السلام عليكم اعذروني أمس صار ضرف ونسيت انزل الكم بارت بس راح اعوضكم بهاذا البارت صح هو بارت واحد بس راح احاول اخلي طويل ويلا نبدي وهاا كلولي عجبتكم القصة او لا
............................
خلي اعرفكم على الضباط الي ساعدو نار
الضابط الأول:السلام عليكم أنا مهند عمري 22ضابط برتبة ملازم أول أنا طبعي شقاوجي وبوكت الجد عصبي بس متفهم
الضابط الثاني:السلام عليكم انا حسام
عمري 22 ظابط برتبة ملازم أول طبعي مثل طبع مهندخلي احجيكلم سالفة البنية الي شفناها بالمطعم من خلصنه شغل
حسام :لك مهند جواعان مشينه نروح نتغدة بمطعم
مهند: ابو بطن يلا امشينه أنا اعرفلي قد مطعم اكلهم يخبل
حسام:يلا نروح ونشوف ذوقك
مهند: تيلا امشي لك
بعد 15دقيقة وصلنه للمطعم دخلنه شويه واجت بنية سلمة وكالت شطلبون ضلينه صافنين واحد بوجه الثاني رجعة كالت بملل شطلبون كناله قوزي دجاج ولبن راحت عشر دقايق وجابت الطلب خلصنه اكل وطلبنه جاي وضلينه كاعدين شوية وطلعنه من طلعنه شفنه البنية مرت من يم شباب شوية وكفت ما نشوفلك اله البنية نازله عليهم دك بوكسات ضلينه صافنين يعني البنية مبين عليه صغيرة وكدرت تكتلهم رحنه كضينه واحد من جهة اليمين واحد من جهة اليسار كوة كضيناها وهذول من شافونه لابسين ملابس شرطة شردو يلا حجينه هوايه نروح للبطلة
نار : كعدت الصبح سبحت وبدلت وتريكة وطلعت لشغل بدلت ولبسة لبس الشغل
وبديه اشتغل لظهر تقريباً ب12:00 اجو الضباط هم رحت اشوف طلبهم ودزيت الطلب طبعاً بديت دوام وتعرفة على صديقة اسمه رنا بعدين تتعرفون عليه هم شاردة من اهله ما يخلونه تكمل دراسة فشردت كتله تعاي ضلي وياي بلشقة ونشتغل سوا صرنة الروح بروح وعرفة حلمه مثل حلمي
بعد فترة تقريباً اشهر اليوم آخر امتحان من امتحانات نهاية السنة. وقربة اوصل لحلمي
كعدت الصبح الساعة 4:00كعدت رنا وياي علمود نراجع للامتحان صارت ب6:00 كمنه سبحنه وبدلنه وتريكنه ورحنه للمدرسة نمتحن خلصنه امتحان والحمدالله مجاوبين
طلعنه للبيت وكبل نمنه من التعب الي شفنا بهاي الايام نروح على بيت البطلة ما دام هية نايمه
سيف : بعد سنتين بدو اهلي يتعايشون ويه الوضوع ويستسلمون للامر الواقع ويصدكون انو نار ماتت بس أنا على تواصل ويه نار وما صار شي بعد البيت ما بي مشاكل
نار: كعدنه ثاني يوم قررنه نطلع ف كعدنه لبسنه تراكات وبدينه نرتب الشقة من فوك لجوا خليناها تلمع خلصنه رحنه سبحنه وركبنه غدة صارت الصلاة وصلينه وتغدينه
رحنه كل وحدة على تلفونه للعصر علمود نطلع صارت الساعة 3:00 كمنه بدلنه وطلعنه رحنه للمول ورحنه تعشينه واكلنه ايس كريم
ورحنه على مدينة الألعاب لعبنه وتونسنه
رجعنه الساعة 11:00 كبل نمنه
بعد مرور اسبوعين اليوم النتائج والوضع كلشش متوتر منا لمن طلعت النتائج رنا معدله 98وانا 100 فرحنه كلشش رائسن دكيت على سيف رفضني دكيت مرة ثاني هم رفض المرة الثالثة رد
سيف: اهلن حبيبي شلونك شخبارك شنو هل غيبة
نار: شبي هذا بعدين استوعبت اهلي يمه
فكتله نتيجتي طلعت
سيف : دقيقة حبيبي ولج صدك شنو معدلج جنت كاعد يم اهلي وكالولي ما ترد منا لمن كتلهم هذا صديقي أي كليلي شنو معدلج
نار: هاا لك معدلي 100
سيف: صدك ألف الف ألف مبروك حبيبتي ان شاء الله راح احاول. اجي عليج
نار:الله يبارك بيك حبيبي إذا ما تكدر تجي براحتك واذا تجي اهلا وسهلا
سيف :لا شلون راح اجي واجيبلج مفاجئة
نار: شنو هية
سيف : شلون تصير مفاجئة إذا اكلج عليه
نار: يلا تمام تمام اكلتني بكشوري يلا باي حبيبي
سيف:بايات
نار : هيجي 3ايام واجه عليه سيف وعلي أول شي انصدمة من شفته. بعدين سيف كلي كتله على كلشي أجه عليه علي شبكاني وضل يبجي سكته وكعدنه وسيف جابلي سيارة وعرفتهم على رنا بعد شهرين بداءة التقديمات تبدي وانا ورنا قررنه ندخل كليه عسكرية بعدين كلية طب وهي كالت اصلن أنا حبيت هاي الشغلة ورحنه قدمنه وتعرفنه على اصدقاء الي هما فهد وصكر واسد (حديقة حيوانات😂😂) ودجلة وانا ورنا صرنه شلة وحدة وخلصنه الكلية العسكرية وتخرجنه وصرنه نشتغل وانا ورنا دخلنه كليه طب والشباب كالو راح تدخل سوا على الواهس وصرنة بلشغل والكلية شلة وحدة ضحكتنه سوا وحزنه سواا وبعد 6سنوات صرت دكتورة وضابطة وفتحت 3شركات والشباب يساعدوني بالشغل وقررت ارجع لاهلي والشباب كالو نجي وياج ورحت للبيت من وصلنه شفت ناس ملتمة
طبعاً نزلنه سوا وتغيرت ملامح وجهي من شقاوجية الى عصبية ما احب اظهر هاي الصفة كدام احد بس كدام اصدقاءي نزلنه وسحبنه اسلحتنه ورمينه سوا وطبعاً أنا كدامهم وهنا وراي مشينه والكل مصدوم بس علي وسيف اجو شبكوني وسلمو على الشباب
طبعاً يعرفون بعض أنا عرفتهم هذا كله والناس مصدومة وتتباوع علينه رحت عليهم كتلهم
نار:شكو جاين هدادة على البيت ماعدكم ضوق ولااخلاق ما تحترمون البيت بي حرمة
واحد منهم: احنه ما نحجي ويه حرمة
نار:حرمة بالف رجال غصبن عليك واذا ما عاجبك طك راسك بلحايط راد يضربني بس لزم ايده فهد وكله
فهد:احترم نفسك لك اتريد تضرب اختنه كدامنه
واحد منهم : اختك ما تحترم وما مرباية
نار: حسيت وجهي اشتعل نار وحسيت عيوني صارت بكصتي ونزلة علي دك بوكسات اجاني سيف وفهد كضوني كوة سكتوني و اتصل على. دورية وخليتهم يسجنوة
وذوله كتلهم لفوه وجهكم وارجعو لبيتكم يلا الله وياكم صدك راحو والاهل دخلو للبيت دخلنه وراهم اجه ابوي راد يضربني بس أسد كض ايده كتله أسد أنا عدي الحساب ويه الأهلي ونروح مالكم شغل طبعاً حجيت بهمس وانا اتباوع عليهم كتلهم الله بلخير ما ردو بس اخواني وامي كتلهم أنا ما متت ورحت احقق حلمي وما سويت شي غلط وهسه محسوبتكم ضابطة برتبه نقيب (طبعاً لانه دخلنه مهمات هواي وصعبه ترقينه بسرعة )ضلو ضايجن كتلهم يلا شباب امشونه خلصنه شغلنه وصلت للباب وكفني صوت جدي وهو يكول نار أنا مسامحج واريدج ترجعين للبيت
............................
خاص البارت سامحوني بعد ما اكدر اكتب اكثر تعبت وراحت الافكار مني ان شاء الله باجر اكتب بارت ثاني واكو قصة كلشش حلوة اسمه (ابو رعب) ويلا بيباي
