أستَنفدَ الدمُ إن الوَجدَ قد فُقِد
لا يَحسِنُ الدَهَرةَ رُزءاً مِثلهُ ابدا
وقُلْ لِصَرفْ الزمانِ اختل على ثقَه
مِنْ السِباق فقد أحرَزتْ كُل مدَى
اليومُ حينَ لففَتُ المَجدَ في كفنٍ
نفسُ الفِداء على ان لاتَ حينَ فَدا
ياحَسرةَ نَشأتْ بينَ الضلُوعِ جَواى
ماْضَرَ لا عَجها أن لا يكونَ ردى
في ذمةِ الله قبرٌ ما مررتُ بهِ
إلا اختَلستُ أسَى أنْ لم امت كَمدا...
............................................................
شمال: اركض بحيلي وايدياتي اعلى حلكي جان علمود ماتزكط ضحكتي وادوس بحفياني اعلى الكيعان المتروسه تمر من النخل العالي والعشبات الطاشه بيه
وجاني الكاني جدام باب الحضيرة ورايدة البد بيه وتلفت جني جن فرخه ضايعه
وبهدايه افتح الباب كد نضرة العين
ونضر عيني كد كبر الباب تتوسع
وانا اعاين الدم الي يتطشر من الخنجر المرفوع من صدر رافل
وبيدي شايله ذياب
الدم وسكط بكاعي من هبطت روحي اعلى العاينته.....
........................ نرجع بالزمن للسبعينات
شمال: طلعت من الدارة وافرك بعيوني
وانه توني مفتحه من الخمدة
ع صوت الهوسه
زكطت بوجهي زينب بت عمي
زينب: هاااااا وج شمال يا صباحج خير
شمال: اليووووم نهلهل ونعرس
زينب: تعرسين شعليج هو العرس والزفه مو الج ولا بكربج
شمال: چا مارح نهز بزرورنه وجتافاتنه ونردح ونفرح بعرس المحروس ابن المحروسه
زينب ضحكت: شششش لا يسمعولج حس تعاي حطيلج لكيمه
شمال: چا شهل هوسه
زينب: غير ملتمين ع العروسه ويزينوها
شمال: چا من هسه
زينب: يابوياي شكد اترطنين خو انتِ جنج زمال
شمال: زينب لا تخليني اعلعل عليج هسه وبراس الطشت اركع راسج تعرفيني وسويته مرة
زينب: خاب هزي نكباتج بدربج خل نزقنب انه متانياچ وتاليه نشوف شرح يعملون ب العروسه والعرس
لا تجي حبوبتهم هسه تكرطچ بضروسه تعرفيه هنا ما تجرعچ
شمال: خوش خوششش
شمال...مرينه ع الدار ملتمين كلهم والكراكر والحجي الكاب بين النسوان على العروسه المكابليه
دخلنه انا وزينب المطبخ
وركعتلي الصينيه وستكان الجايه وجبنات العرب
وتريكنه
وبنص اللكمه الي الوچه بحلكي دخلت حبوبتهم
حبوبتهم: ولچن معذربات دكومن يللللللللله
هسه تلزمن المخمه تخمن البيت خمه التخمج نشالله وتفتحلي الطرمبه وتشرشن البيت اميه
زينب: انشالله عمه
شمال: معذربات (بصوت همس)
زينب: ششش
شمال..طلعت حبوبتهم وكمنه انا وزينب نلم البيت ونخمه وانشطف ونلهط
وهنه عماتي كاعدات ع العروسه بت عمي يحفنه ويعدلنه
شمرت المخمه ومديت راسي ع الدار
زينب جرتني
زينب: شمالج لا نسمعلنه حجايه ما يخلنه نزكط يمهن
شمال: جا شون ارد اعاين
زينب: ولچ بعدج فرخه شكدوتچ مايخلونه
شمال: تر عروسه اكبر مني بتلث اسنين يا محروسه
وبكدچ هم
زينب: ماتعرفيهن ما يخلونه. خمي وصمي لحلكج هذا
شمال.. خلصنه ووليت الطرمه غسلت وجهي
وصبينه الغديات والديوان نترس رياجيل وولد العم ولت الهم صواني الغدة
وكملنه ورجعنه انا وزينب نلملمهن
وحضرو العروسه ويدرمنه وانا وزينب نطلطل بروسنه
طلعت بوجهي نهاد
نهاد( المرة الي تشتغل بالبيت وصارله سنين عايشه عدهم وربت ولدهم وهي التطبخ وتشيل وتحط )
نهاد: ها حبيبات اليوم كله صار عليچن
شمال: ارد اعاين
نهاد:ولچ چعدي ونچعمي سوالف كبار
شمال: هو ديرم وكحله جاني ماعرفنهن
نهاد: ولچ حسچ
نشالله يجيچ محروس ونجبحهن لوجهچ
شمال: خاب اموت روحي وعلي انا ماعرسن لو تمرغلون رواحتكم بكاع البستان
نهاد ضحكت: ايييي ورافل
...شمال بلعت براطمه
زينب: شبي رافل
نهاد: مابي شي روحن يم باب البستان سمعن هسه هوسات الزلم من يجيبون ابن عمج المعرس
شمال: ي....
صوت ذياب ابن عمي الجبير...
ذياب: شمااااااااااااااااااال
شمااااااال بت ام الهوايش
شمال... كلبي ونجفت من صدري من الخوفه
طفرت وركضت بروحي
طلعت للطرمه وذياب واكف بدشداشته وعكاله
ذياب: شنو طرمه ماسمعين
شمال: شمالك ما سمعتلك حس
ذياب: خلصو العروسه
شمال: ولله مادريت ولا عاينت
ما يخلوني اطل بس جنه اي خلصت
ذياب: هااا خوش يلله ولي طبي
شمال: رافل وين
ذياب رفع حاجبه : شلج بي
افصخلچ حنجچ عن وجهچ هسه
شمال: اي مو نهاد سألت عنه
ذياب: طبي شمال
شمال.. عفته وطبيت
ودخلت دار نهاد ولكيت كحله و ديرم ولزمت وحطيت ع حلكي وخديداتي وكحلت عيوني وفليت شعري
دخلت حبوبتهم
....( حبوبتهم هي مرة عم شمال الثاني اسمه ناظم وهي ام ذياب ورافل وزهراء (العروسه)
ورافل ابن ناظم عمره ٢٨
وذياب هم ابن ناظم وهو اصغر من رافل بسنه
زينب بت عم شمال الثالث اسمه ستار
وهي بته الوحيده عمره ١٧ وولده الاثنين واحد مزوج والثاني اليوم عرسه من زهراء
شمال ابوها وامها متوفين من عمره ٧ سنين وابوها هو الاصغر(الرابع) بين عمامه وعايشه ببيت ناظم ويه نهاد تاكل وتنام وربت ع ايد نهاد وعمه الاول والجبير اسمه ضاحي
مامتزوج وعايش وحده
نهاد علمته لشمال الطبخ والشغل والخبز وكومته وكعدته وياها
وضاحي الي علمه القرايه والكتابه
ف هو صارله الاب ونهاد الام)
حبوبتهم: شجاي تسوين ملجه
شمال: ها عمه ...
اجت لزمتني من حنجي
حبوبتهم: شعدج محمرة
شمال: چا مو عرس
حبوبتهم: عرسج وانه ماداريه
مسحي وجهج المعربن
شمال.. عتتني وولت وانا خليت وزبكت
جاني متعوده ع حجاياته المرة
لكيت زينب
زينب: يا معذربه هاي شحاطه
شمال: روحي كمزي حمري وجهج شمالج ليكول عرس الغرب مو عرس اخوج
زينب: حتى يكولون لبويه ويمرعد ديني عوفيني انتِ بليه
شمال: يووو جاني احلى من العروسه هاي وما حافه حواجبي لو احف جان شعملت بالسلف
زينب.:شششش
شمال..ولينه يم باب البستان نسمع الزلم برا
....
رافل جفلت السيارة ونزلت انا وولد عمي نهوس فرحانين بمعرسنه وتلكينا طلع من الديوان وشلنا ع جتافاتنه وبعكلنه وعبينه ولد السلف وشيوخ السلف نهوس بي هوسات العكل
هدينا
رافل: انا المعرس الي رح يسحك بعده حضرو هوسات الشيوخ الملمومه المعدله
ناظم: ولك مملوح شقندحي
..الكل ضحكت
ضاحي: نشالله بويه نزفك ونزف اخوك ع نسوان الخير
رافل.. ادنه ذياب وحجه بهمس
ذياب:يا خرنكعي(جبان)
رافل: ذياب جفي شر ووخر من دربي لا تشخطني من طوري
ذياب: منو من نسوان الخير
رافل ضحك : الله كريم جاي نضحك
رافل.. عاينت ذياب وهو دينه كامز بعيونه
رافل: شمالك لا العالم اتعاينك وعباله عامل شي عيناك تريد تجتلني
ذياب: منووو
رافل:شمالك ذياب دمشي مني
رافل.. درت وانا اضحك بوجه ولد عمي
وجرني ذياب من دشداشتي وصاح
ذياب: منوووووووووووو
رافل.. التمو الولد يردون يفكو عني
رافل : ذيابببب شماااالك
رافل..ذايب فقد وما مستغربين هو من نسمه هو يزكط ويرفس
رافل: ذياب مو وكته تعكد حواجبك وتخرب عرس الولد وتلم السلف
ذياب: الم السلف واكسر راسك كدامهم دمشي
لا تحلم ب الي ببالك
أنت تقرأ
أم سَبعْ الخَناجر
Actionبين جدارن البيت القائم وفي وسط قريه يسطو في طريقها رجل تقطر يداه دماً ليكون باباً لقطيع مِنْ مَنْ يحملون ثأر من الايام وضحياته سبع خناجر تشق جدران البيت حزناً جدران البيت المليئه ب الغضب والانانيه والحب الذي لا يمتزج معها...
