شوق ــــــ گمت اتبرغث بالگاع بعدها گمت ابجي انهرت بالبجي وصرت ابجي بصوت عالي وكلما اعلي صوتي اكثر طگت روحي طگيت مليت تعبت بعد مالي طاقة تحمل دفرني برجله على صدري انقبطت بعد ماگدر اصيح صار يضربني ضرب الحمير اله سيل دمي تا عافني من گد الدوخه غفيت گعدت لگيت راسي ملفوف ضليت بالفراش ليما نمت گعدت لگيتها ليل ودرع نايم يمي خفت منه حيل مر شهر ثاني ورجعت زوجته هوا التحق مر عذابي نفس ماهوه و درع بدوامه ومرته تعاقب بيه وامه ماتگدر على شي ونسوان اخو لعبن بيه طوبه يتكاونن وينكتلن ويجن يذبن قهرهن بيه صرت اخاف من كل البالبيت خالتي مگدر اشوفها ولا اگدر استگوي بحد صرت اخاف من الكل اخدم الكل اتمنى لو اعرف شيريدون مني قبل لا يگولون وبيوم اجه اخو هيام فوتته للبيت حنين و زهره راحن لغرفهن واني هم بقيت بالمكتب لان ازلمه غريب اجت عليه شايشه (معصبه بس ديربالكم اتگولونها لابوكم لو امكم لو لشخص لازم تحترمو لان راح تنعلسون من صدگ) ضربتني راشدي وخلتني انزل اسوي جاي سويت جاي ورحت قدمتله قدمتله مد ايده على دشداشتي يريد يطلع صدري اني خفت وكبيت عليه الجاي احترگن رجلي وبطنه يستاهل ركضت للمكتب وقفلته عليه اجت هيام متعصبه بس من راحت رحت اخذت الموبايل مالت خاله وخابرت درع
درع ــــــ هلا بالغاليه هلا بالتسأل على درعها
شوق ــــــ هئ درع
درع ــــــ هاي انتي
شوق ــــــ الله يخليك تعال والله خايفه هئ
درع ــــــ وسم شكو شبيج شصاير شصاير وياج
شوق ــــــ هئ هئ اخو مرتك هئ اجه و و. و سويت جاي وقدمتله هئ وجان جان هئيييييئ مد ايده على دشداشتي يريد يشوف صدري هئ
درع ــــــ وشسسسسوووووههههههههه
شوق ــــــ هئ ماسوه شي وماشافني كبيت عليه الجاي هئ هئ وهسه هسه هئيييييئ مرتك معصبه هئ بگت الموبايل واجيت خابرتك الله عليك تعال انقذني مرتك متحلفتلي الله يخليك تعال
درع ــــــ فكرج من اجي ماكتلج ولج كلبه
شوق ــــــ هئ هئ هئييييئ هئييييييييييييئ هئييييييييييييييييييييئ هئ هئ
درع ــــــ لتنزلين مفهوم ولتطلعين هسه اخابر ازور يجي ياخذج ماشي
شوق ــــــ حاضره،،،، انتضرت اشويه واجه ازور طلعت وياه ورا اسبوع رجع الدم بوجهي ورجعت الحياة الي بس الخوف ماراح التوتر الاحباط دامني بحياتي درع ماراح اتخلص من هالخوف من هالعذاب ورا هالاسبوع نزل اجه اخذني وجنت خانسه خايفه من الجاي اخذني لبيتهم وصار يضربني گدام الكل شايل سوط ويضربني بيه من دون رحمه اجت ضربه على عيني صرخت بقوه وگمت اللطخ براسي من الوجع واضرب الگاع بديه حسيت عليه يشيلني خلاني بحضنه ضليت شايغه روحي واصيح وهوا حاطني بحضنه ويحاول يخليني افتح عيني بالتالي تعبت وهدئت بحضنه اخذني للغرفه وصار يمسح على شعري ليما نمت گعدت عيني توجعني بديت ابجي فتحت عين وحده ادحگلي يدحگلي غمضتها وبقيت ابجي
درع ــــــ شو افتحي عينج الاخرى يولي
شوق ــــــ ما توجعنيى هئييييئ
درع ــــــ افتحيها لا اعميلج الثانيه
شوق ــــــ فتحها
درع ــــــ رايح اجيبلج قطرات
شوق ــــــ غمضت ونمت گعدت لگيته يحاول يحطلي بيهن قطر
درع ــــــ شو يايابه افتحيهن تاقطرهن
شوق ــــــ يوجعني والله مگدر افتحهن
درع ــــــ شو
شوق ــــــ فتحهن وقطرهن ودهنلي جفن عيني هوا الوجع كله من الجفن اكثر شي شميت عطره موطيب لعبت نفسي لدرجه قبل لا انام جانت ريحته حيل طيبه ماعرف ليش يصير بيه اهيج ريحة تلعب النفس،،،،،، درع هئ لعبانه نفسي
درع ــــــ اي
شوق ــــــ شالني واحسه نزل بيه كلما اشم ريحته تلعب نفسي اكثر نزلني عالگاع بقيت نص ساعه عاللعبان النفس تا ذبيت من راسي (اكرمكم الله) شالني للمكتب نومني ونام بصفي حضني مر اسبوع ووضعي امخربط اخذني للدكتوره وعرفت حامل اتعجبت بيه اتگول اصغر حامل مرت عليه رجعت للبيت وياه واني ابجي لان حامل شلون اربيه اني اريد. احد يربيني مرته عرفت اني حامل لو قامت القيامه صارت تصيح عليه و تتجاوز عفاريم بس يستاهل هالازرگ تكاونو اني خفت هيه اتهدد عليه واتگله
هيام ــــــ والله لنزللهيا ولا تفرح بولد من غيري لو اطب لغرفتك جان هسه ابنك بطولك
درع ــــــ مو بالاول الگه كرامه اليه تا اجي لغرفتج هالداعشيه هاي لگيتها اشرف منج
شوق ــــــ مافهمت عليه بس خايفه على نفسي من مرته مر اسبوع ورجع التحق ورا هالاسبوع اخذتني للمطبخ اريد ماريد دفعتني عالگاع ونومتني على ضهري شدت رجلي بالكاونتر واديه بالحدايد مالت الشباك شالت دبة غاز وخلتها على بطني صرت انزف عافتني واني على هالحاله ودبة الغاز موتتني على بطني مدري شلون رجع درع شافني على هالحاله تخبل فتح اديه ورجليه وشالني ركض بيه للمستشفى جان خايف عليه حيل بس مافرحت بهالشي لان جنت خايفه من الموت جنت اريد اعيش اريد اساعد نفسي بس عاجزه استسلمن عيوني للضلام وعقلي اختفه ليما رجع عقلي اشتغل واعيوني انفتحن دحگت للمغذي وبطل دم و اني دايخه ولعبانه نفسي
درع ــــــ البقيه بحياتج
شوق ــــــ مارديت ماهتميت للطفل المات اهتميت بأنهو بعدني على قيد الحياة ثاني يوم خرجوني اخذني لغرفة امه الكل جان متأسف عالطفل بس اني ماهامني احس ببرود الهمني انهو بعدني بالحياة اني طفله ويني ووين احساس بالمسؤوليه الهمني نفسي بعدني على ربه الدلال والطفوله بعدني على رباية امي الي تعاملني طفله عمري سنتين بعدني على خوفها ودلالها و حضنها الدافي واحتوائها مامتعوده على هيج حياة
درع ــــــ شوگ
شوق ــــــ نعم
درع ــــــ منو سوا هيج بيج
شوق ــــــ دحگتله برعب
درع ــــــ لتخافين منو سوا بديج هيج و منو وگع عليج قنينة الغاز
شوق ــــــ هئ ماصدگني
درع ــــــ اصدگج ليش ماصدگج احجي
شوق ــــــ هئ هيام
درع ــــــ هيموه
شوق ــــــ اي
درع ــــــ اي
شوق ــــــ باس گصتي وخدودي لزم اخدودي
درع ــــــ اخذلج بحقج منها لتخافين
شوق ــــــ راح وشويه وبديت اسمع اصياحها الضاهر انكتلت ورا شويه جابها لغرفتي متت من البجي سحلها من شعرها برا رجع للغرفه بعد مادزها لاهلها
درع ــــــ شوگ يوجعج شي
شوق ــــــ لا
درع ــــــ حزنانه على ابنج
شوق ــــــ لا
درع ــــــ فكرتج حزنانه عليه
شوق ــــــ ماشايفته اني عليش احزن المهم اني عشت
درع ــــــ الله يعينج
شوق ــــــ راد يخلي ايده على وجهي فكرته يريد يضربني غطيت وجهي بسرعه
درع ــــــ لا ماضربج
شوق ــــــ خلى اديه على وجهي حسيته حنين غمضت عيوني صار يمسح على شعري
درع ــــــ شلون سوت بيج هيج
شوق ــــــ هوا خلتني انام على ضهري وشدت رجليه واديه جابت دبة الغاز على بطني ضغطتها حيل ومات الطفل
درع ــــــ وانتي ماحزنتي عالطفل الكات
شوق ــــــ تؤ
أنت تقرأ
حياة مستبعده
Romanceقصة قصيره حياة مستبعده أي حياة لم نتوقعها حياة لم نرد بيوم ان نعيشها لنرى القصه ونذق معها اسوء ايامها و اشقاها لنرى هل لصبرها نتيجه ايجابيه.
