ألَنِأجّـيِّة

البارت الاول

مہرحہبا اني اسمي ريم من بغداد عمري حاليا 21 لاكن القصة بلشت وياي من عمري 14 سنة عندي اخت اسمها ديما وبس احنة الاثنين ماعدنا لا اخوان بعد ولا اخوات اهلي عايشين الي هوة بابا واسمة مهند وماما اسمها سنار مواصفاتي اني بيضة وشعري لونة اسود وطويل عيوني عسلية وبريئة كلش حلوة
ابوي عمرة 39 وامي 28
واختي عمرها 7 سنوات هم بيضة وعيونها عسلية وحلوة
وامي كذالك حلوة كلش هسة عرفتكم علئ اهلي خلونا نبلش

مهند: سناررررر

سنار: ها عيني

مهند: يلة حضرينا الصالة راح يجون اصدقائي وخلي الطاولات وحضري كلشي

سنار : كافي ما مليت يومية جايب اصدقائك والشرب والجكاير وبيتنة انوب روح اخذهم الغير مكان وكمل وتعال مو جايبهم بيتنة

مهند: سدي حلكج لا اجي اموتج وسوي الكتلج عليه وبسرعة بكيفي انييي وين ما اريد اجيبهم مو زين جاي ادبرلكم عيشة لو الة اطلعوني بالحر واشتغل عمالة لو تكسي فلوس وجاي يجنة بدون تعب شتردين بعد

سنار: سكتت ماحجيت شي لان اعرف اذا حجيت شي راح يكتلني ويطردني من البيت وين اروح اني وجهالي اهلي وميتين وماعندي اي احد بس هوة هل اتحمل شسوي علمود جهالي .....حضرت كلشي واجو اصدقائة

ريم: ماما منو يمنة

سنار: اصدقاء ابوج

ريم: اهوو هم راح يسون ريحت البيت مو طيبة

سنار: معليج يمة يلة هل نطب بالغرفة ونقفل الباب ومن يرحون نطلع

طبينة بالغرفة واحنة نسمع ضحكهم وصوت الشرب والاغاني ولعبان النفس وكل حجيهم فشار وغلط كل هذة وابوي مستقبلهم لان من يجون يجيبون مسواك وينطوه شكم فلس

ماحسيت علئ نفسي ونمت كعدت الصبح لكيت امي بعدها نايمة كعدت وطلعت من الغرفة وشفت المنضر المقرف الشرب والابطالة والوصخ مال سهرة مال بارحة اباوع علئ ابوي نايم بسابع نومة ويشوخر

رتبت المكان وذبيت الوصخ والابطالة ورجعت كلشي المكانة كعدت امي وهم ساعدتني وضلينة نرتب

كعد ابوي وراح طب سبح

سوت ماما ريوم وكعدنة نتريك

مهند: يلة اني راح اطلع

سنار: وين

مهند: يم اصدقائي يعني وين

سنار: شسوي يمهم البارحة جانو يمك

مهند: اي وذا بعدين انتي اشدخلج بية لضلين سئلين بعد طلع وسد الباب قوي

ريم: ماما ابوي ليش يمشي وية هذولة الفاسدين

سنار:  معليج ماما لتدخلين بابوج خليه شيسوي يسوي

صار الليل ساعة 11 ونص طب ابوي للبيت وجايب مسواك بيدة