غريبة البدو

part 1

في مدينة القاهره في بيت صغير بس مليان بالدفئ في اوضه بطلتنا
بنت في سن العشرينات بتصحي علي صوت امها
ناهد:
يلهوي يا مكه اصحي هتتأخري علي الكليه

صحيت مكه مفزوعه وهي بتستوعب
الكليه؟؟!يلهوي يا ماما الدكتور فؤاد هيشعلقني من قفايا الساعه كام بسرعه

ناهد وهي بتبص في ساعه الموبايل
الساعه 8ونص يا مكه

مكه وهي بتجري علي الحمام
هيشعلقنييي هيشعلقني انا عارفه من بدري ناويهالي

دخلت مكه الحمام و اخدت دش علي السريع و وقفت قدام المرايا تسرع شعرها الأسود الجميل

بدأت تبص في مرايتها وتعمل الاسكين كير الصباحي بتاعها المعتاد

مكه كانت زي اي بنت ملامحها عاديه و بشرتها امحاويه بس الي بيميزها عيونها الواسعه الحاده اوي و لونها العسلي الجميل الي ورثتها من ابوها رحمه الله

طلعت مكه من الحمام جريت علي الدولاب لبست دريس ابيض وفي اشكال سحب و لبست خمار لون السما وكانت زي الاميرات

خلصت واخدت الشنطه الي كانت عامله حسابها قبلها انها هتتأخر زي كل يوم و مجهزاها قبلها ومشيت وهي بتفتح الباب وقفتها ناهد

ناهد وهي بتمسك اديها
مش هتاكلي الاول يبنتي

مكه وهي بتقفل سوستت الشنطه
اكل اي بس يا امي الساعه 10 فاضل ساعه علي المحاضره هتأخر مش لازم باي يحبيبتي
_باست امها من راسها ونزلت_

ناهد وهي رافعه أيدها للسما وبتدعلها
ربنا معاكي يا مكه يا بنت بطني

مكه اول ما نزلت من العماره لقت الدكتور في وشها
اي يا مكه هانم انتي كل يوم هتتأخري كده

مكه وهي مش طيقاه
معلش بقي يا دكتور هعمل اي والله بصحي بدري

دكتور فؤاد وهو بيقلب مفاتيح عربيته
ميهمنيش اعذارك اهم حاجه توصلي قبلي لأنك عارفه اني مبدخلش الي بيدخل بعدي

مكه في سرها
منت لو واحد عدل كنت ركبتني معاك وخلصنا بس هعمل اي مع واحد بكرش اتنين متر قدام كده

دكتور فؤاد بعد م دخل عربيته و بيكلمها من الازاز
توصلي قبلي يا مكه غير كده مش هدخلك سلام يا انسه
_قالها و دور عربيته ومشي_

مكه وهي بتبص في ساعه اديها
ينهاري البتاع ده اخرني اكتر منه لله بس

مدت مكه و ركبت مكروباص الي هيوصلها نص المسافه بعدين تركب واحد تاني عشان يوصلها للجماعه