هلو حبايب ♥️
ام شيماء : ولج شيماء وينج الله لا ينطيج نزلي كافي نوم و عايفتني اشتغل وحدي
شيماء : كايمه
كمت غسلت و بدلت و نزلت جوة طبعا احنا عايشين بيت جدي احنا وبيت عمي
و عمامي الباقيين بأربيل و احنا بالبصرة
نزلت اساعد امي و ضلت تحجي عليه و اني عصبت كلش عيوني صارن حمر كمت اكسر بالمواعين
اجو الكل على صوت التكسير
ابن عم شيماء : ولج شيماء شنو هذا ولزمتها من شعرها
شيماء : ولك اتركني و شلت من الكاع زجاج و جرحته
كتله عبالكم مثل قبل تكتلوني واني اسكت لا ما حزرتو
عفتهم ورحت لغرفتي
نضفتها و تصفحت شوية و كالو جدي ديصيحني
نزلت و سلمت
جدي و بيبي : وعليكم السلام
محد رد عليه بس جدي وبيبي
الجد : بنيتي شيمو (دلع )
شيماء : ها جدو
الجد : اليوم نتائجكم اريدج ترفعين راسي ماشي
شيماء : راسك مرفوع جدي
الجد : تسلمين بنيتي يلا توكلو
شيماء تغدينا كملنا و رحت لغرفتي جنت متمددة و اجه اخويا محمد لغرفتي لمن شفته حضنته كتله شلونك حبيبي حمودي
محمد : الحمد لله بنيتي انتي شلونج مشتاقلج
شيماء : اني هم
محمد : يلا بنيتي نزلت نتائجكم خل اطلع نتيجتج
شيماء : اي يلا ان شاء الله ناجحة بمعدل عالي طبعا محمد يعرف شنو حلمي
محمد : يا ولج ما شاء الله معدلج 98
شيماء : كمت اصرخ و حضنت محمد على صراخي
اجو كلهم كتله واخيرا حيتحقق حلمي
الجد : شكو شبيج ليش تصرخين
شيماء : جدي معدلي 98
الجد : الحمد لله بنيتي رفعتي راسي
شيماء : واخيرا حيتحقق حلمي
و حصير ظابطة
الكل : شنووو
شيماء : مثل ما سمعتو اني هذا حلمي و راح اصير غصبن عل كل
ما احس اله اجاني راشدي
الاب : ولج ادبسز شنو هل حجي ماكو جامعه من يمتى بناتنا يداومن بالجامعات
شيماء : كتله شنو هل ظلم انتو متخافون الله عفتهم ورحت نزلت للمطبخ اجه محمد حضني
محمد : حبيبتي لا تضوجين اني راح اساعدج
واسفرج ماشي
شيماء : ماشي
فرحت لان محمد معايا
رحنا ثاني يوم اني و محمد عل مدرسة جبت الوثيقة و كلشي كملت ة رحنا للبيت حضرت ملابسي و خليت الجنطة جوة الجرباية حتى بالليل بس اخذها
صار الليل والنهار كله احنا نتعارك اني وامي ومرت عمي
اخذت الجنطة و لبست ملابس سود و طلعت و محمد فتحلي الابواب حتى لحد يشوفني طبعا هذا الحجي ساعة 1 بالليل
طلعت على شارع عام اجت سيارة اشرت الها وكفت و كتله الله يخليك بس اخذني للمطار مستعجله
الرجال : ( كرم ) بيج شي اساعدج
شيماء : مشكو خوية بس اخذني والباقي اني ادبر نفسي بيه ابوية مسوي عمليه بأمريكا و لازم اروحله
الرجال : ماشي
اخذت البنت ورحنا بس شلون بنت سبحان الله شلون جسم وجمال
استغفر الله
وصلتها للمطار ورحت للببت واني افكر بيها و استغفر ربي
شيماء : رحت للمطار و كملت كلشي و صاحو اسمنا و رحت للطيارة و شتريت سيمكرت و شمرت القديم و حفظت رقم محمد
وصلت الامريكة و حذفت كلشي يتعلق بأهلي
صح البارت قصير بس صدكوني تعبانه و باجر ان شاء الله نكمل البارت تفاعلو ❤️
