ميرال :كعدت صبح سويت روتيني اليومي ومشيت لمدرسة ماتخلي من نصبنه على طيبة شوية وتنجلط والبنات عرفن نقطت ضعفهةوكل ساع يبسمرن بيهة مومثلي اطكها طكهة
شجن:كاعده ومسطورة هذولي شذكرهم موقبل كم سنه رفضنة وقطعنه علاقتنة وياهم وهسه دازيلنة ناس علمود يشوفونه. يكولون قبل بنتنة صغيرة 14هسه صارت 17
واني جنت اصنت عليهم بالاستقبال وسمعت كضيت كلبي بيدي بس هل مرا موخوف لاجنت صغيرة قبل ونضحك عليه بس هسه مبية حيل اناقش بهيج موضوع وميرال من رجعت من المدرسة ولكتني يم الباب تهدد بس سكتتها كوة
ميرال حت على اهلي تحجي اكلهة عليهم قابل همة كالولهم تعو خطبو بتنة ميرال لوبيهم خير اهلج جان طردوهم. ماشتغربت هيه هيج طبعها الي ميعجبها طكها طكك بوجهة
بس سكتهة كتلهة سوي نفسج متعرفين شيء اذا اهلي فتحو الموضوع ذيج ساعة ماالومج بس هسه سكتي وميرال ضلت تحجي
طلع بشكو موقف موزين بالماضي وبالحاضر
هيه من نوع اذا شي يخصني او يخص احد تحبه تحقد تخيلو الى هذا اليوم هيه متحجي وي ولاشخص من اعمامي حت عمي مسلم عليه اخوب فطيم بس تتفشل كدام نسوان من سلم عليهة ميرال متعبرهةعكسي استحي وسلم
يمكن محد يعرف قبل 3سنين شنو همة سوو
بيت عمي جبير همة صايرين ورانه. وطبعهم. وعاداتهم وتقاليدهم بعيدة كل البعد عنة احنه الي يشوف عمامي محد يعرف هذولي اخوان كل بيت
وعقلية وتفكيرة الي خطبوني. معدهم بنات تلزم فون او مدرسة تكمل او تطلع او تلبس ملابس الي تعجبهة حدهة فستان. ومو اي فستان يعني حت ذوقهم ايع فوك ماتقاليدهم ايع وبناتهم يخدمن اخونهم
يعني تخيلو جانن اذا يريدن شي يجن لميرال تكل لبوهن عمو يحب ميرال ميرال وهيه صغيرة محبوبة رغم يكولها لسانج يعم عليج ويخلي ناس تكرهج اهلي وهيه تكول طز يحبوني همة مخيرين بس يحترموني مجبرين وميرال الكل يحبها وربي حت يتلوكولهة يعني يشترولها اشياء وهم مومن طبعهم يشترون لغير اولادهم وبناتهم. ويحبون يناقشونة ويشاقوهة
من هيه وصغيرة اهلي يشوفوهة مسترجلة بس الواقع هيه قوية وعدنه البنت القوية والي ترادد ومتسكت عن حقهة وجيبة من حلك سبع يعتبروهة مسترجلة ميرال بحكم هيه اصغر مني ب3سنوات يشوفونهة صغيرة نضرة مشت عليهة واني اهلي يشوفوني جبيرة قبل جانو حت على لبسي مشددين بس مومثل اعمامي لالا البس قمصان طول وبناطير مومثل ميرال تركاتهة عادي حت برمودة تلبس ونوب ولد اعمامي يشيلون روحهم ويركعوهةيكولهة تلبسين نفس الولد
يقصدون لأن سروال وتشيرت بس هنه بناتيات وهيه من شوفهم هيج. تكلهم. شفتت زلم خلصت وسترجلت.
اعرف ليش هيج يحجون بكدام. ابوي ميجرئون بس عود ميريدون اختهم ضوج. لأن دائماً عينهة على لبس ميرال عدهم 3بنات وحده مزوجة وثنين ممزوجات وحده 24ولخ اكبر من ميرال بكم شهر بس شنو ماتنجرع
أنت تقرأ
الميرال
General Fictionميرال:وحق العباس الزلمة والي بي خير يسويها ويجبر اختي اريد اشوف ابن امة وابو الي يجبرها شجن :اتراجف بسبب الرعب الي خلتني بي امي ومرت خالي خوفا من الي حيصير اباوع من فتحت الباب ميرال واكفة بنص اعمامي وتاشر عليهم فقدت ونوب هيه بيها صح متحترم اي احد ب...
