خط النهاية 🔥

البارت الاول

تعرفون شنو اكثر شي يخلي انسان يتخبل ويسوي تصرفات بعمرة مجان يتصور يسويها او يكول مستحيل اسويها لخاطر احد اني اكولكم راح تسوون اشياء كلتوا بعمركم مستحيل ولا ومليارات من نفي متواصل راح تسووها بسبب الحب راح احجيلكم قصتي وشلون انشلع كلبي ويا شخص احبة اني يمن وادرس مرحلة ثانية تربية رياضية قسم كرة سلة متربية بين ٣ اخوان وطبعا من حبي اليهم اخدت طباعهم من طريقة حجي وشقى والتعامل بس ما نسيت اني بنية وهذا شي جان مرات يضوجني من اريد العب وياهم او اطلع بشارع او ايي شي اسوي اني بنية لذلك جان لبسي كلة عريض كلش وشعري دائما اشدة صح اني مطبعة اطباع ولد بس ما كصيت شعري ولادي فقط جنت ما اخلي يطول اكتفي بطولة لحد اكتافي بس شنو جان اسود فحم احب لونة لايك وية بياضي وعيوني سود بس رغم هذا كلة ما جان فد يوم اهتمامي ادخل علاقة دائما  خاصة بعد ما اثنين من اخواني سافروا بقينا اني واخوية فمسؤولية توزعت علينا بس امي ظليت تلحك وراية علمود اتزوج مكرعة راسي شوفي عرسان تعرفوا على بعض واني من اشوفهم ربع ساعة ويطلعون بعد ما يرجعون بسبب اسوي بيهم وامي تتخبل هية تجبرني البس لبس ما اريدة واحط مكياج اكثر من لازم يشوفوني ينبهرون خطية بعدين ينصدمون من حجي ليسمعوا   😂 اني جسمي رياضي كلش احب رياضة ما مخلية رياضة تتعب علية لا اشتراك بالجم لا سباحة لا طوبة لا ملاكمة لذلك دخلت تربية رياضية  وهذا شي حصل انتقاد من اقارب وشنو هية ولد وهاي مو اليها من هل حجي وبس يسمعون امي حجي ولكن امي تصدهم لان هية ربتني اكون شخصية قوية خاصة بعد ما اتوفى ابوية لو ما شخصية امي جان اخدونا بيت اهل ابوية  وتربينا بعيد عن امي بحجة ما تكدر تعيشنا بس هية كدرت وهذا شي كل ما اتذكرة ينطيني قوة وحمدالله اخواني الله وفقهم بالشغل الحر وماما ارتاحيت من شغل وهسة بدل سيارة عدنا ٣ وعايشين مرتاحين لذلك جنت محط تركيز طلاب بقسم وياية لان اجي بسيارة رياضية وعبالهم فشلت ودخلت هذا قسم وانجح بفلوس اهلي بس صراحة اني كلش لاعبة موهوبة بسبب طولي وجسمي عندي اكتاف حيل عريضة انطتني ضخامة اغطي على كدامي وهذا شي سببلي ازمة ماكو ولد ينعجب بية بطولي كلهم كصار 😂 مهم بس صار ما جان بحسبان ورحت لليوم مشؤوم بحياتي

🤔🤔🤔🤔