سلاسل من نار

بارت1

البارت ( 1 )

في ازقه بغداد القديمه بيت مهتري قديم
يحيطه بنيان قديمه وناس لا رحمه لديهم عائله ابو مجد رجل كبير بالسن يعمل حمال

لمار _  كعدت  من الصبح الجو بارد ودنيا دتمطر
امي راحت تشتغل بمخبز  كل يوم تروح ب6 الصبح ترجع ب12 الضهر أبويه رجال جبير يشتغل حمال يروح ب 7 يرجع ب4 العصر

اخويه ميشتغل كل همه لبسه وطلعاته كلشي ميسوي همه بس يضربنه يروح ويرجع يصيح

اني جنت ادرس بعدين بطلت لان امكانيه ماكو
اختي تدرس خامس اعدادي. لمار _ أبويه فدوه خل اطلع اشتغل ويا امي اليوم والله ايديها تكطعت البارحه سمعتها تبجي والله نكسركلبي اني اعرف اخبز فدوه خل اروح

ابو مجد _ لا بنتي اختج منو الها اذا رحتي تضل وحدها

لمار _ أبويه شنو معليه اريد اشتغل شنو ضاله كاعده بالبيت حالي حال مجد شكده شكبرميشتغل بس لروحه يكشخ ويطلع لنص الليل

ابو مجد _ بنتي اخوج لايسمعج يكتلج لتحجين عليه ولج روحي شوفي اختج وين

لمار _ هوهو نايمه اني معليه بأجر اطلع ويا امي حتى هاي صديقتي كلتلي تعالي يمنه اخبزي ننطيج 10

ابومجد_ شكلت اني كافي ماكو شغل انتن بنات عيب اطلعت تشتغلن شيكولون علينه الناس

لمار _أبويه والله محد عليه بينه شعليها الناس كلمن عليه بنفسه هو شغل موعيب ليش يحجون

ابو مجد_ اني راح اطلع ديري بالج على اختج وسدي موضوع الشغل شنو راحت الغيره بناتنه يشتغلن والزلم كاعدين بالبيت والله هاي تاليتها تردين تفضحينه بين الناسلمار_ هسه الناس شعليهم مدخلين نفسهم بكل شي والله عجيبه هل ناس مال اذبحهم كلهم اخخخ هم مايشفه غليلي

رحت لأختي لجين ولج كعدي للمدرسه هيوو كافي نوم كعدي جيت سحلتها من الفراش المخده والبطانيه بالكاع مطشره المكان كله

كوه كعدتها سويتلها ريوك راحت للمدرسه ضليت وحدي بالبيت اجا مجد

مجد _سويلي ريوك بسرعه يلااا

لمار _ اي شبيك تنتر من لصباحيات دخيلك ياالله

مجد _وسم شبيج كلت بسرعه يلاا لا اموتج مثل البارحه شفتي شسويت بيج _ سويتله ريوك وضليت اباوع على الجروح البجسمي بسبب ضربه الي لازم كل يوم يكتلنه اني و لجين بس اكثر شي اني انكتل

لان لجين تضل بالغرفه تدرس اضل اني كدام عينه اشتغل واطبخ ف يضل يدور حجه حتى يكتلني

نفضت أفكاري ورحت اسوي غدا لان امي خطيه على جيه واكيد هسه تعبانه

طلع مجد من غرفته هو ميقبل اي واحد يدخلها مادري شبيها جني خاص اله وضامه علينه هيه غرفه منتهيه اصلا بيتنه كله منتهي مباقي بي شيرحت نضفت البيت وعادتن اطلع برا بس اليوم الجو مغيم  وبي مطر رحت سقيت الحديقه وضليت العب بالزرع  صح بيتنه قديم وتعبان بس اني دائما اهتم بالحديقه واسقيها احب الخضار