  شسالفه يُمه لا عاشقه ولا شي

:- الله يبعدني .

ابتسمت وهيه تمسد على راسي..
:- سُرى: يلا يُمه كومي تريكي وبدلي دنروح لبيت عمج

:- جابو ذهب مرت الـ مُهيب.

كمت صعدت لـ غُرُفتي غلست ما تريكت.
بدلت لبست تراك بيت عادي..

حطيت مسكاره
رطبت وجهي
شمرت الشال صفح

طلعنه لبيت عمي..
اجى ببالي اشوف صفحة سجاد من تليفون حُسام..
كعدت افكر واخطط

شفت حُسام طب لغُرفته..
شويه وكمت ورا..

دكيت الباب....
فتح الباب...

:- حُسام:  هااا شبيج

:- رُسل: اريد تليفونك شوية

خطيه ما كال لا انطاني..
اخذته وكعدت..

بجثت علي بالـ فيس ماكو
رحت على واتس..

لكيت رقمه...
مخلي صورته..

كُبل طلعت تليفوني واخذت صوره لـ رقمه..