في صباح يوم جديد في غرفه غايه في الجمال كانت اميره تنام بشكل مريب الي أن دخلت عليها امها
فطمه :اميره يا اميره اصحي بقا عشان تفطري
اميره بنوم : خمس دقايق وهصحي
فطمه: مبتصحيش وانا عارفه
بتبوص لقيت اميره نامت تاني
فطمه: بقا كده
وكأي ام مصريه اصيله رفعت الشبشب وبصوت عالي
فطمه: هتقومي ولا
اميره بنوم : خلاص خلاص انا صحيت
فطمه: اغسلي وشك خشي غيري وانزلي عشان تفطري
اومأت اميره ونزلت فطمه
فاقت اميره ودخلت خدت دوش ولبست فستان يصل لحد الركبه حملات لونو اسود ولبست عليه كوتشي ابيض وسابت شعرها وجأت ان تنزل سمعت صوت الفون بتاعها بيرن *********🦋🦋🦋🦋🦋🦋🦋🦋***
في مكان تاني كان سليم صحي وعمل روتينو اليومي ولبس بدله بلون الرومادي ووضع القليل من عطره الساحر ونزل
****************************
مجهول: الو ايه فيه حاجه
المجهول الاخر : اه انا عرفت انو مأجل العمليه لحد ما بنتو تتجوز
مجهول:ايه انت متأكد من الي انت بتقولو
مجهول الاخر: اه وكمان في دكتور جاي كمان اسبوعين من امريكا وده الي هيعمل العمليه
مجهول: تاب خلاص اقفل وانا هشوف هعمل ايه
**********************************
في فيلا محمد
اميره : يا صباح اللوز علي الناس اللوز
فطمه : انا عايزه اعرف البت دي مطربيه علي انهي تكتك
اميره: الله مش بصبح عليكي
محمد: خلاص يا جماعه مش كل يوم خناق
اميره: عشان خطرك انت بس يا محمد
فطمه: محمد في عيناك اسمو بابا
اميره: يعني يرضيكي اقولو يا بابا وهو أمور وحليوه وبصراحه بقا امه انزل معاه البنات بتعض تعاكسو
محمد: يا بكاشه تعالي ياله عشان تفطري
اعدت اميره وبعد وقت خلصت اكل
اميره: ياله يا جماعه انا نازله عيزين حاجه
محمد: رايحه فين
اميره: رايحه الشركه عند سليم عايزاه في حاجه
محمد : ماشي يا حبيبي متتاخريش
قبله اميره محمد من خدو
اميره:مقدرش اتأخر عليك يا قمر
وذهبت
**********🦋🦋🦋🦋*****🦋🦋🦋🦋
صلاح : انا نازل يا جوجو عايزه حاجه
جني : لا يا حبيبي توصل بالسلامه
صلاح: هو انتي رايحه حته النهارده
جني :هروح اعد مع تيته شويه واجي
صلاح: اوصلك
جني : لا عشان متتأخرش وبعدين عقبال ملبس واجهز هيكون عدي سعتين
قبل صلاح جبين جني ومشي
*🦋🦋
(في الشركه )
اميره : لو سمحت مستر سليم جيه
السكرتيره: اه يا فندم اقولو مين
اميره : قوليلو اميره
اومأت السكرتيره وبلغت سليم وسليم قلها تدخلها
سليم :اميره بنفسها هنا هي الدنيا جرا فيها ايه
اميره: بطل غلاسه عشان عيزاك في موضوع مهم
سليم : ايه
اميره: هو ينفع الأول ننزل نعض علي اي كافيه ومش هنتأخر
سليم: تمام ياله
☆☆☆
(في الكافيه )
اميره:سليم
سليم:نعم
اميره: هو انا لو احتجت منك حاجه تعملهالي
سليم: طبعا
اميره: حتي يعني لو الموضوع غريب حبيتين
سليم بشك : فيه ايه يا اميره
اميره بتوتر : انا هتجوز
سليم بصدمه وغضب : تتجوزي
وكمل بصوت عالي :وياترا مين ده بقا حد اعرفو
اميره:اه
سليم بغضب :ويا ترا مين ده بقا
اميره: بص فبل اي حاجه لو انت مش موافق فأنا هحترم قرارك وعلاقتنا ببعض مش هتتأصر تمام
سليم بصوت عالي : مين
اميره بصوت واطي: انت
سليم بنفاذصبر: مش سامع
اميره: تتجوزني يا سليم
سليم وهو مش مستوعب : ايه
اميره:اه تتجوزني
سليم: انتي بتهزري صح
اميره: لا بكلم بجد والله هفهمك
سليم: ايوه فهميني عشان مش فاهم حاجه
اميره: بابا يا سليم لازم يعمل عمليه وهو مش معرف حاد انو تعبان ورافض يعمل العمليه الي بعد ما اتجوز بيقول عشان يبقا مطمن عليا قبل ميخوش العمليه
سليم بشك:وانتي عرفتي منين
اميره: من اسبوع شكيت انو فيه حاجه فبعت واحد يراقبو عشان اعرف
سليم: طاب فرضا اني وافقت بعد كده ايه الي هيحصل
اميره: هنتجوز وبعد ما بابا يخف نطلق علي طول ده طبعا لو انت وافقت
سليم:واين موافقتش
اميره:مفيش حاجه هتحصل خالص وهنفضل ذي ما احنا صحاب بس هشوف حد تاني اتجوزو
سليم بغضب: هو انتي عايزه تتجوزي اي حد وخلاص
اميره بدموع:اعمل ايه يا سليم اسيب بابا يموت
سليم: طب خلاص متعيطيش وانا هجبلك الايس كريم الفانيليا الي بتحبيه
اميره :لا انا عايزه تشيز كيك
سليم: حاجه تانيه يا فندم ولا نقفل الاوردر علي كده
اميره بمزاح:يريت تجبلي اي حاجه اشربها مع التشيز كيك
ناد سليم علي الويتر وقالو علي الطلبات الي عايزها اميره وطلب لنفسو قهوه
اميره: سليم
انتبه لها سليم وقال:نعم
اميره:هتعمل ايه هتوافق ولا
تنهد سليم وقال : اديني وقت لحد بليل وانا هقولك
اميره:تمام
*********************************
في فيلا العيله السيوفي
جني و هي بترن جرس الباب: يالي جواه انا جيت يا بشر
معاذ وهو بيفتح الباب: صباح الدوشه
جني :بس يا بابا وبعدين انت مش وراك شغل ممشتش ليه
معاذ: تعبان
جني وهي بتحط اديها علي دماغه :تعبان مالك طاب ايه الي وجعاك
معاذ بأندهاش :خايفه عليا
جني بصدق: طبعا
معاذ بخبث:ليه
جني بغباء :ايه الي ليه
معاذ: خايفه عليا ليه
جني:عشان انت ابن عمي الي مطربي معايا ولا انت الزوق مينفعش معاك اوعا من وشي
وذقتو ودخلت
معاذ من وراها :اهربي اهربي
جني: ولا انا مش فيقالك كوثر فين
وفضلت تنادي يا كوثر يا كوثر
كوثر من وراها : كوثر في عيناك انا نفسي حد فيكو يقولي يا تيته
جني : بذمتك فيه تيته قمر كده
معاذ: قوللها
كوثر: بس يا لا منك ليها
ودخلو قعدو كلهم في الريسبشين وبعد وقت قالت
جني بملل :جماعه انا زهقانا اوي
معاذ:وانا بقولك ايه متيجي نخرج
جني: اشطا ياله
معاذ:هروح البس واجي
جني :ماشي خلص بسرعه وايلا هسيبك وامشي
معاذ : كمان طاب وحضرتك ناويه تاخديني معاكي ولا هتسبيني في العربيه
جني بتفكير:تصدق لسه مقررتش
معاذ :انا رايح البس احسن منجلط
وذهب
**************************🦋🦋🦋
(في المول )
معاذ: بقولك ايه انا هروح اعمل مكالمه وهرجع خليكي هنا
جني :متتاخرش
اومأ معاذ وذهب
شاب :مش معقول جني
جني: علي ازيك عامل ايه
علي: حمدلله انتي عامله ايه
جني: انا تمام بس انت اتغيرت خالص عن مكنت في الجمعه
علي :للاوحش ولا الاحلا
جني:للاحلا طبعا اتجوزت
علي:اه وخلفت كمان
جني:بتهزر مين
علي:مش هتصدقي
جني: ندي الي كانت معانا في الجمعه صح
علي :صح انتي عرفتي منين
جني: اصل كان باين عليكو بتحبو بعض خالص
علي :وانتي اتجوزتي
كادت جني تجاوب لقيت معاذ بيرد
معاذ:لا مخطوبه
علي :بجد ده مين ده الي قدر يحرك الحجر
جني وهي تنظر لمعاذ : النصيب بقا
علي :تمام انا لازم امشي دلوقتي بس اكيد هنتقابل تاني
جني:تمام ياله باي
علي:باي
ومشي علي
جني:انت ازاي تقول اني مخطوبه
معاذ:ولله ده الي فارق معاكي وبعدين وقفه بتتكلمي وبتدحكي مع واحد غريب كده ازاي
جني:اولا ده مش غريب ده علي
معاذ بسخريه :لا والله مكنتش اعرف انو علي
جني:اديك عرفت ولوسمحت عشان منتخنقش مع بعض خليك في حالك
معاذ بغيره :يعني امه اشوفك بتتكلمي مع حد غريب اعمل ايه وبيسألك متجوزه لا لا وهو مالو
جني:معاذ علي فكره هو متجوز ومخلف
معاذ:علي فكره انا مسألتش
جني:بس عايز تسأل بقولك ايه احنا هنقعد نتخانق ونسيب الخروجه
معاذ:ياله طيب
ومشيو يكملو خروج
*******************************
انتها النهارده وحل الليل بلحداث المشوقه
في غرفه سليم
كان اخد قرارو وقرر يروح لاميره لبس تي شيرت ابيض وبنطلون جينس كحلي وكوتشي ابيض ونزل
**********************************
كانت تجلس في غرفتها تقراء احد الرويات الي أن قاطعها صوت الفون بتاعها
اميره:خير ياسليم
سليم:انا تحت انزلي عايز اقولك علي حاجه
اميره:حاضر سلام
ونزلت
سليم:ايه الي انتي لبساه ده
اميره:ايه هوت شورت وتيشرت
سليم: هو انا بسألك همة ايه منا شايف اصدي نزله بيهم ازاي
اميره:عادي يا سليم الجو حر قول بقا انت عايزني في ايه
سليم:انا موافق انو احنا نتجوز
حضنت اميره سليم بسعاده
تفاجأ سليم ولكن فاق وبادلها الحضن
خرجت اميره من حضنو وهي بتقول:انا مش عارفه اشكرك ازاي
سليم: هتشكوريني علي ايه ده عمي الي مربيني وذي بابا
اميره:تمام هنعمل ايه بقا
سليم: انا هتصرف بس هو الدكتور هيجي امتا
اميره:كمان اسبوعين ليه
سليم:عشان اسبوع وهنكون متجوزين
اميره:ايه
*********
وباس كده ان شاءالله القصه تعجبكم واكتبولي رأيكو
🦋****************
🦋*********
🦋******
🦋****
🦋***
🦋بقلم اميره سامح 🦋
************
