قلتُ : هل ما زلتُ موجوداً هنا ؟ أَأَنا طليقٌ أَو سجينٌ دون أن أدري ، وهذا البحرُ خلف السور بحري ؟ قال لي : أَنتَ السجينُ ، سجينُ نفسِكَ والحنينِ ، ومَنْ تراهُ الآن ليس أَنا ، أَنا شَبَحي فقلتُ مُحَدِّثاً نفسي : أَنا حيٌّ وقلتُ : إذا التقى شَبَحانِ في الصحراء ، هل يتقاسمانِ الرملَ ، أَم يتنافسان على احتكار الليل ؟
-.
.
.
.
في بغداد ٤:٠٠فجرأ
كافي عيونج راحت من القرايه وأنتِ تعرفين احنه منكدر اندخلج كليه بسبب الحاله الماديه
:. عادي ادرس هو اخر يوم اتعب بلكت يطلع معدل بي خير وافرح بي يمه دعيلي فدوه رحتلج
ان شاء الله بنتي تردين اسويلج چاي
:.سلامتج يمه اريد ادرس صعبه الكيمياء
الله يوفقج أن شاء الله
:.ارجعي نامي يمه اني متعلمه على سهر
عبالي محتاجه شيء لأن اني ب٦ اطلع
:.ليش يمه ؟
يمه نسيتي اشتغل بيت ابو رحمه
:.چا ليش ب٦
يمه ابوج مايكدر يصرف وحده وهيه باليوم١٠ الالف وين تكفي انتِ واختج
:.الله يرزقه الابويه تعب خطيه
إن شاء الله هسه كملي بنتي
:.كعدت ادرس لحدما صارت ب٧كعدت هبه حتى اوديها للمدرسه بطريقي
:.هباوي اكعدي
همم اممم
:.حبيبتي كومي عندج امتحان قراءه والمعلمه تكتلج اذا مارحتي
صباح الخير
:.صباح الكسل كومي ولج
هههه كايمه بس اني جوعانه
:.هسه اسوي بيض وچاي وحتى نروح
يي راح اغسل وبدلي ملابسي مال مدرسه
:.خوش دكومي لميت الفراش وبدلتها صدريه وقميص وسويت بيض وچاي وتريكنه
كافي اني شبعيت
:.شبعيتي ههه ولج عيب احجي عدل عمرج٧سنوات كبرتي
اني ما اتبر(اني ما اكبر),
:.دبله خل اغسل المواعين والبسي حذائج
اني ماعلف البث (اني ماعرف البس)
:.ماكو مصرف مدام هيج تحجين
لاااا اني اعرف البس يله
:.بيها مصرف عرفتي وتحجيم عدل همين
