غريبة البدو

part 2

ناهد قالت بكل خوف

اي؟؟؟!!السيوفي بنفسه عايزنا!!

قال عاصم وهو بيتوجه ناحيه الباب
في حاجات كتيره بدأت تتفتح أولها انتم

قالها بعدين خرج و قفل الباب وراه

مكه كل ده مش مستوعبه صعيد اي و جدها مين وعمها اي ده الي اول مره تشوفه كل ده جه في دماغها بعدين بصت لأمها الي كانت في نفس حالتها

ناهد قالت لمكه
احنا لازم نهرب

مكه قالت بصدمه
نهرب فين ومن مين ولا لمين

قالت ناهد بتوتر
اي مكان لازم نهرب من السيوفي باشا ده لو قال حاجه بتحصل في وقتها معني أنه عايزنا يبق فتح الوصيه

مكه وهي بتستوعب الي بيحصل
وصيه؟وصيه اي

ناهد وهي بتبصلها بحنان
مش وقته يا مكه لازم نهرب قبل ما عمك يجي ياخدنا

راحت ناهد تبص للشارع لاقت الي كانت متوقعاه عاصم سايب رجلته تحت البيت عشان لو مكه وامها هربوا

بصت ناهد لمكه وقالت
مكه احنا هنروح الصعيد

ناهد وهي بتفتكر الماضي

انا شوفتهم بعيني بيقتلوا بنتهم عشان هربت مع واحد تخيلي لما السيوفي يبق عايز حاجه و حد يقف
قصاده

مكه بصدمه من الي سمعته
هما للدرجاتي وحوش

ناهد بعد ما خانتها دموعها
واكتر من كده يبنتي انت شوفت ايام ما يعلم بيها إلا ربنا في قصر السيوفي

مكه وهي بتمسح دموع امها
بس انتي قولتي انك عيشتي كام يوم بس في بيتهم مقولتيش انهم عندهم قصر ولا كانوا بيعاملوكي ازاي حكتيلي مجرد حاجات سطحيه ومكنتيش بترضي تحكي اي حاجه

ناهد وهي بتحضن وش مكه بأديها
مكنتش عايزة احكيلك عن قد اي هما كانوا وحشين معايا انا و ابوكي عشان بس انا مش قريبته وهما كانوا بيجوزوا عيالهم لبعض

مكه وهي بتمسك ايد امها
بيعملوكي وحش؟؟

مكه حست بفوران دمها بمجرد م استوعبت لي امها و ابوها مكنوش بيحكوا عن عيله ابوها ولي امها بدأت تعيط مكه فهمت انها لو عاندت في انها متسافرش مش هتستفاد حاجه لاكن لو راحت هناك هتعرف تنتقم لأمها وبدأت في دماغها الفكره دي

الأنتقام!
الأنتقام من عيله ابوها!

مكه قالت وهي بتبص لأمها بحنيه
حاضر يا أمي هنسافر
_قالتها وهي من جواها بتتوعد أنها هتنتقم_