نصيبي

Part 03

Part 3💙💯💙
بسم الله الرحمن الرحيم
استغفر الله العظيم واتوب إليه
لااله الاالله وحده لا شريك له الملك وله الحمد وهو على كل شيء قدير
الحمدلله
_________♕______________________♕____
يوم 9 الشهر 11
رحمة مدت كوب قهوة ل ايلين ل كانت  متغطية مقابلة دافية

ايلين: اخير جات شتاء
رحمة: ليوم جو يهبل... احلى شي فيه صوت قطرات المطر

ايلين بابتسامة: وكتاه عرس تاع ولد صاحب بابا
رحمة: ليوم حنة وغدوة عرس في صالة، ماما اكدت عليا باش نجيبك معايا

ايلين: ماما شكلها  حابة تزوجنا، على بيها سبقت قبلنا ل العرس

رحمة: احكي على روحك انا زوجي جاهز ياقلبي
على رنة هاتفها

رحمة: الو حبيبي
: لباس

رحمة: الحمدلله ونت ياعمري

ايلين  سحبت حالها و.... ناضت طلعت ل غرفتها ورمت روحها على فرش بقات تخمم في محمد يعني يجي نهار ويحبها كيما تحبو هي كانت تشوف في  راجل بمعنى كلمة و اخد عقلها قبل قلبها...

بعدها تنهدت ناضت توضت وهزت مصحف بقات تقرا حتى عيات قفلتو و رقدت

🍂🍂

نبيلة كانت ترقص في قمة سعادة في عرس بنت عمها وصديقتها مقربة

سعاد: هادي بنتك الصغيرة ياكريمة

كريمة هزت راسها بايجاب

مرت عمها: ايه بنتها ل صغيرة اسمها  نبيلة  بنية كيف عسل كان تاخديها ل واحد من اولادك و نولو نساب

سعاد: حتى انا عاجبتني...نشوف مع ابني  معاد و نخبرو عليها اذا كان ماعندو حتى بنية في راسو

مرت عمها: و كون تكمل  سعاد تمد وحدة من بناتها ل كريمة  نولو اقرباء مش نساب فقط

سعاد: عندي  رحمة و عاطيتها لاختي، اما  ايلين لساتها صغيرة و  ماتهني في عمل منزل ف مزالت  حاكمتها عندي

...

محمد كمل صلاة عشاء

و قام اتصل ب امين

محمد: كان مانكلموك ماتكلمنا

امين: اشغال ياحبيب

محمد: انا رفيقك يلزمك تحطني مع انشغالات

امين: ههههه والله غير غالي عليا يارفيق بس الظروف خلتنا ننشغل 

محمد: ههه انا اتصلت ل حتى خبرك انو بكرة راح ارجع
توا نمر عليك لانو ل بعدو راح نغير ولاية

امين: ايه.... التوفيق ليك ربي يحميك يارفيق

محمد: تفاهمنا بكرة نمر عليك

امين: تمام وسكر خط

محمد جلس على فرش و  يفكر كيف  راح  يقدر يوقف تدريس ب الجامعة كيف راح يروي عطش شوق، بعدين استغفر بعدين... ورجع يفكر شو هالمشاعر ل تمكنت منو ورجع استغفر