سأكتب اسمها بدمي

الحلقه 6

سأكتب اسمها بدمي
بقلم عزه محمد
الحلقه 6
بسمله: يلهوي بس ازاي دول مبيشتغلوش غير في الاطفال وشباب بنات مش سكتهم الا حد قرب من طريقهم انتي عملتي اي عزه عشان يخطفوكي يارب اعمل اي دلوقتي اقول للبنات ولا اروح انا من نفسي ولا ابلغ القسم يقبض عليهم لا يقبض عليهم لا مازن ومروان وشادي ملهمش ذنب دول مااختروش يكونو كده يارب ساعدني انا مش عارفه اعمل اي يارب من جهه عزه ومن جهه الشباب مساكين دول اعمل اي وانا اعمل اي عقلي واقف عن تفكير
نسيبها شويه
***********************
#عزه
طول طريق عماله افكر في شاب ده وليه خلاني اهرب وليه حكالي قصته من الاساس ويعرف بسمله ازاي هي بسمله قريبته ولا كان صديقته في طفوله ولا اي انا لازم اسال بسمله لما ارجع. ومين ست دي وليه بيحترمها دي قتاله قتله واي اللي هيحصله لو عرفوا انه هربني يارب انا مالي مايحصله الي يحصله انا كنت قريبته ولا حبيبته اوعي يكون ي عزه تكوني حبتيه لا احب مين هو بس صعبان عليا ايوه صعبان عليا لا انا مش هفضل كده كتير مش هفضل في الصراع ده لازم اعرف كل حاجه يارب خلاص انا هستجمع شجاعتي واسال ست دي في وسط تفكيري طويل
حارسه: الي هيحصله انه هيتقتل
عزه: اي مين قالك اني عاوزه اعرف اي اللي هيحصله انا مالي
حارسه: ههههه ي بنتي انتي بتفكري بصوت عالي وانا سامعه كلامك من البدايه
عزه: يلهوي انا بفكر بصوت عالي للدرجه دي طب حيث انك سمعتي كل حاجه ماتجاوبي ع اسئلتي
حارسه: يهمك في اي اني اجاوب عليها
عزه: يهمني اوي انا لو معرفتش اجابه اسئلتي دي هتجنن مش هعرف انام
حارسه: اسمعي ي بنتي محدش فينا اختار انه يبقي كده كل ده فرضه قدر علينا وع مازن بالذات
عزه: هو اسمه مازن
حارسه: ايوا وليه اخ اسمه شادي وده لو شمت بس مازن هربك هتحصل مصيبه
عزه: ليه مش مازن هو زعيم بردو
حارسه: ايوا الزعيم بس في قوانين مازن اللي حطه ومنها اللي يخون العشره يتعدم حتي لو كان الزعيم
عزه: يلهوي
حارسه: اسمعي وبطلي غلبويه بقي انا مش هستحملك زي مازن هقول كلمه مره واحده معرفش اول مره يصبر ع حد
عزه: حاضر هسكت اهو
حارسه: كل اللي انتي عاوزه تعرفيه هحكيه ليكي والد مازن اخد قرض من راجل وعدي معاد سداد القرض ومعرفش والده يسده الراجل ده كان اكبر رئيس عصابه في حي بتاعنا حكم ع والد مازن بالاعدام والده مازن اترجته كتير انه ميقتلوش وكان تمن كدا انه ياخد اغلي حاجه عندهم كان عاوز مازن مازن وقتها مكنش صغير كان في تانيه ثانوي واحد قذر وشاذ بيعمل في بنات او ولد بيعمل كل حاجه والده مازن رفضت والده كان سامع حوار صرخ وطلب انه يتعدم ع ان ابنه ميحصلش فيه حاجه وكل ده بيحصل قدام مازن وشادي والدهم اتعدم قدامهم وامهم وعدت الزعيم انها هتقتله والزمن يشهد ع كلامها وفعلا نفذت وعدها قتلت الزعيم قتلته عن طريق انها كونت عصابه من بلطجيه واطفال هي دربتهم ودربت مازن وشادي كمان عشان يقدروا يحموا نفسهم مكنتش عاوزاهم يبقو  بتوع عصابات والدتهم ماتت بعد مااخدت بتارها 6شهور العصابه كانت عاوزه زعيم جديد  انا كنت واصي ع الشباب وليا شاب اسمه مروان اظن انت شوفتيه انا اللي اقترحت ان مازن ياخد عرش بعد والدته ويبقي الزعيم كونه الكبير والكل وافق ومن يومها ومازن هو زعيم مازن ضعيف وحساس مش قتال قتله زي ما انت فاكر بين الاخين الوقتي حرب كبيره شادي بيكره مازن من ساعه موت والدهه شايف ان مازن هو السبب في موت والدهم شايف ان لو مازن كان. راح للزعيم  ولب رغبته كان زمان ابوهم عايش لحد دلوقتي شادي مستني الفرصه اللي ينتقم فيه من مازن وياخد العرش منه وفي مجموعه في عصابه مازن عارفهم كويس بيساعدو شادي  وعاوزينه الزعيم زهقوا من ان مازن بينفذ العقوبه بدم بارد ميعرفوش ان شادي العن وهيقتلهم اول ما يمسك الحكم شادي ملهوش امان ودي اللي فعلا ينفع يبقي رئيس عصابه انا اللي ربيتهم بعد وفاه والدتهم انا اكتر واحده تعرفهم اما بسمله فده كانت جارتهم زمان كانت صديقه مقربه حتي سافرت قبل كل ده يحصل بس علطول بتكلمهم وعارفه قصه كويس حاولت كذا مره تمنعهم بس معرفتش كل مره مازن يبعدها  عن عصابه بسمله اللي مانعها انها تبلغ عن العصابه ان عارفه شباب مااختروش يبقو كده وعشان خاطر مامتهم ومامتها عامله حساب جيران وعشره لولا كده كانت زمانها راحت وبلغت عنهم زمان واتقبض علي كل شباب في عصابه العصابه شغلها في الاطفال ملهاش دعوه بالبنات كبيره اذا كان دخلو نفسهم عشان كده بسمله معندهاش فكره انك هتكوني عندنا من يومين اتصلت بينا وكانت خايفه علي اهلها وحذرت مازن وقالته هتحبسه لو حد من اهلها جراره حاجه او لاي حد يعرفها اجابات اسئلتك اهي
عزه: مازن ده مسكين اوي
حارسه: مش وقت مسكنه احنا وصلنا خلاص انزل يلا بدل مااحدفك من العربيه قدام البيت انتي صدعتيني
عزه: هااا اه صح احنا وصلنا طب معل.....
عزه لسه كنت هكمل جملتي لقيتني مرميه ع الارض قدام بيت فاطمه
غرام سمعت صوت حاجه بتقع ع الارض وصوت عربيه بتفرمل جريت ع برا لقيتها عزه
غرام: عااااا عزه عزه ي بنات عزه رجعت
مي: عزه اخيرا ي بنتي انتي كنتي فين
ندي: اي اللي حصلك
اسراء: ومين دول اللي خطفوكي
عزه: اهدو شويه عاوزه ادخل اخد شاور واكل حاجه بعدها احكلكم
فاطمه: قومي تعالي معايا
بنات دخلو ماعدا ندي
ندي: راحت فين بسمله دلوقتي
غرام: انتي واقفه برا ليه
ندي: متعرفيش بسمله راحت فين هي كمان
غرام: ي نهار تكون اتخطفت هي كمان
ندي: بس ي بت اتخطفت اي
غرام: بهزر بهزر قالت انها رايحه مشوار وراجعه بسرعه
ندي: طيب يلا ندخل نشوف عزه
نسيبهم
****************
مازن: انتي بتعملي اي هنا وماسكه ايدي كدا ليه اه هتكسريها سبيها
بسمله: ماتتكسر ولا تتحرق فين عزه
مازن: عزه عزه مين
بسمله: انت هستعبط شادي اتصل بيا وقالي ان عزه عندكم فين عزه
مازن: سيبي ايدي وانا هقولك هي فين
بسمله: اديني سبتها يلا قول
مازن: طب اقعدي الاول
بسمله: مش قاعده قول يلا بدل مااضربك مش كفايه مستره عليكم طول مده دي
مازن: اهدي ي بنتي عزه روحت
بسمله: روحت وانا اي يخليني اصدقك
مازن بحزن: اسمعي ي بسمله انا مقدرش اخلي عزه عندنا في حبس اكتر من كده انا خطفتها لاني بحبها
بسمله بصدمه: نعم طب ازاي وانت عرفت عزه منين
مازن: اعرفها من زمان شوفتها من فتره وانا بعمل عمليه وكانت هتعمل حادثه وانا انقذتها من وقتها حبيتها واجه في بالي عاوز اعرف عنها كل حاجه وحبيتها بس هي توافق تتربط بحد زيي
بسمله: فهمت طب هتعمل اي دلوقتي انت رئيس عصابه وهي كاتبه مشهوره
مازن بحزن وبكاء: ماانا عارف عشان كده انا هبعد عنها للابد عشان احميها
بسمله: طب ليه ماتسيب عصابه وتسافر انت وعزه وتعيشوا بعيد عن هم ده
مازن: قانون هنا بيتوجب ان اللي يخون العصابه يتقتل ي بسمله انا مش عارف اعمل اي حتي لو سبتها انا اي اللي يضمني ان عزه تبادلني نفس مشاعر
بسمله: اممم معاك حق عارف ي مازن انت لو خطفت حد من حبيايبي او من صحابي تاني هعمل فيك اي هحولك انت وشادي اهبل كفته مفهوم ومعاكم مروان
مازن بضحك: هههههه حاضر حاضر سيبي ودني بقي
بسمله: طيب ماشي كالعاده ومش هجيب سيره لحد اوعدني انك هتسيب قرف اللي انت عايش فيه ده بقا
مازن: هيجي يوم ي بسمله واسيبه واوعدك
شادي كان بيراقب من علي بعد وسمع كل حاجه
شادي في سره: هيجي اليوم ده فعلا ي مازن واليوم ده قرب اوي نهايتك هتكون بسبب حبيبتك عزه وقول ان شادي قال
نسيبها
*********************
واحد: احنا مش لازم نسكت ع كدا
تاني: احنا لازم نقتلها والا نقول ع العصابه ي رحمان رحيم
تالت: شادي شكله اتجنن ولا اي
رابع: اي اللي بيعمله شادي ده بيقوم عصابه علي اخوه
خامس: لا انا لازم اقول مازن ولا هتحصل مصيبه مش هفضل ساكت كدا
********************
#مازن
عدي شهرين ع رجوع عزه لاهلها وصحابها مش هكدب عليكم لو قولتلكم اني لسه بحبها لا وبتابع اخبارها وروياتها وبقيت اتفرج ع الكوره واشجع الزمالك بسببها مع اني في الاول مكنتش بحب روايات ولا بحب اسمع حاجه عن كوره بس حبيت كل حاجه هي بتحبها بروح كتير عند بيت عزه اشوفها من بعيد كل مااجي اقرب منها عشان اكلمها ابعد بحسد البنات اللي بتقدر يتصوروا معاها ويكلموها عادي اما انا اخاف لو جيت اكلمها تخاف مني وتترعب كنت قاعد بفكر لحد مااجي
شهاب: مازن عاوزك في موضوع مهم
مازن: سيبني في حالي هتقطع حبل افكاري كدا ومش هعرف اتخيلها كويس
شهاب: لا سيبك خالص من بنت دلوقتي وخليك معايا
مازن: بس بقي
شهاب: ماهو لو انا بسيت معدش هيبقي في عزه ولا حتي حاجه منها
مازن انتبه: نعم تقصد اي
شهاب: ايوا كده خليك معايا حبه شادي اخوك اتجنن قوم عصابه عليك وقال للكل انك بتحب بنت كاتبه روايات اسمها عزه الرجاله قرروا انهم يقتلوها عشان عصابه متدمرش هتعمل اي
مازن بغضب: خلي حد يقرب عليها وانا هشرب من دمهم
شهاب: اهدا كلامك ده مينفعش خالص لازم نتكلم بالعقل بردوا قول بت بسمله تاخد عزه ويسافروا من هنا فتره
مازن: حاضر هتصل بيها واقولها
********************
......: انتو مين وعاوزين اي
......: احنا موتك استشهدي علي روحك
......: انتو اي اللي جابكم هنا مين اللي بعتكم
.......: ابعدي انتي خالص مشكلتنا معاها هي
.......: عزه اهربي بسرعه ااااااه
     انتهت الحلقه
بقلم عزه محمد
نجمه الروايات