الـ كـاتبه سوسي
متابعه للحساب تصويت تعليق
: يدادة حُضنك ديرتي المليانه امَان ✨
........................
سيمار: اختاااااه
رفيف: وجعاااا فززتني
سيمار: دنزلي نزلي وصلنه
نزلت ودكينه الباب وانه الحد الان ماعرفهم ولا شايفتهم انفتح الباب وانصدمت بالبنيه ولحجيه الطلعت
:: الي هيا خالتي
يعني نفسها الي اجتي للمُستشفى هي والبنيه. والريهاف وهنا هم انصدمن من شافني
اردفت البنيه بصدمه
- يوممم هي نفسها الي بلمُستشفى بنت خالتي
ضحكت خالتي بصدمه واردفت
- يبعد حيلي يمه طلعت بنت اختي وماعرفتها
ضحكت وسلمت عليهن واهلي هم سلمو وبحراره ودخلنه ضيوفونه وخالتي كلساع تباوعلي وتبستم اخر شي كالت
بسعاد: تعالِ يبعد خالتج اكعدي بسدي(بصفي)
كمت كعدت بصفها وهي تبوس بيه وتكول
بسعاد: يروح خالتج شحلاتها بنيتنه
رفيف: فدوه اروحلج خالاتي
وره فتره كاعده داتصفح بجهاز وصاحتني ايلاف
ايلاف: رفيف تجين يمي بلغرفه
رفيف: اي عيوني اجيت
كمت صعدنه بغرفتها ونحجي بمواضيع عاديه وسئلتها
رفيف: انتِ عندج اخوان خوات
ايلاف: اي عيوني بس اخوان ثنين ماعندي اخت
رفيف: ياعيني ربي يحفضهم
ايلاف: بعد عمري ويحفضج
وبعدها نزلنه جوه نتعشه وضحك وسوالف لما صارت ساعه 11 وطشرنه كلمن لفراشه صعدنه نمنه بغرفه ايلاف انه وياها وهي بسرعه نامت وانه بقيت كاعده اتصفح بلجهاز ضجت ونزلت بلحديقه
كعدت عـ دجه وشغلت قصيده ليالي الجرح ذكرت الريهاف وابتمست غمضت عيوني وابتسمت هدوء وماكو بس صوت القصيده فززني صوت خشن وهوا يكول
الريهاف: شعندج هين منو انـتِ
رفعت راسي وحجيت بهدوء
رفيف: ميخصك عيني
انصدم وكال
الريهاف: انـتِ شجابج هين يولي
رفيف: السياره جابتني
الريهاف: احجي عدل خالتي هين
