.................................
علي :- جؤ شلون هيج ميصير تبقين بدون اكل كومي كومي يلا اشوف
ايفين بصوت مبحوح :- ماغيد ما شتهي
علي بتمسكن :- لخاطري اني جوعان و ما ماكل متانيج
ايفين :- اكل انت اني ما اشتهي والله اغيد انام
علي :- لعد اني هم ما اكل يلا
وكتف ايديه مثل الاطفال
ايفين بابتسامه حزينه :- جؤ يلا تعال اكل بس شويه لا تجبغني
علي بابتسامه :- المهم تاكلين ماكو شويه
ايفين :- اكلت لكمتين ورجعت لوره
خليت راسي على جربايه وجسمي بالكاع اجاني علي كعد بصفي وضلينه ساكتين فتره وكتله
بهدوء : علي
علي دار راسه الي :- روحه لعلي عيونه لعلي
ايفين بهدوء :- سولفلي عنك عن ماضيك شو اني كلشي ما اعغف
علي :- اخاف احجيلج وتكرهيني
ايفين :- هوه ماضي ماله علاقه بي الي علاقه بالحاضغ الي هسه احنه بي احجي ولتخاف
علي وهوه ينزل ويخلي راسه بحضنه :- لعبي بشعري خلي اسولفلج
ايفين وهيه تخلي ايده على شعره :- هممم سولف
علي بتنهيده :- اني علي يتيم الاب والام تيتمت بعمر 10 او 11 سنه بوكته عمامي اخذوني صرت كل شهر او سبوع عد واحد غير التعذيب الي تعذبت بي بس الحمدلله هل شي مطول غير سنه و دخلوني ميتم لان يكرهوني بوكته تعرفت على داغر الي هسه هوه روحي من صدك صداقته نعمه كبرت وقررت اشرد بس اكمل دراسه ضلينه نشتغل وندرس ماكو شغله ما شتغلمه شنو يجي بالج شتغلنا بس بعمرنه ما مدينه ايدينه جنه نام جوعانين بس ما نمد ايدينه لواحد و هسه كبرنه وصرنه ضباط معروفين و اخذت ورثي من عمامي
كمل علي وحس اكو قطرات توكع عليه باوع لكه ايفين تبجي كام بسرعه وكال اله
: هاي ليش البجي ها لو ادري مكتلج والله
ايفين بجي وهيه تحضنه :- ليش علي ليش دكول اكغهك ها ليش انتَ بطل تخطيت كل هذه وحدك
علي وهوه يحضنه اكثر :- عبالي لان يتيم متتقبليني
ايفين وهيه ضربه على راسه :- هذه ما يشتغل
بغصه : حته اني تيتمت يعني مو بس انتً
علي وهوه يمسد على راسه :- جؤ مو يتيمه اني يمج اني ابوج وامج واخوج وكلشي
أنت تقرأ
مَنقذِي مَن جَحِيم نَفسِي ...
Randomقصه تتراوح بين حب ظابط لطالبه مريضه قلب صح غريبه بس تخبل 😩🤍.
