مساء الخير
انا حابه احكي قصتي لعلها تكون موعضه لبعض الستات و اخصيتن الي داخلها ع جواز
يمكن الي هتسمعوه مني دي شي مينفعش واحده تعمله و اخصيتن لما تكون من عيله محترمه اب غلبان و مبيفتوش فرض و ام ف حالها و مشيين جمب الحيط و مأنكرش انهم ربوني احسن تربيه و مقصروش معايا
بس اي بنت بيحصل معاها كدا الحب مش عيب ولا حرام مفيش حارس ع القلب عشان يقلنا نحب مين و منحبش مين
و عارفه كمان انكم هتغلطوني في البدايه
مش هطول عليكم
انا اسمي سمر
شكلا حلوه الحمدلله
الحاله الاجتماعيه متجوزه
بتبدأ حكيتي قبل ما اتجوز مصطفي كنت بحب واحد و كنا بنتكلم ليل نهار ع حياتنا ف المستقبل و هنسمي عيالنا اي و الكلام الي عرفينه
مصطفى دا يبقا ابن خالتي
طبعا عشان احنا الباب ف وش الباب كنا الي 24 ساعه عند بعض
طبعا و انتو عرفين الامهات و كفنا شرهم لما يتفقو ع حاجه
مصطفى دا كان بنسبالي اخ مش اكتر
ياجماعه عشان نركز مع بعض الكلام الي بحكهلكم دا حصل بالحرف ألواحد
مصطفى كان شب محترم و مثقف وحلو يعني من الأخر اي بنت تتمنه بس انا مكنتش شايفه غير انه اخ
مش عارفه مكنتش حاسه بنحيته غير كدا والله
المهم كانت قاعده خالتي و ماما و لقيت خالتي بتلمح
اخدتها من قصيره و قومت
لقيته داخل من الباب
و قال اي يا سمر هو ان حضرت الشيطان ذهبت الملائكه؟
قالتلو لا والله يا مصطفى بس انا ورايا غسيل مواعين و عايزه اخلص عشان مكسلش
قالي ماشي ياستي اتفضلي
مشيت ع طول
و دخلت اوضتي و رنيت ع محمود الي هو يبقا حبيبي و حرفيا يجماعة انا كنت بثق ف محمود دا ثقه عميه لدرجة اني فعلاً صدقت انه هيجي يتجوزني
مهو لازم اصدق لانو كان عمالي البحر طحينه زي ما بيقولو كدا
كنت مش شايفه غيره
لا دا غير كمان اني بعض الشباب ممكن عشان هي مرتبطه بواحده
ممكن يعني ف بعض الاحيان تبعت كروت والكلام دا لا انا بقا الي كنت ببعت اه والله يا جماعه يمكن ف الي بيقرأ كلام و يقول اي العبط دا لدرجة دي
بس انا كنت مخدوعه مانا معذورة كنت بحبه جداً و لما احنا البنات نحب بنوثق ومش بنشوف غير الي القلب شايفه بنتعمي عن عيوب الشخص الي حبناه
محمود انا اتعرفت عليه من ع النت كنت ف جروب مختلط و دخلي خاص و تعرفنا و طلع من بلد قريبه ع بلدي يعني بختصار ساعتين او بالكتير 3 ساعات ويوصل
كان بيصبرني ب الكلام
ايوا يقلبي انا مش شايف غيرك
ايوا بحبك
ايوا انتي مراتي
استحاله حد يخدك مني لو هسافر اخر الدنيا عشانك و ألخ...
كنت هبله اسمع الكلام ده و القي نفسي بتنطط من الفرحه
و كان يطلب مني صوره عا****يه و كنت عشان بثق فيه كنت ببعت😔
لحد ما ف يوم لقيت ماما داخله عليا و بتقول اني مصطفي جي عشان يخطبني
انا رفضت و قولت استحاله
امي زعقت و قالت استحاله ليه هو مصطفى وحش دا شب اخلاق و احترام و متعلم عايزه اي غير كدا
قولت وانا بعيط لا و انا مش عايزه دي حريه هو بالغصب
امي حطت ايدها ع قلبها
و قالت يا بنتي حرام عليكي هو العمر فاضل فيه اي
انا جريت عليها ف اي ماما مالك
ردت وقالت ابن خالتك بيحبك و هو قالي كدا و قالي شوفي ردها
و انا يا ماما مش شايفه اكتر من اخ ليا
قامت و قالتلي
اسمعي يابت ابن خالتك شب اخلاق و ذوق و انا بصراحه هأمن عليكي معه و هبقا مرتاحه
قالت كلامها و دخلت و سبتني بين دموعي
جريت ع اوضتي و مسكت الفون و رنيت ع محمود و قولتلو ع الي حصل
قالي معلش مش هقدر اعمل حاجه دلوقتي انا لسا مكونتش نفسي عشان ادخل بتكم و اتكلم مع باباكي
بس ف حل تعمليه ع بال ما اكون رتبت اموري
و قالتلو اي هو
قالي انك توافقي ع ابن خالتك
انا ف اللحظه دي حسيت انو قلبي اتقسم نصيين
كمل كلامه و قالي لمدة 6 شهور و اطلقي عادي و اوعدك اني هتجوزك
فضل يقنعني لحد ما فعلاً اقتنعت مافيش حل تاني قدامي
و فعلاً تمت الخطوبه
و مكنتش طايقه و كنت بتعامل معاه بجفه
كنت ساعات بلاقيه بيرن كنت اقفل فوني عشان مردش
و هو مشتكاش و كمل معايا
و جه مصطفى عشان يحداد ماعد الفرح
و حرفيا هنا كنت بموت كان نفسي أغمض عيني و افتحها و القي محمود هو العريس
كنت بعيط و حضنت ماما حجه عشان اعيط اكتر
رحنا ع بيتنا
كان ماسك ايدي سحبتها منو بقرف
و طلعنا
و اول ما دخل ضرب بايدو ع دماغه و قال يااه انا نسيت الفون بتاعي مع بابا تحت لحظه و جي
انا استغليت الفرصه و رنيت ع محمود و فتحت كاميرا
شايف يحبيبي اهو زي ما وعدتك انو انت اول واحد هتشوف جسمي كلها 6 شهور و ابقا مراتك يا محمود
و لسا كنت هق**لع لقيتو و اقف ورايا اتصدمت
مصطفى لحظه هفهمك
رد ببرد لا كمل كلام مع عشيقك
مصطفى افهمني
رد وقال انا مش عايز افهم حاجه تقعدي ع زمتي 6 شهور و بعدها تغوري لعشيقك
مصطفى ابوس رجلك متفضحني
رد انا مش هفضح خالتي و ابوك الراجل الغالبان و لا هخلي اخوكي الي متغرب يواطي راسه ف الارض بسبب واحده وخ**سه زيك
يعدو ال 6 شهور و اخترعي حجه قاليلهم اني بتاع ستات وقاليلهم اي حاجه
و فعلا قعدنا 6 شهور و ف المده دي مصطفى محولش يتكلم معايا خالص ولا حتي يبص ف وشي
اطلقنا انا ومصطفي و جريت كلمت محمود
و كان رده صادم
قالي انا مش هتجوز واحده كانت متجوزه واحد قبلي
فضلت احلفلو كتير اني لسه بنت بنوت و اني مصطفي ما لمسنيش و هو مصدقش و قفل ف وشي ساعة حاسيت اني الدنيا بتلف بيا و رجلي مش شالاني
بقيت اعتزل الناس
و بقيت اصلي و ابكي
و اقول عارفه ياربي اني انا عملت غلطه كبيره بس انت غفور رحيم يرب ارحمني برحمتك و ابكي و اقول انا بوظة حياتي بايدي وعدي شهر
لحد ما اتفجت ف يوم اني مصطفي جي عشان يردني
ماما و بابا بصولي
حرفيا من الفرحه اغمي عليا
صحيت ملقتش حد جنبي افتكرت اني بحلم عيطت
لقيت مصطفى داخل ب بوكيه ورد و بيبتسم
قعد جنبي و قال انا عارفه انك انصلح حالك و عرفتي غلطتك
ابتسمت و خضنتو و بكيت
مسحلي دموعي و قالي متبكيش دموعك غاليه
و مدلي بوكيه الورد و قالي اجمل بوكيه ورد لاجمل ورده
ضحكت و قالتلو طعمه وحش احبوش مش كنت جبت شيكولاته احسن
ضربني ع راسي بخفه و قعد يضحك لمضه
انتي عارفه انا كنت بدعي في الصلاه و بيقول اللهم اصلحها و اصلحني و نلتقي صالحين يالله
حضنتو وعيطت جامد
بصالي وقالي هو في عروسه تعيط يوم فرحه
بوست ايدو وانا بعيط و حمدت ربنا ♡♡
حرفيا ياجماعه
مفيش اجمل من الحلال لما يكون داخل البيت من بابه
مش الي بتتداسي عشان تكلميه
الي بيحبك بجد هيعمل المستحيل عشانك صدقيني الاعذار دي لناس الي نيته تساله بيخلقو اعذار عشان يلاقو وقت زياده
و لاننا بنحب بجد بيستغلو دا
دي كان حكايتي
و اخدوها نصيحه مش مجرد قصة
سلام
صلوا ع شفيعڪم محمد صلى الله عليه وسلم 💛☘️
