الحب المنتظر 🤍✨

الحلقه 3

رحنه يم بيت جدو الي هو بيت اهل بابا
___________
واني جنت اشتاق لماما هواي
وابجي بالليل عليها واتذكر اللحظه
الي ظربها بابا بيها وبابا نشز ماما
لمدة سنتين اني جنت خافيه حبي
لأمي عن ابويه وظاهره الكراهيه الها
وبابا ودانه بيت جدو بعد ما
ضلينه بيت عمي ما يقارب 6 اشهر
وماما مااجت وجانت مرت عمي(لميس) الي ظالمه تظلمني
جانت متحبني وتغار
من ماما لأن احلى منها ف
_______
بيت جدو
_______
الي هو ساكن بي عمامي ثنين (ضاهر وعبدالله)
______
عبدالله جان ظالم لأبعد درجه
معشت بس الضيم والجوع والبرد
هناك بسبب هذا عمي هو اصغر عمامي
______
ف بابا جان بين فتره و فتره طويله
يجي يزورنا وجنا نعيش الضيم والقهر
اقسم بالله جنت اروح وابجي يم شجرة الحزن مالتي وجنت من ابجي اكول وينك
منتظر تعال شوف شديسون بيه وابجي بحركه
______
ف مرت عمي (حلا) عبدالله
جانت تكرهني بمعنه الكلمه جانت
تحرك ولد عمي الثاني الحباب الي هم
________
[ناديه_رانيه_ليث_قصي]
اما البقيه
الصغار الي هم[ايه_محمد]
________
مره من المرات
________
مرت عمي الي هيه *حلا* اتهمتني
انو اني اسوي سحوره استغفرالله اي سحوره ف حركت الجهال عليه خلتهم
________
يضربوني بالحجر القوي ابو التراب يسمو هناك صلابيخ المفرد مالته صلبوخه ف
رانيه ضربتني بعيني وعيني كمت
مااشوف بيها حرفياً انعميت لمدة
3 اسابيع حمره وتغوش وزركه
وطالعه اي نعم طالعه عيني ف محد
رفله جفن
________
كلها ضدي محد ويايه كلها ضدي اجتي ايام وراحت ايام وهاي ما عده الجروح
الي جنت اتعرضلها من قبل الطبيعه
________
ههههه اي الطبيعه هم ضدي خلي احجيلكم من اصعب الجروح الي مريت بيها
_________
مره جنه بالبستان حته نشعوذ مثل العاده كاعد امشي ف طب برجلي سن نخل طب برجلي منا طلع منا حرفياً زرفها ولازال الأثر موجود بوقتها كلت اني بكل برود تعالو فات
_________
برجلي سن نخل رانيه كالت يمعوده عادي هيه جكه ناديه باوعتلي وباوعت على رجلي وكالت بهل شكل هذا [عزهه] رانيه كالت [شكوو] ناديه كلتلها [تعالي شوفي] رانيه باوعت وكالت[ صخام الصخمج] عليه ف ناديه حطت راسي بحظنها ورانيه كمشت رجلي وسحبت السن منها بكل رحابت صدر وعبالك قلبها ميت
_________
ودم رجلي يتناثر المهم راحت ايام
ورجعت ايام طابت رجلي بعد عناء
طويل بكلشي مثل [الروحه للحمام_الكعده حته اكل_ ونومه]وكلشي حرفياً وبعد
فتره زمنيه رحت حته اجيب الفراش
من الحايط بالليل وكعت على جتفي [بلوكه] طابوكه كبيره كلش وجتفي
انفصخ وبعد عناء طويل هم طاب
جتفي وبعد فتره طويله حولي 11
شهر وبالتحديد2019/11/17 بابا
_________
اخذنه رجعنه بيت عمو احمد وهم رجعت للعذاب وللقهر واقل ما يمكن هوه هذا الموقف مره لميس كالتلي انزلي امسحي الدرج كاعد امسح ودفرتني من الدرج اتجقلبت وكعت جوه وظهري انلوه وكام
_________
يوجعني كلش ف بعد فتره طاب ظهري ودخلنه سنه 2020 وكضيتها يم لميس في منتصف عام 2021 ماما رفعت على بابا دعوة حضانه وكسبتها ورحنه يم ماما
_________
يتبع......