بسنه 2021 صار بأبوي انسداد بالشرايين لانه مدخن وكل يوميه باكيتين جكاير يشرب باليوم ف راح للدكتور بكربلاء وكاله مالك علاج لان الدم متخثر بشرايينك وكل يوميه بالليل تتشنج رجليه ونفركهن اله جانو يجيبون لابوي مي زمزم ومي مقري عليه ودوه بس كلشي ما فاد بيه وبيوم الي يروح للطبيب يسوي عمليه حته يبدلون دمه مدري شنو جنت ما اعرف سبب العمليه لان جنت صغيره وما افتهم كلشي بس من كبرت عرفت ليش مات ابوي جانو بيت جدي يكرهون ابوي بس ابوي بطييته يراضي الناس اي ف اتوفى ابوي بسنه 2021 /16/8 يوم الجمعه الضهر الساعه ١١ او 12 ما اتذكر تقريبا يعني جنت صغيره ما افتهم شي بس بوكتها جنت اعرف الي يموت ما يرجع بعد او يضل يعيش ويانه واستوعبت انو ابوي مات وبعد ما يرجع يكعد بمكانه وبعد ما نسمع ضحكته الي تريح الكلب وترد الروح 💔💔 بوكتها اجه عمي احمد وزوجته النه عمي مبين عليه باجي ف عمي كال لامي اطيني شهاده السكن وجنسية محمد التومينيه ما اعرف شلون الفضها بس يعني جنسيه ابوي المهم ف امي ضلت تسأل بعمي ليش يريد شهاده السكن والجنسيه مالت ابوي؟ وعمي ضل ساكت وطلع وراح عمي ف زوجه عمي كالت ولج زهراء محمد مات وانوب كالت النا بالوجه وتدرون شصار بينه كل واحد كعد بالكاع وكام يبجي وعمتي اجتي يعني بيتها قريب على بيتنا واجتي لبيتنا وكامت تصيح تكول " ولك يمههه محمد مات عمت عيني يحميد وتلطم وتبجي " سمعتنه جوارينه الي قريبه علينا كلش وحبابه وهم كامت تبجي ويه عمتي واني يعني رغم ما اني صغيره بس اتذكر الاحداث كلها يعني جان عمري تقريبا 11 سنه او 10
ف رحنه لبيت جدي اهل ابوي ولكينه كل العشيره ملتمه هناك يعني ابوي جان ميت قبل ساعتين قبل ما يجي عمي واحنه ما ندري ف بيبيتي جانت تحب ابوي كلش من بعد عمي الي استشهد بسوريا يم السيده زينب عليها السلام يعني جان نفس حنيه ابوي ونفس طبعه الحلو الراقي ونفس طيبته ف بيبيتي جانت ما مستوعبه انو ابنها الي تحبه مات ووره ساعتين ونص جابوا تابوت ابويه ويمه ريحه ابوي بيه اني قبل ما يروح للمستشفى اطيته بطانيتي لان جان الجو بارد وشته ف اني اشتم ببطانيتي ريحه ابوي بيها وما خلو احد يتقرب على تابوت ابوي ما عدى احنه اطفاله وزوجته وامه وابوه ف يعني الناس صارت كتل على تابوت ابوي يعني ما شبعت من ريحه ابوي ووره 10دقايق شالو التابوت وصعدوه بسياره جبيره وودوه للكربلاء حته يدفنوه
واجوي خوالي واني مثل ما كتلكم انب احب خالي الجبير ف ركضت وحضنت خالي وكمت ابجي بحضنه يعني جنت طفله ما افتهم شي وبسرعه ابجي وخالي بس شافني كام يبجي وياي لان جان يحب ابوي هواي
جنت يعني كلما اروح للمدرسه اشوف بالشارع البنات ابوهن يوصلهن للمدرسه ويشبكن ابوهن ويدخلن للمدرسه واني منانه انقهر بالزايد جنت كل يوميه ابجي بالليل على ابويه وكل شوي اتذكر الاحداث ووصيته اليه يعني انتم شيصير بيكم اذا احد كاللكم هيج يعني عفته زعلان مني وراح ومات واني كل يوميه اتندم على الساعه الي زعلته بيها او ما فرحته
جنت اشوف صديقاتي يحجن على ابوهن شلون يطلعهن ويجيبهن بس عندي صديقتين نفسي وحده ابوها انغدر بالجيش من الجيش الامريكي وماله اي اثر ووحده ميت موتته الله نفس ما مات ابوي وجنت اكول لصديقتي زينب اني كل يوميه ابجي على ابوي بالليل ومحد يدري بيه وما تصدكني وكلما اكول الها مشتاقه لابوي تكلي هم رجعنه لنفس القوانه تره الرجال مات ماتتت
يعني جنت ما مستوعبه انو ابوي ميت جنت كل يوميه اتذكر الاحداث وشلون جابو التابوت مال ابوي
وجنت ما اكدر انام اله ابجي يله انام يعني جنت طفله والطفله من تريد شي او تفارك شي مو تكوم تبجي عليه وتنقهر؟؟ صرت كل يوميه اطلع باسم الكربلائي قصيده هذاا ابوي الغالي واكعد وحدي وابجي يعني جنت هواي متاثره بموت ابوي وجنت ما ابين هاذه الشي لاهلي وامي اخاف عليها تنقهر وتبجي بسببي اتذكر مره جان ابوي يبجي على عمي الشهيد ومشتاق لعمي وهاي اول مره اشوفه يبجي بيها يعني بس شفته يبجي كمت ابجي وياه يعني ما اتحمل اشوف احد يبجي
أنت تقرأ
الفتاه المحضوضه🤍✨.
Romanceيروى ان بطله هذه القصه كانت تعاني من مشاكل في حياتها من قبل اهلها كانت تعاني من التنمر والكره الذي من اهلها وخصوصاً امها الذي كانت تفرق بينها وبين اخوانها....
