اتبه: مريم
سنوات متعبه 8.8
لا تنسون تصويت
وتعليق بين فقارات
احبكم وايددد وايدد
ــــــــــــــــــــــــ
ملكوت:- رجعنه البيت ومحمد بعد يومين عن التحاقه احسَ مو ع بعضه اصفن هواي وما يكعد بحده ابد ماروح الغرفه اذا مااشوف امه وابوه نايمين محمد شبيك حبيبي
محمد:- ولا شي حياتي نامي شكلج نعسانه شويا وارجع عندي شغله
-وين رايح ساعه ١٢ بليل محمد لا تخبلني شعندك هاي ليام صاير شي
اجا حضني احسَ كسر ضلوعي وشمني حيل احسَ ريد اعبي ريته
-شويا وارجع بس اوصل لمانه صديقي ورجع لن باجر التحق
-محمد انتَ تحبني مو
اخذ نفس وزفره وجاوب
-انتِ روحي نفس لي اتنفسى تعالي سدي الباب وراي
طلع وسديت الباب وراه بقيت بلحوش كاعده شبيه صاير ربي احفظ الي محمد من كل شر ربي ماعندي غيره شويا وندك الباب
صحت منو
اجاني صوته انه
دخل عيونه حمر دم
صاير شبيك حبيبي
ذب نفسه بحضني وصار يبجي بصوت عالي
صرت ابجي وياه وامسح دموعه احجيلي لا تضم بگلبك صار اشهگ وجهَ انطعن احمر
محمد:- مات ولج مات وعافنيي مات اخوي ملكوت مات وعافني رحت امنه عليكم طلع ملتحق من امس واليوم اشستهد راح وعافني كل مره روح سوه هلـ مره راح بحده وعافني شوداه مو گال هلـ مره ماروح ابوي مريض شلون راح
صار اضرب ع صدره بقهر
طلع عمي وعمتي شافوه يبجي حسباالهم واحد من خوانه بيه شي عمتي بسرعه تخربطت رحت جبت ماي وكعدتها
ام محمد:- ولك شبيك يمه منو مات من خوانك
محمد:- راح ضلعي يمه راح حمود وعافني
عمتي لطمت ع صدرها يا سوده عليه يمه حمود شلون مات يمه
عمه استشهد
ام محمد:- يمه لا تفجعني بيك حميد بعد لا تروح
هيا كالت هيج وكول ذبت ع جرحه ملح تخبل شلون ماروح وانه اريد استشهد ويا حمود باجر اشيع صاحبي ولتحق
كومت عمتي وعمي دخلو جوه وهوه طلعته ملابس اسبح وابدل بدل ع سريع وراح ظهره محني هلگد احبه الله يرحمه صح ماشايفته بس مبين حيل عزيز عليه بوكتها مانمت وعمتي بس طلع ضوه لبست عبايتها وراحت هيا وعمي
رحت الغرفه بس حطيت راسي ع مخده نمت من تعب كعدت ويا اذان الظهر بعدهم ماجاين سويتلي الفه جبن جاي اكل وندگ الباب رحت فتحته محمد حضنته حيل البقيه بحياتك گلبي كلنه ع هاذه طريق
باسني ع راسي وراح الغرفه رحت وراه
احضرلك الحمام
هز راسه وراح ازهب جنطه التحاقه
أنت تقرأ
تـــــــــعب سنـــــيـــــــن 8.8
Mystery / Thrillerطلعت وره مدرسه لي كان اكو كرفان دخلت بيه واني ارجف -تأخرتي انتضرت هواي بدون سابق انذار صار تفنن بتعذيبي صار عذب بيه وكل شي سويه اصوره ويضحك جاب شيش وحطه على نار من شفته كلبي صار يخفق بقوه حسيته ريد طلع من ضلوعي من خوف صار يضحك بقوه هوه شوفني خا...
