عشق بلا قيود

37

.

مدخل;

‏أليس عشقاً ؟!!

أن تكون قد أوجعتني وأوجعتك ولكن مازلت تريدني وأريدك ..!!!

،

.

،

بعد الظهيره يوم الخميس..

في مكتبه الصغير الذي أسسه بمشاركة شريكه مؤسسه للدعايه والاعلان... يجلس وهو يتحدث مع رفيق دربه سلمان عن امور العمل بما انه مشروع جديد وللتو بدأ ويبدو ان الموضوع مهم/يا سلمان لا تناقشني.. انا نويت وخلاص

رفع يديه باستسلام/عساك على القوه.. متى عزمت؟

اجابه وهو يقرأ اوراقاً امامه/قريب ان شاء الله.. انا استاجرت البيت اللي قدام اهلي.. بعدما ارتب وضع البيت يتم الزواج خلاص مليت عزوبيه يا رجل

سلمان/بهالطريقه بتضغط علئ نفسك.. لا تنسى ان موسستنا جديده.. وتونا ماستلمنا غير 10 اعمال بس

تميم بابتسامة تفاؤل/الخير قدام دامنا بدينا بالعمل اللي إنّا نحبه ونبدع فيه.. هذا حلم يا سلمان من ايام الجامعه وتحقق الحمدلله

وقف سلمان يريد الخروج لاستكمال عمله/بهذي صدقت.. ملينا من هالوظايف وغثاها.. يلا عن اذنك بروح اشوف شغلي..

رن هاتفه ليرفعه و يرد بابتسامه وهو يتبع خروج سلمان بنظراته/هلا سمااااح معليش مارديت عليك قبل شوي.. لا لا انا جاي عندك بعد شوي نشوف الترتيبات سوا ..بالاول عندي كذا مشوار اخلصه وجاايك... يلا سلام..

اغلق هاتفه وهو يبتسم بخبث...نظر الى ساعته وكأنه يحترق من الانتظار ثم اتصل بصيته ليطمئن عليها!!

،

.

،

.

.

بقلب مشحون وصلت الشرقيه رغم مرضها.. بعدما عرفته من منال التي لا تتصل بها الا لإزعاجها فقط بالاخبار السيئه. اتصلت بمشاري ليأتي ويأخذها ..

التفت مشاري برجاء/يا جده تعالي بيتنا انفدا هالوجه

الجده باصرار/هاللحين ابي اشوف وش مصيبة توق..

مشاري بخوف/ياجده وش بتسوين، الامور متوتره بينها وبين اخوانها، والله لولا راجس موجود لاتدخل بس الحمدلله انه موجود.

صمتت الجده وهي تفكر فيما يمكنها فعله.. يجب ان تضع حد لكل تلك المشاكل.. رغم ترددها فيما تنوي فعله..

مشاري بغضب، ظاناً منه انها عرفت من منال ما قال سطام/ما فقع مرارتي الا السلقه سطام، والله يا جده لولا فرقونا الرجال والا قسم بالله قد راح وطي..

التفتت الجده اليه بغضب فهي لم تعرف بما فعله/ليه وش هو مسوي؟

قرر مشاري اخبارها ما حدث..فهو يعرف مدى اقتراب سطام من جدته..