تشابه اقدار

بارت2

شما يحجون عن العينهم حلوه تجي بالي
وضحك من يذكرونك
اكو الحلوه
واكو الاحله
واكو عيونك

رهف البديريه
"""""""""""""""""""
مرحبا
مهند:خلي احجيلكم قصتي وشنو الي صار بيه
نرجع كم سنه
Back to the past
2016
جان عمري 21سنه مثل اي شباب بعمري جنت اعيش طبيعي بزغري جنت كلش وكح بس بمرور السنين بلشت اعقل واصير هادء
اضل اضحك واسولف جان طبع حلو بيه

اشتغل فيتر سيارات ومتحمل مسؤلين نفسي واساعد اهلي يعني عايش حياه هادئه ومستقره
الى ان اجت هذاك اليوم

جنت كاعد بالبيت بليل وجاي اتصفح عله برنامج تواصل شفت اكو كروب بنات وشباب مختلط
دخلت عادي وصرنه نحجي طبيعي بس لفتت انتباهي بنيه جانت تحجي بهدوء وثكل بصراحه جذبتني شخصيته رغم ما شفته بس كلبي تعلق بيه ما اعرف ليش بهذيج اليله بقيت افكر بيه هواي غفيت وهيه عله بالي هواي حجيت ويه بنات بعمري ما جذبتني بنيه بهاي الطريقه
صحيت اليوم الثاني واول اشي اجه عله بالي هاي البنيه

هاي شبيك مهند شنو اول مره تحجي وي بنيه
اثكل شوي
صار اكو هواي تناقض بداخلي بين كلبي وعقلي وكالعاده كلبي فاز التحدي
طلعت للشغل وما اعرف شلون خلص يومي بين الشغل والتفكير بلبنيه
رجعت للبيت سبحت وتعشيت اجت فكره بالي
دخلت عله الكروب حاولت اخذ حسابه وفعلن جان حسابه بين اعضاء الكروب دخلت عليه ودزيتله طلب صداقه انتصرت توافق ومرت الساعات واني منتضر جنه نحجي بلكروب عادي بس ما اكدر اكلله وافقي علطلب

مر يومين جنت بلشغل وصلني اشعار تجاهلته وكملت شغلي رجعت للبيت خليت الموبايل علشحن تعشيت وي اهلي وطبيعت بيتنه الكل يجتمع علاكل ممنوع كل واحد وحده

وكلعاده بلشت الوالده نفس الروتين

الام:يمه مهند يمته ناوي تفرحنا بيك

مهند:يوم بعد وكت وتعرفين الزواج مسواليه

الام:يمه ربك يسهل انته بس وافق مرتك موجوده

مهند:يوم الله يخليج سدي الموضوع اكون نفسي واني اكولج اخطبيلي

مصطفى:يوم مهند يحب بنيه وما يكول

الام:صدك يمه مهند ما تكلي

مهند:يوم الله عليج تصدكين بمصطفى لا احب ولا شي

الاب:كافي عوفو براحته هوه يعرف مصلحته وين

مهند:دايمه انشالله اني تعبان اروح انام تصبحون على خير
الكل:وانت بخير

ما اعرف ليش اضوج من سالفه الزواج احس بعد كدامي هواي وقت اريد اكون نفسي بلبدايه

تذكرت لاشعار فتحت الموبايل حسيت بفرحه كلش جبيره لمن شفت موافقه عله الطلب بسرعه دخلت خاص ودزيتله مرحبا
ما تاخرت هواي وردت عليه

مراحب

مهند:عرفتيني

:اي نفسك الي بلكروب صح

مهند:اي صح

:هلا بيك

مهند:اخبارج

:تمام الحمد الله وانته

مهند:بخير دامج بخير

:تسلم

مهند:هاذ اسمج الحقيقي

:الي بلكروب مو اسمي الحقيقي
اسمي ليان

مهند:عاشت الاسامي ليان

ليان:اسمك مهند صح

مهند:اي

ليان:عاشت الاسامي

مهند:عادي نحجي واتساب

ليان:اي عادي

مهند:دزيتله رقمي وبدينه نحجي واتساب بقنه نحجي تقريبا3الفجر عرفتني عليه وتفاجئت انو بيتهم قريب علينه بعد كم فرع بس
مشت الايام واني ارجع للبيت متلهف علمود احجي وياه صرت احجيله عن يومي وعن كلشي يصير وياي وتعرفت عليه اكثر

وبيوم شفته داخله بلكروب شباب وبنات وجان اكو ولد يتقصد يحجي وياه وهيه ترد عله كد السوال هنا حسيت نار بداخلي اول مره بحياتي اغار عله شخص حسيته ملكي شي خاص بيه

طلعت من الكروب واتصلت عليه

ليان:الو

مهند:اطلعي من الكروب

ليان:ليش شبيك مهند

مهند:كتلج اطلعي من الكروب لو ومحمد اسوي شي ما يعجب

ليان:زين اهدء شوي شبي الكروب

مهند:ما تشوفين الولد بس يريد يحجي وياج

ليان:وما شفتني شلون ارد علي

مهند:لا تردين ولا يرد اطلعي من الكروب

ليان:تمام هسه راح اطلع

مهند:سديت منه واني اعصابي انا اعرف اذا هسه تحاجيني راح اسمعه شي ما يعجب اني هيج اذا عصبت اصير احجي كلشي
صارت تراسل بيه وتحاول تخليني اهدء

ليان:مهند تره الموضوع ما يستاهل انته كبرته

مهند:شنو حضرت جنابج ما عاجبج كلامي وعاجبج الولد

ليان:مهند انتبه لكلامك شنو جاي تحجي

مهند:لج بابا افهمي افهمي

ليان:شنو الي افهمه

مهند:لج اغارررر افههمممي

ليان:مهند شنو جاي تحجي شنو تغار

مهند:اي اغار واحبج وما اقبل تحجين ويا احد غيري

ليان:زين اهدء وبعدين نحجي انته ما تعرف شنو جاي تحجي

مهند:لا اعرف ومتاكدين من كلامي
اعرف انتي ما تحبيني بس

ليان:اني ما كلت هيج

مهند:شنو يعني

ليان:اني.........
'"""""""""""""""""""

الكاتبه:رهف البديريه
تشابه اقدار