عشقني غني❤️🕊

لخبطه🙂

فصل تاني
جه يوم جديد علي جميع ابطالنا
وبدأ اليوم عند بطلتنا اسيل دخلت الحيزابونه وهما نايمين
الحيزابونه: قومي ياختي انتي وهيا مش هتفضلي نايمالي لحد الضهر منك ليها الساعه ٧ ونص ومشفتش واحده قامت.
اسيل: ي فتاح ي عليم ي رزاق ي كريم حاضر صحينا اهة.
اسيل بنغزه لجنات: بت جنات قومي خلينا نخلص.
قامت جنات كمان وقامو باقي البنات
دخلت اسيل وجنات عالمطبخ لقو كميه اكل بطريقه رهيبه مستحيل هما الاتنين بس يقدرو يعملوهم حتي المعدات الل فالمطبخ متسمحش انهم يخلصوها فالوقت دا.
اسيل لجنات: بصي احنا نعمل اللحمه وبعدين لما تستوي نعمل الرز وبالليل قبل الأكل نبقا نسخن كل حاجه ولما تستوي اللحمه نكون عملنا السلطه وكدا حلو بقا
جنات: بس هنعمل اللحمه دي كلها ازاي دي عايزه كذا مره كل شويه نسوي شويه بشويه.
اسيل : تعالي ورايا.
طلعت اسيل وجنات ورا المطبخ وجابو طوب وعملوا زي نظام كانون كدا بالطوب وحطو عليه صاج من البوتجاز وكانو بيولعو خشب ويسوون عليه الاكل.
بعد مسوون الاكل الساعه جات ٥ والحيزابونه مستغربه ازاي قدرو يخلصو قبل الوقت ب ساعتين كمان.
الحيزابونه: انتو خلصتو.
اسيل وجنات بضحكه :ايوا .
الحيزابونه : تمام دلوقتي طباخ الملجأ هيدخل يدوق الاكل وعلله يكون مش كويس هتبدأو فيه تاني ويا ويلكم يا سواد ليلكم لو مستواش قبل ٧ ونص.
جنات واسيل بصو لبعض بصدمه: نعععععمم.
الطباخ دخل وداق الاكل : لا تمام كل حاجه مظبوطه .
الطباخ عشان بيحب اسيل اصلا قال.
وانا من دلوقتي هاخد مسؤليه اني اسخن الاكل بس البنات يساعدوني وقت العشا.
الحيزابونه : انا قلت اسيل وجنات بس.
الطباخ: حقوق الإنسان هتبقي موجوده ولما تشوف بس بنتين هتقول ان في حاجه غلط يبقا لازم نساعدهم.
الحيزابونه بأقتناع:طيب تمام يارب تعدي علي خير.
الطباخ لآسيل بعد لما الحيزابونه مشيت: روحي انتي شوفي هتلبسي اي انتي وجنات عشان هقنعها انكم تغنو فالحفله انتي وجنات.
جنات واسيل:بجد بس ازاي؟
الطباخ:سيبوها عليا انا بس جهزو نفسكم.
دخلت اسيل وجنات عشان يلبسو وكل واحده بتقيس هدوم الدار مقدمهالهم عشان الحفله.
...
نروح عند ايوب
ايوب صحي من النوم شرب قهوته اخد معاه سليم وراحو الشركه وخلصوا شغلهم واجتمعاتهم وفاخر اليوم الساعه ٦ ونص مساء.
ايوب: يلا ي سليم عشان هتروح معايا.
سليم:يعم اروح معاك فين مش رايح فحته.
ايوب: ي سليم متخلنيش اتعصب عليك.
سليم بتمثيل: يعم انا اروح عند امي ولا تقلي اتعصب عليك ولا احب فيك .
ايوب قاله : كفو تمثيل يلا بقا عشان مينفعش لازم نروح سوا احنا الاتنين دا فوش شركتنا.
سليم:مفيش مهرب منك غير ليك ي حبيب قلبي يالا بينا
ايوب: يالا يلا يملزق انت قدامي.
سليم: انا ملزق طب مش رايح .
ايوب: طب خد دي ع قفاك ويالا بقا.
سليم:متقفش اوي كدا.
خرجو سليم وايوب وكانو فطريقهم للبيت.
اول موصلو البيت
طلعو لبسو وظبطو نفسهم وخرجوا الاتنين عشان يلحقو يوصلو عالمعاد.
هناك فالدار عند اسيل..
...
اسيل : ينهار ابيض كل دول ناس ريحتهم حلوه اوي وشكلهم حلو اوي.
جنات: اومال انتي مفكره اي ي بنتي مش رجال أعمال وحقوق انسان لازم يبقو مزز كدا.
اسيل:اتلمي ي بت انتي.
جهزو اكل لكل الموجودين علي سفرتين والحيزابونه قالت إن دا بنات الدار الل اشتركو فيه مع الطباخ عشان يقدمولكم احسن اكل وبمجهودهم.
واحده من ضمن سيدات حقوق الإنسان قالت:جميل جدا انهم بيتعاونو مع بعض.
خلصو اكل واسيل وجنات تعبو جدا.
الطباخ دخل عليهم وقالهم يلا عشان هتغنو.
اسيل : اي دا ازاي بشكلنا دا.
الطباخ: هما لما يسمعو صوتكم اكيد مش هيدققو مع هدومكم.
يالا بقا.
خرج الطباخ وقدم البنات.
الطباخ:يسعدني ان اقدم لكم الانسه اسيل والانسه جنات.
بأصواتهم الجميله اللي بنتمني تعجبكم.
دخلو اسيل وجنات وهدومهم مبهدله.
بعض الضيوف ضحكو عليهم وعلي شكلهم.
وكمان سليم ضحك عليهم وقال اي الاشكال دي معقول دول يغنو.
اسيل اتحرجت وقالت لجنات: يلا ندخل هيفضلو يضحكو علينا .
واحده من حقوق الانسان: حضراتكم بتضحكو علي اي لو سمحتم اسمعو.
فرحت جنات وضغطت علي ايد اسيل وبدات اسيل ف اغنيه.
اه من عيناه دانا واللهي ما حب القلب سواه.
اول مبدأت تغني بص نحيتها  ايوب لقي بنت عيونها غريبه وشكلها غريب وفارده شعرها كأنها ملاك حرفيا بغض النظر عن البهدلة الل هيا فيها فضل يسمع فيها وانتقلت جنات تغني .
وبرئ وجرئ والطيبه دي فيه
ولا ليا مكان غير  حضن عيييينه.
واندمجو اول مقالو سوا
اه من عيناه دانا واللهي ما حب القلب سواه.
سقف ليهم كل الحضور وبعدين بداو يمشو بعد لما عرضو عليهم لوح البنات عشان الاغنياء يشتروها وكمان عشان باقي الأشخاص يتبرعو.
وفضل ايوب يبص علي اسيل وبعدين سمع سليم وهو بيقله الحفله خلصت هنرجع البيت ولا اي انا عايز انام ي عم انت بتصحيني من بدري اوي يالا بقا.
ايوب: حاضر اسبقني انت عالعربيه وانا هعمل  حاجه وارجع حالا.
دخل أيوب وهو داخل فجأه.....
هنعرف هيحصل اي فالبارت الجديد ي شوباب
باي باي مؤقتا❤️🕊