وهَم ايثار

bart 26

#وهَم _ ايثار#

بقلَم: ( ليندا محمد )

مالي واهس حيل بس هذا بارت هديه قصير يلا تونسوا وصوتوا اضغطوا على النجمه اك حبايبييي

( مشاهده ممتعه)

          _________________________

نيروز

بعد مرور اسبوعين آسر راح وبقينا على الاتصالات بس يعني صارله هواي ماجاي واحنى بالبيت مانطلع

-ناره: خاب اييععع شهالقهرر
-ايثار: شبيچ بس تنوصيين

-ناره: هذاا الخ*ه كتل البوووت
-نيروز: بشرفچ شمستفاده من الببجي ايعع

-ايثار: شگد اكرها لهالعبه
-ناره: خااابب اسكتلندا كااافيييي

سكتنا وايثار هزت ايدها وسمعنا صوت الباب يندگ
-ايثار: من وراا صووتچ

-نيروز: تعالي نشوف منو

طلعنا وتفاجأنا منو الي واگف بالباب  عميي ماالكك؟؟

-مالك: سلام عليكم
-نيروز: اهلاً عمو اتفضل جوا

دخل جوا وچان ويا اثنين ولد بس بقوا برا مادخلوا رحت للمطبخ وايثار وياي

-ايثار: هذاا منوو؟
-نيروز: عمچ الوسطاني الي چان مسافر عزاا ولا عرفته

-ايثار: زين منو هذول الي وياا
-نيروز: يمكن ولده

سكتت وانيهم ورحنالهم انطيناهم مي وعصاير وگعدنا
-نيروز: اي عمي شلونك متغير

-مالك: اي والله ياعمي اني اجيت اشوفچن وعرفت شصار بينكم وبين عمچن خالد ومحمد

-ايثار: اي عموو والمطلوب؟
-مالك: اجيت حتى ترجعن ونصلح الي صار

-نيروز: لا عمو اني عندي كرامه ومستحيل ارجع لهذاك البيت بعد الي صار

-مالك: افتهمچ حبيبتي وحقچ بس لازم تجن واذا سوو شي اني وياچن الله شاهد أجيت من تركيا بس علمودچن لان اني قبل أيام عرفت وسولفلي مؤمن

-ايثار: لا عمو منگدر اسفين واذا خواتي قبلن يروحن اني ماقبل

-مالك: انتي مو ايثار شجابج؟
-ايثار: اجيت قبل شهر علمود خواتي

-مالك: اي عمي صايره حلوه بنت اخوي

-ايثار: اشكرك عمي وهسه نرجع لموضوعنا احنى مانرجع لهذاك البيت

-مالك: بس هذاك يبقى بيت جدچن مو بيت عمامج يعني البيت مو بأسمهم واني اعتذر منچن بسبب الي سوو

-نيروز: عمي على عيني وراسي انتَ بس مانكدر
-مالك: تعالن بناتي يردن يشوفنچن ومرتي هم تعالن

-ايثار: تمام عمي بس كم يوم ونرجع

فرح عمي وابتسم ابتسامه عريضه وحجه
- يلا انتضرجن برا بين ماتجهزن

طلع واحنى مامقتنعين بس لان أصر فلازم نروح
-ناره: لاتگللي نروح

-ايثار: شنسوي لعد يلا
-نيروز: تعالن نتجهز عيب منتظرينا

رحنا اخذنا جنطه وخلينا بيها ملابس ولبسنا هم وطلعنا لقيناهم منتظرينا وحجه ابن عمي ماعرف اسمه

- تعالن بسيارتي هاي

صعدنا بسيارته جانت جيب حديثه بيضه حرك السياره وحجه ويانا

- صدك ماعرفتجن علي اني اسمي هارون واخوي الأكبر مني اسمه إبراهيم

-نيروز: نتشرف عيوني اعتقد تعرفنا مايحتاج نكول
-هارون: ايي اعرفچن شلون ماعرفچن

-ايثار: عندك خوات مو؟

-هارون: ايي ثنين عائشه أصغر مني والاصغر كلش روفان

-نيروز: حلوو ماشايفتهن اني
-هارون: هسه تشوفيهن

بقى يحچي ويانا لحد ماوصلنا توترت انزل ونزلنا ثلاثتنا دخلنا ومن دخلنا كلها صارت تباوعلنا والاغلب على ايثار لان ماشايفيها بس عمي خالد انصدم من شاف ايثار وهي واكفه بثقه مامهتمه

-مالك: هلا ببنات اخوي دخلن دخلن

سلمنا واكو بيهم جاوبوا واكو لا معروفين منو همَ
اجتنا مره حلوه مبينه زوجة عمي مالك سلمت علينا ورحنا گعدنا مامهتمين كلنا واجن بنات اثنين عائشه وروفان ماعرفت منو عائشه ومنو روفان

- شلونجن بنات
-ايثار: الحمدلله وانتن؟

-بخير انتي نيروز مو
-ايثار: لا اني ايثار هاي نيروز وهاي ناره

- امم اني روفان شلونچ نار
-ناره: بخير ههههه اسمي ناره مو نار

-روفان: حلوو اسمچ نااره
-ناره: عمريي مو احلى منچ

-حبيبه: ايي شعدچن اجيتن مو رحتن
-نيروز: اعتقد هذا مو بيتچ وشوكت مانريد نجي

-حبيبه: اممم
هزت ايدها واحنى سكتنا واجت ميساء كعدت يمي وحجت

-ميساء: ايي صدك شعدجن اجيتن وهاي نسرين اني الها

-ايثار: نسرين تطلگت شعندچ وياها بعد؟
-ميساء: البنيه مالها غير رجلها وهي تطلكت امداها

-نيروز: عمه انتي شعليج بينا نتزوج لا نتطلك لا شعليج

تفشلت وسكتت واحنى بقينا نسولف وبنات عمو مالك هم ويانا

-نيروز: انتن شگد عمرچن
-عائشه: اني 19 وروفان 18

-ايثار: ياا اني اكبر يعني
-روفان: شكد عمرج يعني؟

-ايثار: 24
-ناره: فديت اختي الكبيره مووحح

بقينا نحجي ونضحك لحد ماملينا بعدين رحنا للغرفه والبقيه ينامون واكو نصهم ماشفناهم