نبدا بالقصه
بسم الله الرحمن الرحيم
السلام عليكم يأبه اني اعتذر عن الانقطاع بس يله حبايب جايبه الكم مفاجأ والله تجنن
ساره .. اني ما جاهزه للزواج
رفل..لا تهنبلين علينا
إم طارق.. تعالي يمي ساره احجيلچ شيء
ساره.. كمت يمها أردفت كولي خاله
ام طارق.. يمه طارق اخذ عمره متعوب علينا يركض منا للشغل ومنا المدرسه ومنا خواته بس هنه رادن رجوله ما رادن اخوهن وكلهن كاطعات بينه ضلت بس رفل واني كتلهن الما أريد طارق ومرتضى اني ما اريدها وهن كلمن راحت الها من شوكت عدنا انت شفتي وحده خابرت رفعت تلفون هنه ما يردنه طارق تعبت ابو من چان عايش جان مدلل من مات أبو عمامه كتلوا على اتفهه الاشياء وابسطها الماي اذا ما ترسه يكتلوا عيشنا وهو عمره ١٣ سنه اشتغل
ساره..اباوع عليها تبجي وتحجي واني بچيت يعني متحمل مسؤولية من جان جاهل اذكرت من كال اني تعبان اريد ارتاح
ام طارق.. فا ايدج ويا على حلوه والمره يمه المره تحتوي الرجال والرجال بيد المره مثل الطفل من تباري يريدچ
ساره.. أن شاء الله خاله احطه بعيني
رفل.. من تحطي بعينچ كومي نروح للصالون تحفچ عرسج بعد اسبوعين
ساره.. رحنه نحف ونضفت جسمي من ١٠ الصبح لـ١ الضهر رجعنا
مرتضى.. شنو طلع البدر علينا
ساره.. شكو
مرتضى.. شصار بيچن كتلني الجوع متت
رفل.. انت جسمك بس بطن؟
مرتضى.. راح تجي مرتي لا خلف الله عليچن انت وهاي جدتها مجلده
رفل .. راح يچلب بيج
ساره..اكول لطارق عليك ولله
مرتضى.. ولچ صرتي مره چنتي مشوربه شواربج وين
ساره.. اننن عود خطيبتك حلوه
مرتضى... تجنن
طارق.. چا مرتي تخبل العاقل وتعقل المحبل
ساره.. انداريت اشوفه غمزلي نزلت راسي اضحك
مرتضى.. عود تخجل هو ذاك اليوم معطچ كدامي
ساره.. فتحت عيني على وسعها وباوعت لطارق
طارق.. گبر لفك صيح بجامع بعد
ام طارق.. چا يمه شمالك تبوسها كدامه
رفل.. يمه ابنج روحه دنيه
ساره.. صار الحجي هيج صعدت اركض سمعته يصيح
طارق.. صعدي بويه جايج
ساره.. والله شوي وصعد دك الباب وفات
طارق.. بويه هواي على كلبي هيج جمال وبياض
ساره.. يعني حلوه
طارق.. اكو حلو واكو احلى واكو أنتِ
ساره .. ههه
طارق.. ضحكه ضيم
ساره.. تقدمت عليَّ لزمت شاربه أردفت احب شاربك
طارق.. چنتي تكرهي
ساره.. عبالي تكول عليه سوده لان شعر شاربك اسود
طارق.. من شافج صار ابيض نترس شيب
ساره..امممم
طارق.. فدوه لهل وجهه الدبل فهاوه
ساره.. يحلو اريد رقمك
طارق.. استغفر الله انا رجل متزوج
ساره ..تولي مرتك اني أخذني
طارق... احح مرتي تنعلس چنها علچ مي
ساره.. هههههههه
طارق.. بويه اني العصر اجيب الغرفه نروح نختار ونجي
ساره.. لا جيب على ذوقك ماشي
طارق.. لا تعالي وياي ختاري
ساره.. مو اروح اجيب ملابس العصر
طارق.. كثري من الچويتي بمكر
ساره .. خاف جلد النمر
طارق..هاي مال عساكر اني ضابط
ساره...هههه بسته بخده حيل وطلعت للعصر جبنه ملابس واجينه اني و رفل ومرتضى خذانا ورجعنا رجعت ذبيت نفسي ما ادري بالدنيا طشت رشت حسيت چكچكه مال لحيه على ركبتي فزيت مخروعه
طارق.. لا تخاف بويه اني هذا يشعره الشارب
ساره..رفعت راسي انطي مساحته
طارق..عجبك الوضع خلي نعرس هسه
ساره.. وخرت متضايقه
طارق.. وعيتي
ساره.. اريد انتقم
طارق..يا ستار يا حفاظ
ساره.. اخوك يكول عليَّ زلمه چنت انتقم منه بمساعدتك
طارق.. اريد مقابل
ساره..عود ابوسك
طارق..عود؟
ساره..لا ابوسك والله ومنين ما تريد
طارق..كومي لعبتي هاي
ساره..رحنا لغرفت مرتضى نايم طلعت من هو ربك بجهازي وبجهاز طارق نصور عليت الصوت حيل حطيته بأذنه فز مرعوب أردف
مرتضى.. وين اني بيوم القيامه يمي ابو لهب ابو جهل يااعلييي
ساره.. هههههههههه
طارق...لا يم تيسير
ساره.. هههه أبو لهب اعرفه ابو جهل منو
مرتضى.. الزلمه ام شوارب
ساره.. كام يركض وراي ختلت بضهر طارق احتمي بيَّ
مرتضى.. أجرج من ورا واكتلج
طارق.. خوش زلمه طخها
ساره.. اسوي حركات بلساني انننن تغار مني انننن
طارق.. ههههه ضحكي عليَّ حبيبتي
ساره.. اجت رفل تصيح
رفل.. اي عيني خلن اخواني يتعاركون علمودهن ايييييي
ساره.. ههه سوالف حموات
طارق.. ما تاكبدل عندي
ساره.. يله كافي خلونه انام هسه بـ١٢
صعدت فوك حسيت طب بدون سابق انذار باسني حيل
طارق..هاي لان ساعدتج ويحلوه عمامج حكم٤ سنوات لان خطفوج اخيسهم بالسجون وتشوف عينچ الي يرشچ بماي ارشه بدم
ساره..حضنتها اشكر ربي عليك شنو سويت وأرزقني بيك هل كد تحبني وتخاف عليه احبك طارقي
طارق.. يروح طارقچ يموت بذكر اسمچ انت حياته من الدنيا كلها
ساره.. يله حبيبي روح نام
طارق.. تصبحين على خير
ساره.وانت كل الخير يروحي راح واني نمت من التعب والله اتعب هواي ثاني يوم جابوا الغرفه وشدوها وعدلها وهو فرحان ومرتضى الگاع ما لازمته لان هم عرسه ويانه
يأبه البارت الجاي الاخير أن شاء الله اكون كفيت وفيت بالكتابه احزروا شنو المفاجأه
